ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 131 : Hua Hua

Unicode

ရှောင်ရှောင်တုန်သည် ရှောင်ရှောင်ဖန်၏နှာခေါင်းကို ညှစ်လိုက်ပြီး ရှောင်ရှောင်ဖန်သည် သူ့လက်ကို ဝှေ့ယမ်းကာ ကြောင်တက်တက်ဖြင့် နိုးလာသည်။

"အစ်ကို၊ ငါ ဘာဖြစ်သွားတာလဲ" ရှောင်ရှောင်ဖန်က သူ့နဖူးကို ပွတ်သပ်ပြီး ရှောင်ရှောင်တုန်ကို အနည်းငယ် အံ့ဩစွာ မေးလိုက်သည်။

"မင်း အိပ်ပျော်သွားတာ သေလုနီးပါးပဲ" လို့ ရှောင်ရှောင်တုန်က ပြောလိုက်သည်။

ကြက်ကလေးနှင့် စာချုပ်ချုပ်ပြီးနောက် ရှောင်ရှောင်တုန်သည် ကြက်ကလေးမှတစ်ဆင့် ရှောင်ရှောင်ဖန်၏အိပ်မက်ကို ခံစားနိုင်ခဲ့သည်။ အိပ်မက်ထဲတွင် ရှောင်ရှောင်ဖန်သည် ဝိညာဉ်ကျောက်တုံးတောင်ပေါ်တွင် လဲလျောင်းနေပြီး ဝိညာဉ်ကျောက်တုံးများကို ရေတွက်ရင်း စားသောက်ကာ အလွန်စိတ်ချမ်းသာနေလေသည်။

"ငါ အိပ်မက်ကောင်းကောင်းမက်ခဲ့ပုံရတယ်" ရှောင်ရှောင်ဖန်က သူ့ပါးစပ်ထောင့်ကို ပင့်ပြီး ပြောလိုက်သည်။

ရှောင်ရှောင်တုန်က ခေါင်းညိတ်ပြီး "ဒါက တကယ်ကို အိပ်မက်ကောင်းတစ်ခုပဲ" ဟုပြောလိုက်၏။

လဲ့ရွှမ်က ဟစ်အော်ကာ နိုးလာသည်။ ရှောင်ရှောင်တုန် သည် လဲ့ရွှမ်ကို အနည်းငယ်ရှုပ်ထွေးသော အမူအရာဖြင့် ကြည့်လိုက်သည်။ ရှောင်ရှောင်တုန်သည် ရှောင်ရှောင်ဖန်၏ အိပ်မက်ကို မြင်သောကြောင့် လဲ့ရွှမ်၏ အိပ်မက်ကိုလည်း သဘာဝအတိုင်း မြင်လိုက်ရသည်။

လဲ့ရွှမ်ရဲ့ အိမ်မက်ထဲမှာ ရှောင်ရှောင်ဖန်က သူ့အတွက် အရသာရှိတဲ့ အစားအစာတွေ အများကြီး လုပ်ပေးနေလေသည်။ ရှောင်ရှောင်ဖန်က လဲ့ရွှမ်ကို ဇွန်းအကြီးကြီးဖြင့် သေချာကျွေးမွေးနေပါ၏။ အိပ်မက်ထဲမှာ ရှောင်ဖန်က လဲ့ရွှမ်ကို ချစ်ခင်စွာ ဤသို့ပြောခဲ့သည်- 'အစ်ကိုလဲ့က အရမ်းချောတယ်၊ အစ်ကိုလဲ့က အရမ်းအစွမ်းထက်တယ်။ အစ်ကိုလဲ့ကို အကြိုက်ဆုံးပဲ'
လဲ့ရွှမ်က ကျေနပ်ပိတိဖြစ်စွာ ပြုံးနေလေတော့သည်။

ရှောင်ရှောင်တုန်က တိတ်တဆိတ်တွေးမိသည်- 'ဒီကောင် လဲ့ရွှမ်က တကယ့်ကို အိပ်မက်မက်နေတာပဲ။ အစ်ကိုကြီးတစ်ယောက်အနေနဲ့ အစားအသောက်ကို အရမ်းကာကွယ်တဲ့ ညီလေးဆီက စားရဖို့တောင် မမျှော်လင့်ရဲဘူး။ လဲ့ရွှမ်က သူကျွေးတာတွေစားပြီး သူ့ဆီက အရင်ဆုံးချစ်စကားဆိုတာကိုတောင် မျှော်လင့်နေသေးတယ်။ တကယ်ကို အိပ်မက်မက်နေတာပဲ'