Unicode
ရွှီမုရန်နှင့် သူ့အဖွဲ့သည် အနားယူရန်နေရာတစ်ခုကို ရှာဖွေခဲ့သည်။
ရွှီမုရန်သည် ရှောင်ကျင့်ထျင်ကိုကြည့်ကာ "တစ်ခုခုကို တွေးနေတာလား? နေ့ခင်းဘက်မှာ ချန်သခင်လေးနဲ့ ပြောခဲ့တာနဲ့ပတ်သတ်ပြီး ပြဿနာရှိနေလို့လား?"
ရှောင်ကျင့်ထျင်က ပြုံးပြီး "မုရန်.. မင်းကကိုယ့်ကို တကယ်သိတာပဲ" ဟုပြောလိုက်သည်။
"ရွှေပျားတွေရဲ့ ပျားရည်နဲ့ ပတ်သတ်နေတာလား?" ရွှီမုရန်က ဆက်မေးသည်။
ရှောင်ကျင့်ထျင်က ခေါင်းညိတ်ပြပြီး တောက်ပသော မျက်လုံးများဖြင့် "ဟုတ်တယ်! ချန်ရွှ်ိရဲ့အဆိုအရ ရွှေပျားဘုရင်မရဲ့ ပျားရည်က အလွန်ကောင်းမွန်ပြီး အဖိုးတန်တဲ့အရာပဲ"
ရွှီမုရန်က ကူကယ်ရာမဲ့ ခေါင်းယမ်းလိုက်သည်။
"မှန်ပါတယ်၊ ဒါပေမယ့် ချန်ရွှ်ိပြောခဲ့တာက ပျားဘုရင်မအသိုက်ကို အုတ်မြစ်ချအဆင့် ရွှေပျားအမြောက်အမြား စောင့်ကြပ်နေတာကြောင့် နီးကပ်ဖို့ နည်းလမ်းမရှိဘူး"
"ချောင်ရှန်နဲ့ တခြားသူတွေကို ရွှေပျားတွေလိုက်ဖမ်းရတဲ့ အကြောင်းရင်းက ဒီပျားရည်ကြောင့်ပဲ။ လူတော်တော်များများလည်း သေဆုံးခဲ့ရတယ်လို့ ငါကြားတယ်"
"ဒီကောင် ချောင်ရှန်က အရမ်းလိမ္မာပါးနပ်တယ်၊ အဲဒါက ကောင်းတာမဟုတ်ရင် ဒီကောင်က သူ့အသက်ကို စွန့်မှာမဟုတ်ဘူး"
"သူတို့ သာမန်ပျားတွေလုပ်ထားတဲ့ ပျားရည်တွေပဲရတယ်လို့ ကြားတယ်။ ရွှေပျားဘုရင်မရဲ့ ပျားရည်နဲ့ မနှိုင်းယှဥ်နိုင်ပေမယ့် သာမန်ပျားတွေရဲ့ ပျားရည်ကလည်း အဖိုးတန်တာပဲ။ ရွှေပျားဘုရင်မရဲ့ ပျားရည်သာဆို ဘယ်လောက်တန်ဖိုးရှိလိုက်မလဲ"
ရွှီမုရန်က ရှောင်ကျင့်ထျင်ကိုကြည့်ပြီး "ဒါက တကယ်ကောင်းပေမယ့် ရဖို့မလွယ်ဘူး!"
"အမှန်ပါပဲ၊ ဒါပေမယ့် ဒီလိုကောင်းတဲ့အရာတွေနဲ့ လွဲချော်ခဲ့မယ်ဆိုရင် နှမျောစရာပဲ။ ကိုယ်က ကျောက်စိမ်းဆွဲသီးနေရာမှာ ပုန်းပြီး ကင်းမြီးကောက်ဘုရင်ကို ရွှေပျားအုံထဲ ခိုးဝင်ခိုင်းရင် ကျောက်စိမ်းဆွဲသီးနေရာထဲကို ပျားရည်ထည့်ယူနိုင်မလားလို့ တွေးနေမိတယ်"
ESTÁS LEYENDO
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
EspiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
