Unicode
"စီနီယာအစ်မ ပြန်လာပြီလား? အခြေအနေ ဘယ်လိုလဲ?" ကျူးကျင်းသည် ရှဲ့ဝမ်ရန်ကိုတွေ့ပြီး အာရုံစိုက်ကာ မေးလိုက်သည်။
ရှဲ့ဝမ်ရန်က ခေါင်းခါလိုက်ပြီး "ရှောင်ကျင့်ထျင်က သူ့ဆေးလုံးက ဘဏ္ဍာစိုးချိုးဆီကနေ ရတာလို့ ပြောတယ်"
ကျူးကျင်းက မျက်မှောင်ကြုတ်ပြီး "ဒါဆို အဲဒီဆေးလိုချင်ရင် ဟိုရုပ်ဆိုးတဲ့ ဘီလူးကို အကူအညီတောင်းရမှာပေါ့"
ရှဲ့ဝမ်ရန်သည် သူမ၏ နှုတ်ခမ်းများကို ကိုက်လိုက်ပြီး အချိန်အတော်ကြာမှ ခေါင်းညိတ်ကာ "အဲ့ဒါက တစ်ခုတည်းသော နည်းလမ်းဖြစ်နေမှာ ငါကြောက်တယ်" ဟုပြောလိုက်သည်။
"ဒါက နင့်အတွက် လွန်လွန်းတယ် စီနီယာအစ်မ။ ချိုးယွင်က တကယ်ပဲ ချန်ယိရှူးဆိုရင် ကျားပါးစပ်ထဲကို ဝင်သွားတဲ့ သိုးတစ်ကောင်လိုဖြစ်သွားမှာ မဟုတ်ဘူးလား?" ကျူးကျင်းက ဒေါသအပြည့်ဖြင့် ပြောသည်။
ရှဲ့ဝမ်ရန်က အံကြိတ်လိုက်၏။ သူမနှင့် ချန်ယိရှူးသည် အပြင်းအထန် အာဃာတ ထားခဲ့ကြသည်။ ချန်ယိရှူးသည် သူမအား အရိုးထိအောင် မုန်းတီးခဲ့သည်။ ချိုးယွင်သာ တကယ်ပဲ ချန်ယိရှူးဆိုရင် သူ့အိမ်တံခါးဝကို ကိုယ်တိုင်သွားရောက်ပါက သူမကိုယ်သူမ အရှက်ရစေလိမ့်မည်ဖြစ်သည်။
"ဆရာဦးလေးရဲ့ရောဂါကို နှောင့်နှေးနေလို့ မဖြစ်ဘူး" ဟု ရှဲ့ဝမ်ရန်က ပြောသည်။
"စီနီယာအစ်မ၊ ဒါက မင်းအတွက် ဆိုးရွားလွန်းတယ်။ ဆရာဦးလေးတောင် အဲဒါကို လက်ခံမှာ မဟုတ်ဘူး" ဟု ကျူးကျင်းက တွန့်ဆုတ်စွာ ပြောလိုက်သည်။
ရှဲ့ဝမ်ရန် နှုတ်ခမ်းကို ကိုက်လိုက်သည်။ ယခင်က ချန်ယိရှူး ဂိုဏ်းထဲမှာရှိနေခဲ့စဉ်တွင်၊ ဂိုဏ်းထဲကလူတော်တော်များများက သူ့အား သူ့အဘိုးကို အားကိုးပြီး မိုက်မဲစွာ ပြုမူသည်ဟု ယူဆကြသည်။ သို့သော် ချန်ယိရှူး ထွက်သွားပြီးနောက် လူအများက သူ့ကို စာနာကြပြီး ချန်ယိရှူးနှင့် မုယွင်တို့ကြားရှိ ပြဿနာ အားလုံးက သူမကြောင့် ဖြစ်ခဲ့ရသည်ဟု ဆိုကြပြန်၏။
ရှဲ့ဝမ်ရန်က အံကို တင်းတင်းကြိတ်လိုက်သည်။ ဒီဆေးလုံးဟာ ချန်ယိရှူးနဲ့တကယ်သက်ဆိုင်တယ်ဆိုရင် ချန်ယိရှူးက ဒီဆေးလုံးကို ဘာကြောင့် ရှောင်ကျင့်ထျင်ကို ပေးခဲ့တာလဲ? သူ ဒီဆေးလုံးကို ရှောင်ကျင့်ထျင်ကတဆင့် မုယွင်ကို ပေးစေချင်တာလား? ဒီလိုသာဆို ချိုးယွင်က မုယွင်ကို ချစ်နေသေးတယ်လို့ ဆိုလိုတာလား?
ESTÁS LEYENDO
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
EspiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
