ဒဏ်ရာဟောင်း || ဘာသာပြန် || 『Completed 』

68

တောက်ဘာသာဘုန်းကြီးက ကျွန်တော့်ကို ဗုဒ္ဓဘာသာစိတ်ဝင်စားလားလို့ မေးပြီး တောက်ဘာသာကလည်း အရမ်းကောင်းပါကြောင်းပြောပြလာကာ အိမ်တွင်းပစ္စည်းတွေကို ထောက်ပံ့ခွင့်ပေးတယ်။

____________________________________

ကျူလီ​၏ ကြောက်စရာကောင်းသည့်အကြောင်းမှာ သူကအကုန်လုံးကို လုပ်နိုင်တာဖြစ်ပြီး အားလုံးက သူ့ထိန်းချုပ်မှုအောက်မှာ ရှိနေသကဲ့သို့ပင်။

သူက ရဲစခန်းမှာနှစ်ရက်မျှသာ နေလိုက်ရပြီး ရှေ့နေက သူ ကိုယ်ဝန်၂၁ပတ်ရှိနေကြောင်း ဆေးစာကိုထုတ်ပြလာသည်။အဆုံးတွင်တော့ သံသယမရှိနိုင်အောင်ပဲ သူက အာမခံဖြင့်လွတ်လာတော့​၏။ နင်းယွီဟာ လူတစ်ယောက်ကို မလိုမုန်းကြီးကြီးထား၍ ထင်ကြေးမပေးလိုပေမယ့် ကျူလီဖြစ်နေရင်တော့ ၊ ဒီကလေးကပင် သူစီစဉ်ထားတယ်လို့ ယူဆမိသည်။

ရက်အနည်းငယ်အကြာ၌မူ ဆိုင်းမဆင့်ဗုံမဆင့်နှင့် ရွမ်လင်ဟယ့် သူ ကျူလီနှင့် အိမ်ထောင်ရေးကို အဆုံးသတ်ပြီဖြစ်ကြောင်း၊ သူ တခြားတစ်ယောက်ကို ချစ်ခဲ့တာဖြစ်ကြောင်း မီဒီယာကို ဖွင့်ချလိုက်သည်။ သူက တိုက်ရိုက်ကြီး မုန်တိုင်းစတင်လိုက်ပေမယ့် Alphaနဲ့Omegaကြားက အမှတ်အသားကို ဥပဒေအရ အကာအကွယ် ပေးထားတာကြောင့် သူတို့အိမ်ထောင်ရေးကို အဆုံးမသတ်နိုင်ခဲ့။ ကမ္ဘာပေါ်ရှိ မည်သည့်နိုင်ငံကမဆို Alphaနဲ့ Omega တို့ ကွာရှင်းတာကို လက်မခံခဲ့ကြပေ။

ရွမ်လင်ဟယ့်​၏ ထုတ်ပြန်ချက်က ဘာရလဒ်မှ ရှိလာမှာမဟုတ်။ တရားရုံးကလဲ မထောက်ခံသလို၊ ကျင့်ဝတ်သိက္ခာတို့ကလဲ ခွင့်ပြုမှာ မဟုတ်ပေ။သို့သော် ဒီအပြုအမူက " ရလဒ် " ကိုမျှော်ကိုးသည်မဟုတ်ပဲ သူ့သဘောထားကို သူ ထုတ်ပြောတာသာ။ ကျူလီ လုပ်ရပ်ကြောင့် သူ စိတ်ပျက်ခဲ့ရတာပဲဖြစ်ဖြစ်၊ သူတကယ် တခြားသူကို ချစ်တာပဲဖြစ်ဖြစ် ဒီဖြစ်ရပ်ကသံသယမရှိအောင် ကမ္ဘာပေါ်မှာ ကြီးကြီးမားမား အာရုံစိုက်ခံရသည်ဖြစ်ကာ ရွမ်မိသားစုကို လူထုအမြင်​၏ ထိပ်ဖျားသို့ တွန်းပို့ပေးခဲ့ချေသည်။

မကြာခင်မှာပင် လက်ကျန်အတင်းမီဒီယာတစ်ခုမှ ရွမ်လင်ဟယ့်နဲ့ ဝူချန်ကြားက အချစ်ဇာတ်လမ်းကို ဖော်ထုတ်လိုက်ပြန်​၏။ ဓာတ်ပုံအများအပြားနှင့် " အသိပေးသူများ " ၏ သာဓကများက ကျူလီနဲ့ အမှတ်အသားမလုပ်ရသေးခင်မှာ ရွမ်သခင်လေးနဲ့ ဝူချန်တို့က မင်္ဂလာရေးဆွေးနွေးဖို့ ရောက်ထားနှင့်ကြောင်း ပြသလာခဲ့ကြသည်။