ဒဏ်ရာဟောင်း || ဘာသာပြန် || 『Completed 』

54

လျှို့ဝှက်ချက်တချို့တော့ရှိတယ်၊ ခေါင်းတလားထဲပဲ ယူသွားခွင့်ပြုပါတော့။

~~~~~~~~~~~~~~~~~~~~~~

နောက်ဆုံးလေ့လာဆန်းစစ်ချက်အရ၊ အထင်လွဲမှားမှုအားလုံးရဲ့ အရင်းအမြစ်က ကျူလီရဲ့ရည်းစားစာ။ အဲ့ဒါသာမရှိခဲ့ရင်စုန့်ပေါလောင်နဲ့ နင်းယွီလဲ ဒီလိုဖြစ်လာကြမှာမဟုတ်။

၎င်းက သူ့ကို နင်းယွီရဲ့ အပြစ်အနာအဆာတွေ ဖမ်းဆုပ်ထားမိစေတယ်လို့ ထင်စေပြီး အကြောက်တရားမဲ့စေကာ " ကြိုက်တယ် " ဆိုတဲ့ နာမ အောက်မှာ မိမိကို သည်းခံနေစေသည်။

" ကြိုက်တယ် " ဆိုတာကြောင့်ပဲ တစ်ဖက်လူကို အကြောင်းမဲ့သက်သက် ထိခိုက်နိုင်စေသော ညစ်ပတ်တဲ့ " မုဒိန်းကောင် " အဖြစ် အောင်အောင်မြင်မြင်ကြီး ပုံဖော်ပစ်ခဲ့သည်။

နှစ်တွေအများကြီးကြာပြီးနောက် မုဒိန်းကောင်က မယားပါအစ်ကိုဖြစ်သူနဲ့လက်ဝါးရိုက်ပြီး ထိုနှစ်တွေက " နစ်နာသူ " ကို လက်ထပ်ချင်တယ်ဆိုတဲ့ အရာကိုလဲ ရရှိခဲ့ပြန်သည်။

အားလုံးက " ကြိုက်တယ် " ဆိုတာမှာ အခြေတည်ထားတာက အဓိပ္ပာယ်ရှိပါ​၏။ သို့သော် တစ်ခါလောက် အုတ်မြစ်နဲ့ထောက်ပံ့မှုမရှိပါလျှင် ယူဆချက်အားလုံးက ပြိုလဲပြီး ကျိူးကြောင်းဆီလျောမှု ကင်းမဲ့လာမည်ဖြစ်သည်။

စုန့်ပေါလောင် သံသယရှိနေတာ ပုံမှန်ပါပဲ။ ဒီ " လေထုညစ်ညမ်းမှုကြီး " ဆက်လုပ်ဖြစ်ဖို့အတွက် နင်းရှီက အလိမ်အကြီးစားနဲ့ မိမိကို လှည့်စားခဲ့မယ်လို့ သူဘယ်လိုလုပ်ပြီး တွေးမိမှာလဲ ?

မိမိရဲ့ စုန့်ပေါလောင်နဲ့ ပတ်သတ်ယှက်နွယ်မှုဟာ ကျူလီနဲ့ အစပြုခဲ့ပြီး နင်းရှီထံမှ အမြှီးချိုးခံရသည်။ အစကနေအဆုံးထိနင်းယွီတို့နှစ်ယောက်က အလိုလိုရုပ်သေးရုပ်နှစ်ရုပ်နဲ့သာတူပြီး ပေါကြောင်ကြောင်နိုင်လွန်းစွာ ကြိုးကိုင်ခြယ်လှယ်ခံခဲ့ရရုံသာ။

မင်းမကြိုက်ရင်၊ ဘာလို့ သူ့ကို လက်ထပ်ခဲ့သလဲ ?

ဒီပြဿနာက ပြတ်သားတယ်မဆိုသာသော်လည်း စကားလုံးတိုင်းက နင်းယွီရဲ့ ဒဏ်ရာရှိ အနာကျင်ဆုံးအပိုင်းကို ထိုးနှက်နေသလိုပင်။