ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 97: Elixir sale

Unicode

နှစ်လအကြာတွင် ရွှီမုရန်သည် ဆေးလုံးများကို ပို၍ပို၍သန့်စင်နိုင်ခဲ့သည်။ သူက အဆင့်မြင့် အာဟာရဓာတ်ဆေးလုံးကိုတောင် သန့်စင်နိုင်နေပြီ ဖြစ်သည်။

“မုရန် မင်းက အံ့သြစရာပဲ!” ရှောင်ကျင့်ထျင်က မယုံနိုင်စွာ ပြောလိုက်သည်။

အာဟာရဓာတ်ဆေးလုံးသည် ချီကျင့်ကြံခြင်း သတ္တမအဆင့်မှ နဝမအဆင့်ရှိသော ကျင့်ကြံသူများအတွက် ထိရောက်မှုရှိပေ၏။ ယခင်က ရှောင်ကျင့်ထျင်သည် မြို့သခင်နှင့် အာဟာရဓာတ်ဆေးလုံးအချို့ကို လဲလှယ်ခဲ့သော်လည်း အားလုံးနီးပါးကို သုံးစွဲခဲ့ပြီးဖြစ်သည်။

ရွှီမုရန်သည် ယခုအခါ သူတို့၏ ဆေးပြတ်လပ်မှုကို ဖြေရှင်းပေးနိုင်သည့် အာဟာရဓာတ်ဆေးလုံးကို သန့်စင်နိုင်ခဲ့သည်။

မြို့အရှင် မိသားစုမှလူများသည် ဆေးလုံးများကို အလွန်တွန့်တိုခဲ့ကြသည်။ သို့သော်လည်း ၎င်းဟာ အံ့သြစရာတော့ မဟုတ်ပါချေ။ ရွှီမုရန်သည် ဤအာဟာရဓာတ်ဆေးလုံးများကို သန့်စင်ရန်အတွက် ဝိညာဉ်ဆေးပင်အနည်းငယ်ကို ဖြုန်းတီးခဲ့ရသည်။

ရွှီမုရန်က ပြုံးလျက်ပြောလိုက်၏။

“အဲဒီလောက်လဲ မဟုတ်ပါဘူး”

ဖြုန်းတီးခဲ့ရသော ဝိညာဉ်ဆေးပင်များအကြောင်းတွေးရင်း ရွှီမုရန်သည် စိတ်ဆင်းရဲမှုကို မခံစားဘဲမ​နေနိုင်တော့ပေ။ ကံကောင်းထောက်မစွာဖြင့် ရှောင်ကျင့်ထျင်၏ ကျောက်စိမ်းဆွဲသီးနေရာသည် အဖိုးတန်ဝိညာဉ်ဆေးပင်မျိုးစုံကို အဆက်မပြတ်ထုတ်လုပ်နိုင်ခဲ့သည်၊ မဟုတ်ပါက ဝိညာဉ်ဆေးပင်များစွာကို ဖြုန်းတီးပစ်ရမည့် ဤဆေးသန့်စင်မှုကို သူဆက်လက်လုပ်ဆောင်နိုင်မည်မဟုတ်ပေ။ အကယ်၍ သူသာ သာမန်အဂ္ဂိရတ်ပညာရှင်တစ်ယောက်ဖြစ်ပါက ဝိညာဉ်ဆေးပင်များစွာကို ဖြုန်းတီးရမည့်အလုပ်မျိုးကို အချိန်အကြာကြီးကတည်းက စွန့်လွှတ်ခဲ့ပြီးဖြစ်ပေလိမ့်မည်။

ရှောင်ကျင့်ထျင်က ရွှီမုရန်ကိုကြည့်ကာ

“မင်းရဲ့ ခန္ဓာကိုယ် အဆင်ပြေရဲ့လား။ မင်းရက်အနည်းငယ်လောက် အနားယူသင့်တယ်”