Unicode
ရှောင်အိမ်တော်တွင်...
" မေမေ၊ ဒီနေ့ အရူးလေးကို တွေ့ခဲ့တယ်။ " ရှောင်ယွဲ့ဖုန်းက စားပွဲမှာထိုင်ရင်း ရုတ်တရက်ပြောလိုက်သည်။
" သူ့ကို ဘယ်မှာတွေ့တာလဲ? " ကျန်းဖေးအာက တအံ့တသြဖြင့် မေးလိုက်၏။
" လောင်းကစားအိမ်ထဲမှာ... မေမေ အရူးလေးက ကျောက်လောင်းဖို့ သွားတယ်။ " ရှောင်ယွဲ့ဖုန်းက ပြောသည်။
ကျန်းဖေးအာ ခဏတာ အံ့အားသင့်သွားသည်။ ရှောင်ကျင့်ထျင်သည်ယခင်က ဘာမှလုပ်စရာမရှိလျှင် လောင်းကစားအိမ်သို့ သွားလေ့ရှိသည်။ သူ ဒီတစ်ခေါက်ပြန်ရောက်လာပြီးနောက် ရှောင်ကျင့်ထျင်က လောင်းကစား သိပ်မလုပ်ခဲ့ပေ။ မထင်မှတ်ဘဲ အရူးလေးကလည်း လောင်းကစားအိမ်ကိုသွားမယ်လို့ မမျှော်လင့်ထားခဲ့ချေ။ အသက်ငယ်ငယ်လေးနဲ့ ရှောင်ရှောင်ဖန်က တကယ်ကြီး လောင်းကစားလုပ်တယ်ပေါ့! အခု ရှောင်ကျင့်ထျင်က ကလေးတွေကို ဘယ်လိုသင်ပေးနေတာလဲ?
" သူတစ်ယောက်တည်းသွားတာလား? " ကျန်းဖေးအာက မေးသည်။
" မဟုတ်ဘူး ဒုတိယဦးလေးက သူနဲ့အတူလိုက်ခဲ့တာ။ " ရှောင်ယွဲ့ဖုန်းက ပြောသည်။
ရှောင်ချင်းယန်သည် ထိုသတင်းကိုကြားသောအခါ ခေါင်းကို မော့ပြီး ရှောင်ယွဲ့ဖုန်းကိုကြည့်ကာ သံသယအချို့ဖြင့် ပြောသည် "အရင်တုန်းက ငွေမရှိရင် ကျောက်လောင်းကစားနဲ့ တခြားလောင်းကစားအိမ်တွေမှာ ပြည့်နေမှာမဟုတ်ဘူးလို့ ပြောကြတယ်။ ငွေထောင်နဲ့ သောင်းနဲ့ချီပြီးသုံးရတဲ့နေရာမျိုးကို မသွားရဲကြဘူး။ အဲ့ဒီအရူးမှာ ပိုက်ဆံအများကြီးရှိတာလား? "
" အရူးလေးက ကျောက်တုံးတွေ အများကြီးရွေးထားပြီး နောက်ဆုံး ရွေးလိုက်တာက ရှစ်ထောင်ကျော်တန်တယ်၊ အရူးလေးမှာ ငွေသုံးထောင်ရှိတယ်၊ ရှောင်ရှောင်တုန်က သူ့ကို ငွေသုံးထောင်ပေးတယ်၊ ဒုတိယဦးလေးက သူ့ကို ငွေနှစ်ထောင်ပေးတယ်။ " လို့ ရှောင်ယွဲ့ဖုန်းက ပြောပြလိုက်သည်။
" ငွေရှစ်ထောင်လား? သားလေး မှားနေတာလား? တကယ်က ငွေရှစ်ရာများလား? " ရှောင်ယွဲ့ဖုန်းကို စိုက်ကြည့်ပြီး ကူကယ်ရာမဲ့စွာဖြင့် ကျန်းဖေးအာက မေးလိုက်သည်။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
