ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 38: Xu Muan's Guess

Unicode

" မုရန်! ဒီတခေါက် ဘယ်ရောက်နေတာလဲ? " ရွှီမုရန်ကိုတွေ့တော့ အန်တီလီက ချက်ချင်းချဉ်းကပ်ပြီးမေး၏။

ရွှီမုရန်က ဇဝေဇဝါနဲ့ပြောလိုက်တယ် " တစ်ယောက်ယောက်ကို သွားခေါ်ဖို့ထွက်သွားတာပါ။ "

" မင်းအခုမှပြန်လာတော့ ဘာ​တွေဖြစ်သွားမှန်း မင်းသိမှာမဟုတ်ဘူး! မင်းဒီမှာမရှိတုန်း ဒီသိုက်တူးသမားတွေက မင်းခင်ပွန်းရဲ့ပတ်ဝန်းကျင်မှာ ရှိနေတယ်။ မင်းခင်ပွန်းကို အရမ်းအေးစက်ပြီး လျစ်လျူရှုထားဖူးတဲ့သူ ချိုးပိုင်က အရမ်းစိတ်အားထက်သန်လာတယ် " အဒေါ်လီက ရွဲ့စောင်းမှုအပြည့်နဲ့ပြောလိုက်သည်။

ရွှီမုရန်က ခေါင်းငုံ့ကာရယ်သည်။ ရှောင်​ရှောင်တုန်က သူထွက်သွားတုန်းက အောင်သွယ်လုပ်သူများသည် လူများစွာကို အိမ်သို့ ခေါ်ဆောင်လာသော်လည်း ၎င်းတို့အားလုံးကို သူနှင့်ရှောင်ဖန်တို့က မောင်းထုတ်ခဲ့သည့်အ​ကြောင်း​တွေကိုပြောပြခဲ့သည်။

ရွှီမုရန် ပြန်ရောက်သောအခါတွင် သူ့ခင်ပွန်းကို မိမိကသူထံမှလုယက်သွားသလိုမျိုး မကျေမနပ်ဖြစ်နေသော မျက်နှာထားဖြင့် ကြည့်နေသော ချိုးပိုင်နှင့်တွေ့ခဲ့သည်။

" မုရန်! မင်းရဲ့ခင်ပွန်းက အခုအရမ်းနာမည်ကြီးနေတော့ မင်းသူ့ကိုစောင့်ကြည့်နေတာ ပိုကောင်းမယ်! " အ​ဒေါ်လီ၏စကားတွေက တကယ်ရိုးသားသည်။

ရွှီမုရန်က ပြုံးကာ​ပြော၏ " အဆင်ပြေပါတယ်။ "

ချိုးပိုင်သည် ဘာမှမဟုတ်သော်လည်း စွင်း​မြောင်​မြောင်က ဆူးပင်ဖြစ်သည်။

စွင်း​မြောင်​မြောင်ကို ပြောသောအခါတွင် ရှောင်ကျင့်ထျင်သည် ဒီအမျိုးသမီးကိုသိရတာ မုန်းတီးနေသကဲ့သို့ ဘာမှမထူးခြားပေ။ လူတစ်ယောက်ရဲ့ စိတ်နေစိတ်ထားဟာ သူတွေ့ကြုံခဲ့ရတဲ့အရာတွေကြောင့် ပြောင်းလဲသွားတတ်ပေမယ့် တစ်ချိန်ထဲမှာ အများကြီးပြောင်းလဲသွားတာကတော့ ထူးဆန်းလွန်းပါသည်။

ရွှီမုရန်နှင့် ရှောင်ကျင့်ထျင်တို့သည် အတူတူအိပ်ခဲ့ကြပြီး ရှောင်ကျင့်ထျင်၏ ခန္ဓာကိုယ်အသွင်အပြင်ကို ရွှီမုရန်က ရှင်းရှင်းလင်းလင်း သိထားသည်။ ရှောင်ကျင့်ထျင်၏ ခန္ဓာကိုယ် တူညီကြောင်းကို သူမသိပါက ရွှီမုရန်သည် အခြားတစ်ယောက်ယောက်က ရှောင်ကျင့်ထျင်အဖြစ် ဟန်ဆောင်နေသည်ဟု သံသယရှိပေလိမ့်မည်။