ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 127 : Reunion

Unicode

ရှောင်ကျင့်ထျင်လိုက်ပါခဲ့သော အမျိုးသမီးကျင့်ကြံသူသည် အခြားဂိုဏ်းက စေလွှတ်လိုက်သော လျှို့ဝှက်သူလျှိုဖြစ်သောကြောင့် ရှောင်ကျင့်ထျင်၏တိုက်တွန်းမှုမရှိပါဘဲ၊ ထိုအမျိုးသမီးကျင့်ကြံသူသည် ရှောင်ကျင့်ထျင်၏ဒုက္ခများစွာကို ကယ်တင်ပေးနိုင်သည့် သတင်းအချက်အလက်ကို ရယူခဲ့သည်။

"စီနီယာအစ်မဝမ်! နင်တာဝန်တစ်ခုအတွက်သွားရမယ်ကြားတယ်"

ဝမ်ထင်ဖေးက ခေါင်းညိတ်ပြီး "ဟုတ်တယ်!"

"ဒီတစ်ခါ စီနီယာရဲ့တာဝန်က အရမ်းခက်ခဲတယ်လို့ ကျွန်မကြားတယ်!" အမျိုးသမီးကျင့်ကြံသူတစ်ဦးက စာနာစိတ်တချို့နဲ့ ပြောလိုက်သည်။

"အမှန်ပဲ" ဝမ်ထင်ဖေးကမျက်မှောင်ကြုတ်လိုက်သည်။

သတ္တုတွင်းစီမံခန့်ခွဲမှုကို အဆင်ပြေချောမွေ့စေရန်အတွက် သတ္တုတွင်းသို့ဝင်ရောက်လာသော ကျင့်ကြံသူအားလုံးသည် ၎င်းတို့၏ဝိညာဥ်စွမ်းအားကို ချိတ်ပိတ်ထားရန် တားမြစ်ဝိညာဉ်လက်စွပ်ကို ဝတ်ဆင်ကြရသည်။ ဤနည်းအားဖြင့် စီမံခန့်ခွဲမှုပိုကောင်းလာသော်လည်း ထိုသတ္တုတွင်းလုပ်သားများ၏ ဘေးကင်းရေးကိုတော့ အာမ,မခံနိုင်ပေ။

မကြာသေးခင်က သတ္တုတွင်း၌ အမည်မသိ သတ္တဝါများထွက်လာပြီး သတ္တုတွင်းလုပ်သား အများအပြား ပျောက်ဆုံးသွားခဲ့သည်။

ဂိုဏ်းက ထိုလူများ၏အသက်နှင့် သေဆုံးမှုကို ဂရုမစိုက်သော်လည်း ပြဿနာမှာ အုတ်မြစ်ချအဆင့်ကျင့်ကြံသူများသည် ဖြည့်ဆည်းရန် မလွယ်ကူသောကြောင့် ဖြစ်သည်။ သွေးမိစ္စာဂိုဏ်းသည် အုတ်မြစ်ချအဆင့်ကျင့်ကြံသူများကို ဖမ်းယူခြင်းနှင့်ပတ်သတ်ပြီး အခြားဂိုဏ်းများက စောင့်ကြည့်ထားပြီးဖြစ်သောကြောင့် ဝိညာဉ်ကျောက်တုံးများ ဆက်လက်ရရှိစေရန်အတွက်၊ သတ္တုတွင်းလုပ်သားများ၏ဘေးကင်းမှုကို အာမခံရပါမည်။ ဝမ်ထင်ဖေးကို စည်းကမ်းထိန်းသိမ်းရန်နှင့် သတ္တုတွင်းရှိ အမည်မသိသတ္တဝါများကို တိုက်ခိုက်ရန် ကျွန်းသို့စေလွှတ်ခဲ့သည်။

"စီနီယာအစ်မအတွက် ခက်မယ်ထင်တယ်။ ကံမကောင်းစွာပဲ၊ ဒီညီမရဲ့ အရည်အချင်းက အကန့်အသတ်ရှိတာကြောင့် စီနီယာအစ်မကို မကူညီနိုင်ဘူး" အမျိုးသမီးကျင့်ကြံသူက သိမ်ငယ်သော အသံဖြင့် ပြောလိုက်သည်။