ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 126 : Infiltrating the Demon Sect

Unicode

ရှောင်ကျင့်ထျင်နှင့် ရွှီမုရန်တို့သည် တိမ်တိုက်စိမ်းအမတဂိုဏ်းမှ ထွက်ခွာပြီးနောက် အစိမ်းရောင်နှင်းမှုန်ဆေးစာရွက်ကို ချိုးယွင်ထံသို့ ပေးပို့ခဲ့သည်။

ချိုးယွင်သည် ရှောင်ကျင့်ထျင်၏သတင်းစကားကို လက်ခံရရှိပြီး အချိန်အတော်ကြာအောင် မငြိမ်သက်နိုင်တော့ပေ။

မူလက ချိုးယွင်သည် အစိမ်းရောင်နှင်းမှုန်ဆေးစာရွက်ကို ရှောင်ကျင့်ထျင်အား စမ်းကြည့်ရုံသာ တောင်းဆိုခဲ့ခြင်းဖြစ်ပြီး အမှန်တကယ်ရရန် မမျှော်လင့်ထားသောကြောင့် အံ့အားသင့်သွားခဲ့သည်။ ရှောင်ကျင့်ထျင်က သူ့ကို ဆေးစာအပြည့်အ၀ပေးခဲ့သဖြင့် ချိုးယွင်သည် ရှောင်ကျင့်ထျင်ကို မချီးကျူးဘဲ မနေနိုင်တော့ပေ။

ရှောင်ကျင့်ထျင် သတင်းစကားပို့ပြီး မကြာခင်မှာပဲ ချိုးယွင်၏သတင်းစကားလည်း ရောက်လာခဲ့သည်။

ရွှီမုရန်က ရှောင်ကျင့်ထျင်ကိုကြည့်ပြီး "ဘာဖြစ်နေတာလဲ?"

"ချိုးယွင်ဆီက သတင်း ရောက်လာတယ်။ ရှောင်ဖန်နဲ့ အတူသွားခဲ့တဲ့ အစောပိုင်းအုတ်မြစ်ချအဆင့်နဲ့ နှောင်းပိုင်းအုတ်မြစ်ချအဆင့် ၁၃ယောက်ထဲမှာရွှေအမြူတေအဆင့်ကျင့်ကြံသူတစ်ယောက်ပါတယ်လို့ ပြောတယ်။ ဒီရွှေအမြူတေအဆင့်ကျင့်ကြံသူက တိတ်တဆိတ် ဖုန်းကွယ်ထားတာကြောင့် တခြားသူတွေက သူ့အကြောင်းမသိကြဘူး။ လော့ဖုန်းမြို့က ပျောက်ဆုံးနေတဲ့ကျင့်ကြံသူတွေအကြောင်း အမှန်တရားကိုရှာဖွေဖို့အတွက် နှောင်းပိုင်းအုတ်မြစ်ချအဆင့်ကျင့်ကြံသူအဖွဲ့နဲ့ရောနှောပြီး သူ့ကိုစေလွှတ်ခဲ့တာတဲ့" ရှောင်ကျင့်ထျင်က ပြောသည်။

"ရှောင်ဖန် ဘယ်လိုနေလဲ?" ရွှီမုရန်က မေးသည်။

"သူအဖမ်းခံထားရတယ်"

"အဲဒီ ရွှေအမြူတေအဆင့်ကျင့်ကြံသူကတော့ လွတ်ပြီးပြန်လာတယ်။ သူ့အပြောအရ၊ ညသန်းခေါင်မှာ တစ်စုံတစ်ယောက်က အစွမ်းထက်တဲ့ဆေးမှုန့်တွေကိုလေထဲကဖြန့်ခဲ့တယ်၊ အဲဒီနောက် ရွှေအမြူတေနှောင်းပိုင်းအဆင့်ကျင့်ကြံသူပေါ်လာပြီး အုတ်မြစ်ချအဆင့်ကျင့်ကြံသူအားလုံးကို ဖမ်းသွားခဲ့တယ်တဲ့" ရှောင်ကျင့်ထျင်က ပြောသည်။