Unicode
ရှဲ့ဝမ်ရန်သည် သူမ၏ ဝိညာဉ်သားရဲကို လွှတ်ပေးလိုက်သည်။ အပြာရောင်ပျံလွှားငှက်တွင် ပျော့ပျောင်းသော ခန္ဓာကိုယ်နှင့် တောက်ပသော အမွေးများပါရှိသည်။ ၎င်းသည် ဂုဏ်ယူစရာ ဒဏ္ဍာရီလာရွှေတောင်ပံသိမ်းငှက်၏ သွေးလိုင်းဖြစ်သောကြောင့်ဖြစ်နိုင်သည်။ ရှဲ့ဝမ်ရန်၏ ဝိညာဉ်သားရဲ ဝင်လာသည်နှင့် တပြိုင်နက် သူ့ပတ်ဝန်းကျင်တွင် လေးစားမှုကြောင့် အော်ဟစ်သံများ ထွက်ပေါ်လာလေ၏။
ရှောင်ရှောင်တုန်၏ကြက်သည် ရှဲ့ဝမ်ရန်၏ဝိညာဉ်သားရဲကိုမြင်သည်နှင့် ချက်ချင်းဆိုသလိုပင် စိတ်လှုပ်ရှားမှုလွန်ကဲသောအကြည့်ကို ပြသခဲ့သည်။
ရှောင်ရှောင်တုန်သည် သူ၏ကြက်၌ ရှဲ့ဝမ်ရန်၏ ဝိညာဉ်သားရဲနှင့်ပတ်သက်၍ 'ပြောမပြနိုင်သော အတွေးတစ်ချို့' ရှိကြောင်းကို မသိထားပါက၊ သူ၏ဝိညာဉ်သားရဲသည် ချစ်မိသွားပြီဟု ထင်ကောင်းထင်လိုက်နိုင်သည်။
ရှဲ့ဝမ်ရန်သည် သူမ၏ဝိညာဥ်သားရဲက ဤရုပ်ဆိုးသော ကြက်ကို မြင်သောအခါ အနည်းငယ် ထိတ်လန့်သွားသည်ကို တွေ့လိုက်ရသည်။
အပြာရောင်ပျံလွှားငှက်နှင့် ကြက်ငယ်သည် ဝင်တိုက်မိပြီး ကြီးမားသော အပြာရောင်ပျံလွှားငှက်သည် ချက်ချင်းပင် လဲကျသွားသည်။
ရှဲ့ဝမ်ရန်သည် သူမ၏အပြာရောင်ပျံလွှားငှက်၏ အမွေးအတောင်များ ကြွေကျလာသည်ကို တွေ့ရတော့ တိတ်တဆိတ် အံ့သြသွားမိသည်။
အန္တရာယ်ကို သတိပြုမိပြီး အပြာရောင်ပျံလွှားငှက်သည် ၎င်း၏အတောင်များကို ခတ်ကာ ထွက်ပြေးရန် ကြိုးစားခဲ့သည်။
ကြက်ကလေးသည် ပါးစပ်ကိုဖွင့်ကာ အသက်ရှုသွင်းပြီးနောက် အပြာရောင်အခိုးအငွေ့များကို မှုတ်ထုတ်လိုက်၏။ အပြာရောင်ပျံလွှားငှက်သည် ဝမ်းနည်းပူဆွေးစွာ အော်ဟစ်ကာ မြေပေါ်သို့ လဲကျသွားခဲ့သည်။
ကြက်ကလေးက ပါးစပ်ဟလိုက်ပြီး အပြာရောင်ပျံလွှားငှက်ကို ဝမ်းထဲကို မျိုချခဲ့လေ၏!
"ဘယ်လိုမှမဖြစ်နိုင်ဘူး!" အရာအားလုံး မြန်မြန်ဆန်ဆန် ဖြစ်ပျက်သွားသောကြောင့် ကြည့်ရှုသူတွေက မအော်ဘဲ မနေနိုင်တော့ပေ။ သူမ၏ငှက် မျိုချခံရတာကို ကြည့်နေရင်း ရှဲ့ဝမ်ရန်ရဲ့မျက်နှာက ဖြူဖျော့သွားခဲ့သည်။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
