Unicode
နေဝင်ချိန်တွင် ရှောင်ကျင်းဖုန်းသည် ဆိုင်ကိုပိတ်ပြီး ကလေးနှစ်ယောက်ကို ရှောင်ကျင့်ထျင်၏အိမ်သို့ ပြန်ခေါ်သွားခဲ့သည်။
" တတိယညီလေး... မင်းဘာလုပ်နေတာလဲ? " ရှောင်ကျင်းဖုန်းက မေးသည်။
" ကျွန်တော် ဖက်ထုပ်လုပ်နေတာ။ " ရှောင်ကျင့်ထျင်မျက်လုံးတွေက တောက်ပနေပြီး မုန့်စိမ်းကိုလှိမ့်ဖို့ ကြိုးစားနေ၏။
ရှောင်ကျင်းဖုန်းက စိတ်ဝင်တစားဖြင့် " ဖက်ထုပ်? "
ရှောင်ကျင့်ထျင်က ခေါင်းညိတ်ပြီး " ဟုတ်တယ်! "
" အဲ့ဒါကဘာလဲ? " ရှောင်ကျင်းဖုန်းက မေးသည်။
" ဒါက အစားအသောက်တစ်မျိုးပါ၊ ရှေးစာအုပ်တစ်ချို့မှာ ဖတ်ဖူးတယ်။ " ရှောင်ကျင့်ထျင်က ရိုးရိုးရှင်းရှင်းပြန်ဖြေလိုက်သည်။
ရှောင်ရှောင်ဖန်သည် ရှောင်ကျင့်ထျင်၏ နံဘေးသို့ပြေးသွားပြီး ခြေဖျားထောက်လျက် မီးဖိုနားမတ်တပ်ရပ်ကာ တောင့်တနေသော အကြည့်များအပြည့်ဖြင့် ကြည့်နေသည်။
ရှောင်ကျင့်ထျင်သည် ဤကမ္ဘာပေါ်ရှိလူများသည် ချီစိုက်ပျိုးခြင်းအပေါ် ပိုမိုအလေးထားကြောင်းတွေ့ရှိခဲ့ပြီး စားသောက်ဆိုင်များရှိ အစားအစာများသည် ချီသိုလှောင်မှုကို ပိုမိုအာရုံစိုက်ခဲ့သော်လည်း အရသာအပေါ် အာရုံစူးစိုက်မှုနည်းပါးခဲ့သည်။ သူ့အရင်ဘဝတုန်းက ရှောင်ကျင့်ထျင်ဟာ အစားအသောက်နှစ်သက်သူမို့ ဒါကိုသည်းမခံနိုင်ပေ။
" မုရန်က အစာစားချင်စိတ်သိပ်မရှိလို့၊ သူ့အတွက် အရသာရှိအောင် လုပ်ပေးနေတာပါ။ " ရှောင်ကျင့်ထျင်က မုန့်စိမ်းကို လှိမ့်နေချိန်တွင်ပြောလိုက်သည်။
ရှောင်ကျင့်ထျင်က သူ့နှုတ်ခမ်းတွေကိုသပ်လိုက်ပြီး တွေးလိုက်တယ်- ဒီကမ္ဘာမှာ ဖက်ထုပ်တွေတောင်မရှိဘူး။ ဒီမှာ အသုံးအများဆုံး အစားအစာက အသားကင်မျှသာ...။ ဒီနေရာမှာ အသားကင်ရာတွင် ပြီးပြည့်စုံသော ကျွမ်းကျင်မှုအချို့ရှိသော်လည်း တူညီသောအစားအစာကို တစ်ချိန်လုံးစားရသည်ကို ငြီးငွေ့သွားနိုင်တယ်။ သူ ဒီကမ္ဘာမှာနေတာကြာပြီ၊ ဒါပေမယ့် ခုထိ ဖက်ထုပ်ကို တကယ်မမြည်းစမ်းဖူးသေးဘူး။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
