ဒဏ်ရာဟောင်း || ဘာသာပြန် || 『Completed 』

71

အကျိုးအမြတ်အတွက်ဆို လူတွေက သရဲလဲဖြစ်နိုင်သလို ဇာတ်တူသားလဲစားနိူင်တယ် ။

_____________________________

လော့ချင်ဟယ့်တက်လာချိန်မှာ နင်းယွီက စုန့်ပေါလောင် သွေးထွက်နေတာတွေ တားဖို့ကြိုးစားနေတာပင်။ တိုက်ပွဲအခြေအနေကို မြင်လိုက်သည်နှင့် သူ့မျက်နှာက အနည်းငယ် ပြောင်းလဲသွား​၏။

သူက ဒူးထောက်၍ ရှဟွိုက်နန်​၏သွေးခုန်နှုန်းကို စမ်းကြည့်လိုက်ပြီး သူအဆင်ပြေကြောင်းသိသွားလျှင် လျစ်လျူရှုလိုက်ကာ စုန့်ပေါလောင်ကို ဘယ်လိုနေသလဲ မေးမြန်းခဲ့သည်။

" ထနိုင်လား? "

စုန့်ပေါလောင် နှုတ်ခမ်းတွေက ဖျော့တော့နေပြီး သူက သူ့ကို တစ်ချက်ကြည့်ကာ မတ်မတ်ထရပ်လိုက်သည်။

လက်ကိုင်ပဝါက တစ်ထည်လုံးရွှဲနစ်နေခဲ့ပြီး သွေးတွေက နင်းယွီလက်ဖျားမှ တစက်စက်ကျလာသည်။ ဒီကြိုးပမ်းမှုသေးသေးလေးက အာနိသင်မရှိဟန်တူသည်။

" ဖြည်းဖြည်း " သူ့လှုပ်ရှားမှုတွေကြောင့် နင်းယွီလက် နည်းနည်းလျော့သွားလိုက်လျှင် သွေးတွေက ချက်ချင်းလျှံကျအောင်စီးလာသလို ခံစားရသည်။

လော့ချင်ဟယ့်က အိပ်ရာဆီသွား၍ အိပ်ရာခင်းကိုမ,ယူကာ တစ်ပိုင်းစုတ်လိုက်ပြီး ပြန်လှည့်လာ​၏။

စုန့်ပေါလောင်က သူဆီက အိပ်ရာခင်းစကိုယူလိုက်ပြီး သူ့ဒဏ်ရာကို လက်တစ်ဖက်နဲ့ ဖိထားလိုက်သည်။

နင်းယွီတို့သုံးယောက် အောက်ထပ်ဆင်းလာချိန်၌ လော့ချင်ဟယ့်​၏ သက်တော်စောင့်များက ရှမိသားစုက သက်တော်စောင့်တွေကို ထိန်းချုပ်ပြီးဖြစ်သည်။ တောက်ဘုန်းကြီးဝေ့ကျင်က အဖိုးကြီးရှနှင့် သက်လတ်ပိုင်းအရွယ်လူတို့အား ဆိုဖာပေါ်မှာ ဖိချထား​၏။ သူတို့မျက်နှာတွေမှာ ဒေါသဝင့်နေသည့်တိုင် စကားမပြောဝံ့ကြ။

သူတို့တွေ နင်းယွီတို့ကိုမြင်လိုက်တဲ့အခါ ပထမတော့ မှင်သက်သွားကြပြီး စုန့်ပေါလောင်အား မယုံကြည်နိုင်ခြင်းများဖြင့်စိုက်ကြည့်နေခဲ့ကြသည်။

သက်လက်ပိုင်းအရွယ်လူက စိုးရိမ်တကြီးဖြင့်ပြောလာသည်။ " သူ့ဘာသာသူလုပ်တာနော်၊ ဒါ ငါတို့နဲ့ဘာမှ မဆိုင်ဘူး! "