Unicode
ရှောင်မိသားစု
" အမေ၊ ကျွန်တော် ရှောင်ကျင်းဖုန်း အကြောင်းသတင်းရခဲ့တယ်! " ရှောင်မုဟုန်သည် အခန်းထဲသို့ဝင်လာပြီး ပြောလိုက်သည်။
" အိုး..သူဘယ်သွားတာလဲ? " လျှိုရှို့က ပေါ့ပေါ့ပါးပါး မေးလိုက်သည်။
" သူက တုချိုးရွာကို ဦးတည်သွားတယ်။ ရှောင်ကျင့်ထျင်နဲ့ တွေ့ဖို့သွားတာဖြစ်နိုင်တယ် " လို့ ရှောင်မုဟုန်က ပြောသည်။
လျှိုရှို့က ခပ်ငေါ့ငေါ့ရယ်လိုက်ပြီး " ရှောင်ကျင်းဖုန်းက အလွန်ဖျားနာနေပြီး စိတ်ပျက်အားငယ်နေလို့ အမှန်တကယ် အကူအညီတောင်းဖို့ ရှောင်ကျင့်ထျင်ဆီ သွားခဲ့တယ်။ "
ရှောင်မုဟုန်က ခေါင်းညိတ်ပြီးပြောတယ် " မှန်တယ်၊ ရှောင်ကျင့်ထျင်က ဘယ်လိုလူလဲ? ရှောင်ကျင်းဖုန်းက ပိုသိသင့်တယ်။ သူက တကယ်ကို စိတ်ပျက်အားငယ်နေတာပဲ။ "
" သူဒီလိုဖြစ်နေလို့ ရှောင်ကျင်းဖုန်းကို အခုသတ်ပစ်ဖို့ မလိုပါဘူး၊ သူတို့ကို လွှတ်လိုက်ပါ " လျှိုရှို့က ပြောလိုက်သည်။
ရှောင်မုဟုန်က မျက်မှောင်ကြုတ်ပြီးပြောတယ် " အမေ၊ ရှောင်ကျင်းဖုန်းက တကယ်ပဲလက်စားချေမယ်ဆိုရင်... "
" သူဘာပဲလုပ်လုပ်၊ သူက အဆင့် ၄ချီလေ့ကျင့်သူပဲလေ။ သူ့မိသားစုရဲ့ အကာအကွယ်မရှိရင် သူ့အတွက် ရှေ့တိုးဖို့ တော်တော်ခက်လိမ့်မယ်။ ဒီတစ်ကြိမ် အဆိပ်သင့်ခဲ့ပြီး အချိန်မီ ကုသမှုမခံယူနိုင်ခဲ့ဘူး၊ အကယ်၍ ပြန်လည်သက်သာလာရင်တောင် နောက်ဆက်တွဲဝေဒနာကို ခံစားနေရလိမ့်မယ်။ သူ့ဘဝမှာ အဆင့် ၅ချီလေ့ကျင့်သူ ဘယ်တော့မှ ဖြစ်လာမှာ မဟုတ်ဘူး။ မင်းရဲ့ ဒုတိယဦးလေး နဲ့ ဒုတိယအဒေါ် လည်း ဆုံးသွားပြီ။ အခုချိန်မှာ ရှောင်ကျင်းဖုန်းလည်းသေဆုံးသွားရင်၊ မလွဲမသွေသံသယဝင်စရာတွေ ဖြစ်လာလိမ့်မယ်။ "
ရှောင်မုဟုန်က ခေါင်းညိတ်ပြီး " အမေ ပြောတာမှန်တယ်။ "
" မင်းအဖေက အခုချိန်မှာ အိမ်တော်ရဲ့ခေါင်းဆောင်နေရာအတွက် ပြိုင်ဆိုင်ရမယ့် အရေးကြီးတဲ့အချိန်ပဲ။ မင်းရဲ့ဒုတိယဦးလေးရဲ့သားတွေကို ကောင်းကောင်းမကိုင်တွယ်ခင် တခြားအိမ်တွေမှာ တစ်ခုခုရှိနေရင် ငါတို့အကုန်ဒုက္ခရောက်လိမ့်မယ်။ " လျှိုရှို့က ထောက်ပြသည်။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
