ဒဏ်ရာဟောင်း || ဘာသာပြန် || 『Completed 』

47

စတိုးပိတ်ပြီးနောက် လမ်းဘေးကြောင်နှစ်ကောင်က တံခါးဝကိုရောက်လာတယ်။ ဆရာက သူတို့ကိုမရောင်းတဲ့ ဟော့ဒေါနဲ့ကြက်အူချောင်းတွေ ကျွေးရင်းပြောလိုက်တယ်။ " ဒီလောကမှာ ဘယ်သူ့အတွက်မှ လွယ်ကူမနေဘူး။ ငါ သူတို့ကို နည်းနည်းတော့ ကူညီနိုင်ပါတယ်။ "

~~~~~~~~~~~~~~~~~~~~~~~~~~~~~

တစ်ခါတလေမှာ လူတွေက " ငါသိပ်နားမလည်ဘူး " ဆိုတာကို ဆင်ခြေအဖြစ် သုံးလေ့ရှိကြသည်။ နင်းယွီက တစ်စုံတစ်ခုကို ရင်ထဲမှာထားထားလျှင် သေချာတွက်ချက်၊ ဘယ်ညာ တိုင်းတာပြီး အခွင့်အရေးဆိုတာကို စောင့်တတ်သော်ငြားလည်းဘယ်အချိန်မှလဲဆိုတာကိုတော့ မသိရ။ ၎င်းကိုပဲ တွေးနေပြီး စဉ်းစားနေမယ်ဆို အကောင်းဆုံးအချိန်ကို လက်လွတ်ရပေလိမ့်မည်။

စင်စစ် အရာတော်တော်များများကို တွန်းအားတစ်ခုတည်းဖြင့်သာ အကောင်အထည်ဖော်လေ့ရှိပြီး ၊ ပဏာမခြေလှမ်းတစ်လှမ်းလှမ်းလိုက်မယ်ဆိုပါလျှင် ထပ်ဆင့်လိုက်ပါလာတဲ့ ခြေလှမ်းများစွာရှိလာမည်ဖြစ်သည်။

အချိန်မှန်၊ နေရာမှန်ထဲက လူတွေအတွက် ကောင်းမွန်သော်လည်း ရှာတွေ့ဖို့ကတော့ ခက်တတ်သည်။ လော့ချင်ဟယ့် မပါတောင် နင်းယွီက အနှေးနဲ့အမြန် ထွက်သွားရမည်ပင်။ ဒီညဖြစ်ဖြစ်၊ မဟုတ်ရင် မနက်ဖြန်၊ သဘက်ခါ ၊တစ်နေ့နေ့မှာပေါ့။

သူရောက်လာခြင်းနှင့် သူယူလာပေးသော အမှာစကားတို့က အမှန်တကယ် နင်းယွီအမြဲတမ်း လှမ်းချင်ခဲ့ဖူးပေမယ့် မလုပ်ရဲခဲ့သော " ပဏာမခြေလှမ်း " ကို အလျင်စလို လျှောက်လှမ်းဖို့ တွန်းအားပေးခဲ့တာပင်။

အိမ်ဟောင်းမှာအရာအားလုံးရှိ​၏။ နင်းယွီက ရာသီဝတ်အဝတ်အစားတချို့ကို ထုပ်ပိုးပြီး အံဆွဲထောင့်မှ အိုင်ဒီကဒ်ဟောင်းကိုလဲ ရှာတွေ့ခဲသည်။

လွန်ခဲ့တဲ့နှစ်နှစ်က နင်းယွီ အိုင်ဒီကဒ်ကျပျောက်ခဲ့ပြီး အသစ်တစ်ခုလုပ်ခဲ့ဖူးသည်။ ရလဒ်ကတော့ အဟောင်းကို ရက်နည်းနည်းအတွင်း ပြန်ရှာတွေ့ခဲ့​သဖြင့် မိမိမှာ အိုင်ဒီကဒ်နှစ်ခု ရှိနေခြင်း။ စုန့်ပေါလောင်က မိမိရဲ့ အိုင်ဒီကဒ်ကို သိမ်းထားတာကြောင့် ပြန်ထုတ်ဖို့ အချိန်ယူရဦးမည်။ လက်ရှိ အရေးပေါ်အခြေအနေအတွက် ဒါကိုပဲ အသုံးပြုရတော့မည့်ပင်။