Unicode
ဝိညာဉ်ကျောက်တုံးများကို လက်ခံရရှိသောအခါ ရှောင်ကျင့်ထျင် အနည်းငယ် စိတ်လှုပ်ရှားလာသည်။
"ဒီမှာ၊ ဒီမှာ။ ဝိညာဉ်ကျောက်တုံးတွေ ဒီမှာရှိတယ်။ ဝိညာဉ်ကျောက်တုံးတွေ မြန်မြန်ဆန်ဆန်ရောက်လာတာ အံ့သြစရာပဲ"
ရှောင်ကျင့်ထျင်သည် ဝိညာဉ်ကျောက်တုံးများကို ရေတွက်ကြည့်ရာ တစ်ဖက်လူ၏စျေးနှုန်းသည် ပေါက်ဈေးထက် အနည်းငယ်မြင့်သည်ကို တွေ့လိုက်ရပြီး ချက်ချင်းပင် ဝမ်းသာသွားခဲ့သည်။
"ဝိညာဉ်ရတနာဂိုဏ်းမှာ တကယ်ပဲ ဝိညာဉ်ကျောက်တုံးတွေ အများကြီးရှိတယ်"
ချန်ရွှိက ခဏ တွေးလိုက်ပြီး "ဝိညာဉ်ရတနာဂိုဏ်းက သာမန်အဖွဲ့အစည်းတွေနဲ့ မတူဘူး" ဟု ပြောသည်။
ရှောင်ကျင့်ထျင်က စိတ်ဝင်တစား မေး၏။
"ဘယ်လိုကွာခြားတာလဲ?"
"ဝိညာဉ်ရတနာဂိုဏ်းက အားကောင်းတဲ့ စီးပွားရေးအဖွဲ့အစည်းတစ်ခုပဲ။ ဂိုဏ်းခွဲတွေက ကျင့်ကြံသူတွေက အခွင့်အလမ်းတွေကိုရှာဖွေဖို့ ဒီနေရာကိုလာခဲ့ကြပေမယ့် အဲဒီဂိုဏ်းကတော့ ဝိညာဉ်ဆေးပင်တွေကိုစုဆောင်းဖို့ လာခဲ့ကြတာ။ ဒါပေမယ့် အဲဒီဂိုဏ်းက လူတွေက အဲဒါတွေကို သူတို့ကိုယ်တိုင်ရှာဖွေမှာ မဟုတ်ဘူး။ အခြားသူတွေဆီက ဝိညာဉ်အပင်တွေလဲလှယ်ယူဖို့ဝိညာဉ်ကျောက်တုံးတွေနဲ့ ဆေးလုံးအများအပြားကို ယူဆောင်လာကြလိမ့်မယ်"
"ဦးလေးရှောင်.. ဦးလေးမသိနိုင်ပေမယ့် သူတို့က အပြင်ထွက်ပြီးရင် ဂိုဏ်းခွဲတွေကလာတဲ့ ကျင့်ကြံသူတွေကို စစ်ဆေးပြီး သူတို့စုဆောင်းထားတဲ့ ဝိညာဉ်ဆေးပင်တွေကို ဝိညာဉ်ကျောက်တုံးတွေ၊ ဆေးလုံးတွေနဲ့ တိုက်ရိုက်လဲလှယ်ပေးဖို့ တောင်းဆိုလိမ့်မယ်။ ယေဘူယျအားဖြင့်၊ ဂိုဏ်းတစ်ခုနဲ့တစ်ခု ဖလှယ်ခြင်းက တရားမျှတတဲ့နည်းဖြစ်ပေမယ့် အခွင့်ကောင်းယူလိုတဲ့ ဂိုဏ်းတချို့ အမြဲရှိနေတုန်းပဲ"
"အချို့ ကျင့်ကြံသူတွေက သံသယမရှိဘဲ သူတို့မထွက်ခင် စုဆောင်းထားတဲ့ ဝိညာဉ်ဆေးပင်တွေကို တိုက်ရိုက်လဲလှယ်ကြတယ်"
ရှောင်ကျင့်ထျင်က ခေါင်းညိတ်ပြီး
"ငါသဘောပေါက်ပြီ။ သခင်လေးချန်က အရမ်းသိတာပဲ"
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
