Unicode
"အဲဒီကောင်က ဘယ်သူလဲ! သူ့မှာ ဝိညာဉ်ကျောက်တုံးတွေ အများကြီးရှိတယ်!" အလယ်အလတ်အဆင့် ဝိညာဉ်ကျောက်တုံး ရာဂဏန်းများစွာရှိသော အုတ်မြစ်ချအဆင့်ကျင့်ကြံသူသည်ပင် ထူးထူးခြားခြားဖြစ်နေပြီဖြစ်သည်။ အချိန်ကျင့်ကြံခြင်းအခန်းကို ငှားရမ်းရန် ရှောင်ကျင့်ထျင်သည် အလယ်အလတ်အဆင့် ဝိညာဉ်ကျောက်တုံး နှစ်ထောင်ကို ပထမဆုံး ပေးချေခဲ့သူဖြစ်သည်။
"ဒီကောင်က အခြေတည်ဝိညာဥ်အဆင့်ကျင့်ကြံသူရဲ့ အမျိုးအနွယ်ဖြစ်ရမယ်။ ရွှေအမြုတေအဆင့်ကျင့်ကြံသူတွေတောင် ဒီလောက်များပြားတဲ့ပိုင်ဆိုင်မှု မရှိနိုင်ဘူး"
"တစ္ဆေရိပ်ဂိုဏ်းက ချမ်းသာတဲ့ကျင့်ကြံသူတစ်ယောက်ကို စော်ကားခဲ့တယ်လို့ ကြားတယ်။ အဲဒီလူမှာမရေမတွက်နိုင်တဲ့ မှော်လက်နက်တွေနဲ့ ရတနာတွေရှိတယ်တဲ့။ အဲဒီကောင်ပဲ ဖြစ်ရမယ်"
"တစ္ဆေရိပ်ဂိုဏ်းက ကံမကောင်းဘဲ ဒီလိုလူမျိုးကို စော်ကားမိပြီး ဆုံးရှုံးမှုကြီးကို ခံစားနေရတယ်"
"ဒါပေမယ့် အဲဒီလူလဲ ဘာမှမထူးဘူး။ တစ္ဆေရိပ်ဂိုဏ်းက ကြီးမားတဲ့အာဏာရှိပြီး တစ္ဆေရိပ်ဂိုဏ်းရဲ့ သခင်လေးက သူ့ကိုအလိုရှိတယ်ဆိုတဲ့ သတင်းကို ထုတ်ပြန်ခဲ့တယ်။ ဆုအနေနဲ့ အဆင့်မြင့် ဝိညာဉ်ကျောက်တုံး သုံးတုံးကိုပေးမှာတဲ့။ ဝိညာဉ်ကျောက်တုံးတွေအကြောင်း မပြောနဲ့အုံး၊ အဲဒီလူလက်ထဲမှာ ရှိနေတဲ့အရာကတင် မျက်စိကျစရာကောင်းနေပြီ!"
အချိန်ကျင့်ကြံခြင်းအခန်းရှေ့မှ လူအများအပြားသည် ရှောင်ကျင့်ထျင်၏ ပေါ့ပေါ့ပါးပါး ငွေသုံးစွဲမှုကို ရှုပ်ထွေးသောအကြည့်ဖြင့် ကြည့်ကာ ပြောဆိုနေခဲ့ကြသည်။
ရှောင်ကျင့်ထျင်သည် အချိန်ကျင့်ကြံခြင်းအခန်းထဲသို့ ဝင်ကာ သူ၏ကျောက်စိမ်းဆွဲသီးနေရာကို နာကျင်မှုအချို့ဖြင့် ထိလိုက်သည်။
ရှောင်ကျင့်ထျင်သည် နေရာလွတ်ထဲရှိ ဝိညာဉ်ကျောက်တုံးများက သူ့ကို နှစ်အနည်းငယ်ကြာအောင် ထောက်ပံ့ပေးနိုင်သည်ဟု မူလက ခံစားခဲ့ရသည်။ သို့သော် အခုလေးတင်ပဲ သူက အလယ်အလတ်အဆင့် ဝိညာဉ်ကျောက်တုံးတစ်ထောင်ကို တစ်ပြိုင်နက် သုံးစွဲခဲ့ပြီး ထပ်မံသုံးစွဲဖို့ ဝိညာဉ်ကျောက်တွေ လုံလုံလောက်လောက် မရှိတော့ဟု ခံစားရစေ၏။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
