Arc(8) တစ္ဆေလောင်ကုန်းပြန်မွေးဖွားလာပြီ-(၁၇)။
"သူ့ကိုပြောလိုက်၊ ကိုယ်မသေသေးသရွေ့ သူဘယ်လောက်ပဲတွေးနေပါစေ အကုန်လုံးကထင်ယောင်ထင်မှားပဲဖြစ်လိမ့်မယ်လို့။"
ဖုကျင်စစ်ကလင်ခုံးနားထဲမှာတီးတိုးဆိုလာပြန်သည်။လင်ခုံးလုကူကယ်ရာမဲ့စွာတွေးလိုက်မိသည်: မင်းကသေပြီးသားလေ။
ဖုကျင်စစ်ကအခုပဲဒါကိုတွေးမိသွားပုံကာစကားပြောင်းလိုက်သည်။
"ကိုယ့်ဝိညာဥ်တည်ရှိသေးသရွေ့..."လင်ခုံးလု: အဲ့လောက်မရူးစမ်းပါနဲ့ကွာ။
သူတုန်သွားကာအလိုလိုလည်ပင်းကျုံ့လိုက်ပေမဲ့ဘာမှမပြောလိုက်ပေ။
ဖုကျင်စစ်ကသူသူ့ဆီကပုန်းနေမှန်းမြင်လိုက်ရတော့ သူ့မျက်နှာထားရုတ်ခြည်းပို၍ပင်ဆိုးဝါးသွားကာ သူကသြရှရှအသံဖြင့်ဆိုလိုက်သည်။
"မင်းကိုယ့်ကိုကြောက်နေတာလား။"လင်ခုံးလု: မင်းငါ့ကိုနေ့တိုင်းခြောက်နေတာကို ငါမကြောက်ဘဲနေမလားဟ?
သူကားတံခါးဆီမသိမသာကျုံ့သွားကာ သူနှင့်ဝေးဝေးနေရန်ကြိုးစားလိုက်သည်။
"တင်၊ မကောင်းတဲ့စိတ်တန်ဖိုး၅။"
လင်ခုံးလု: "....."
သူရုတ်ခြည်းရှယွိချန်ကိုပြောလိုက်သည်။
"ရှရှ၊ ခဏရပ်ပါအုံး။"ရှယွိချန်အခုပဲနောက်ကြည့်မှန်တဆင့် သူ၏ကျုံ့ဝင်သွားပုံကိုမြင်လိုက်ရတော့ ဖုကျင်စစ်လည်းကားထဲမှာရှိနေလောက်မည်ဟုထင်မိသဖြင့် ကားစတီယာရင်ပေါ်ကလက်များကိုအလိုလိုတင်းကြပ်လိုက်မိစဥ် ရုတ်တရက်"ရှရှ"ဟူသောအခေါ်ကိုကြားလိုက်ရသည်။ သူမိန်းမောသွားကာသူ့နားရွက်များထုံကျင်သွားရသည်။
"ဟုတ်ပြီ။" သူ့အသံမှာအက်ရှနေပြီး သူခပ်မြန်မြန်ပင်လမ်းဘေးကကားပါကင်ထိုးသည့်နေရာလွတ်မှာကားကိုရပ်လိုက်သည်။
လင်ခုံးလုကားထဲကအမြန်ထွက်ကာ အရှေ့ကိုသွားပြီး အရှေ့ကတံခါးကိုဖွင့်ကာခရီးသည်ထိုင်ခုံမှာဝင်ထိုင်လိုက်သည်။
ရှယွိချန်သူ့ကိုဗလာစိုက်ကြည့်နေတာမြင်တော့ သူတစ်ဖက်လူကိုနူးညံ့စွာပြုံးပြကာပြောလိုက်သည်။
"ငါမင်းနဲ့အနီးကပ်ထိုင်ချင်လို့လေ။"
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...