ဒဏ်ရာဟောင်း || ဘာသာပြန် || 『Completed 』

21

Ranunculus နဲ့ အော်စတင်နှင်းဆီတို့က ပန်းကမ္ဘာမှာ အမှန်တကယ် တောင်ထွတ်နှစ်ခု ။

_____________________________________

နောက်ဆုံးမှာတော့ နင်းရှီက သူ နင်းယွီကို တွေ့ချင်ကြောင်း အခေါ်ရှိလာသည်။

မူလနေရာ... မူလအချိန်။

ယို့ယို့နဲ့ စကားပြောရတော့မယ်လို့ တွေးမိတဲ့အခါ နင်းယွီအရမ်းကို စိတ်လှုပ်ရှားခဲ့သော်လည်း နင်းရှီကမူ ဖုန်းကို ပစ်ပေးလာ၍ အထက်က ဗွီဒီယိုကိုသာ ကြည့်ခွင့်ပြုလာသည်။

" ဒါ ဘာကိုဆိုလိုတာလဲ?" နင်းယွီသူမကို မေးလိုက်သည်။ " ဗွီဒီယိုကောလ်လို့ သဘောတူထားခဲ့တာမဟုတ်ဘူးလား? "

နင်းရှီက သူမလက်က တဖျတ်ဖျတ်နှင့် စိန်လက်စွပ်ကို ယမ်းလိုက်ပြီး အမှုမထားစွာ ပြောလာသည်။ " နှစ်တစ်ဝက်လောက် ကလေးကို မတွေ့ဘူးလို့ မင်းငါ့ကို ကတိပေးထားတယ်ဆိုတာ မမေ့နဲ့။ ဟုတ်တယ်... အရင်ကြိုပြီးလဲ ဗွီဒီယိုတွေအများကြီး ပြပေးပြီးပြီ။မင်း မကျေနပ်ရင်လဲ... အဆင်ပြေတယ်​။ " သူမက ဖုန်းပြန်ယူရန်ပြင်​၏။

ထိုပုံစံကိုကြည့်ရလျှင် တွေ့ဖို့မပြောနှင့်၊ နင်းယွီက နောက်ထပ်စကားတစ်ခွန်းထွက်ရဲရင်တောင် သူမက ဒီဗွီဒီယိုကို မပေးခင် ချင့်ချိန်ထားပြီး၊ ချက်ချင်း ထ ထွက်သွားမည်ဟု မဖြစ်နိုင်စရာမရှိ။

" ဟင့်အင်း..." နင်းယွီက ဖုန်းတစ်ဖက်စွန်းကို အမြန်ဆွဲယူလိုက်ပြီး သူမ မယူနိုင်အောင် တားလိုက်​၏။

ထိုအခိုက် နင်းယွီဟာ သူမရှေ့မှောက်မှာလုံးဝအညံ့ခံလိုက်ရပြီး စကားပြောဖို့အခွင့်အရေးမရှိတော့ကြောင်းကို သိလိုက်ရပါသည်။

သူမက ကျွမ်းကျင်စစ်တုရင် ကစားသမားအလား။ နင်းယွီ စုန့်ပေါလောင်နဲ့ လက်ထပ်ဖို့ ဆုံးဖြတ်လိုက်ကတည်းကအကွက်တိုင်းကို လွယ်လွယ်ကူကူပင် သူမကတွက်ချက်ပြီးသား။

ကလေးအတွက်နဲ့ သူမက နင်းယွီကို အတင်းအကြပ်တာဝန်ယူခိုင်းတုန်းက နင်းယွီဟာ မိမိအားနည်းချက်ကို မတရားသုံးပြီး တခြားလူတွေကို လက်ကမ်းလင့်ခဲ့ရ​၏။ နင်းယွီ သူမကို အံမတုဝံသလို သူမစီမံတာတွေကိုလဲ မကန့်ကွက်ရဲကြောင်းသူမက သိပြီးသား။ နင်းယွီဟာ သူမ မွေးထားတဲ့ ခွေးတစ်ကောင်လိုမျိူး အမိန့်ကို အမြဲတမ်း နာခံရဖို့လိုအပ်ခဲ့လေသည်။