"အခုက အချိန်ကျပြီ.."
ကောင်းကင်ဘုံလေဂိုဏ်းမှ အဂ္ဂရိတ်ပညာရှင်က ရုတ်တရက် ပြောလိုက်သည်။
အတွေးတစ်ချက်ဖြင့် ချက်ခြင်း သူ၏ စိတ်ဝိညာဉ်ခွန်အားအားအသုံးပြုကာ မီးနဂါးမြက်ပင်အား မြေပြင်မှဆွဲနှုတ်လိုက်၍ လေထဲတွင် လွင့်မျောနေစေလိုက်သည်။
"ဝုန်း.."
သုံးမီတာခန့်မြင့်မားသော ရွှေရောင်ဒယ်စောက်မီးပြင်းဖိုကြီးအား သူ၏ သိုလှောင်လက်စွပ်အတွင်းမှထုတ်၍ မြေပြင်အား ကြွေမွသည်အထိဖြစ်အောင် ပြင်းထန်စွာချလိုက်သည်။
ထို့နောက်ချက်ခြင်း ဆီးလ်တံဆ်ိပ်ပုံစံလက်သင်္ကေတများကို နှစ်ဖက်လုံးဖြင့် ဆက်တိုက်ပြောင်းလဲဖော်ဆောင်နေသည်။
လေထဲတွင် အရိပ်များ ပေါ်လာပြီး လျှို့ဝှက်ဆန်းကြယ်သော ဆီးလ်တံဆိပ်များအား မီးပြင်းဖိုသို့ ထိမှန်စေလိုက်သည်။
"ချလွမ်.."
ရုတ်တရက် မီးပြင်းဖို၏ အဖုံးက ကောင်းကင်ထက်သို့ ပျံတက်သွား၏။
မီးပြင်းဖိုထဲတွင် မီးတောက်များကို လောင်မြိုက်စေပြီး မီးနဂါးများ တလိပ်လိပ်ဖြစ်နေသော ပုံစံကဲ့သို့ ဖြစ်ပေါ်နေသည်။
ထို့နောက်တွင် သူ၏သိုလှောင်လက်စွပ်အတွင်းမှ ဆေးပင်များအား တစ်ပင်ပြီးတစ်ပင်ထုတ်ယူ၍ ဒယ်စောက်မီးပြင်းဖို အတွင်းသို့ ပစ်ထည့်နေသည်။
၎င်းတို့မှာ မီးတောက်တို့၏ ဝါးမျိုခြင်းကို ခံကြရ၏။
"သွားတော့.."
တိုးလျသောအော်သံနှင့်အတူ လွင့်မျောနေသော မီးနဂါးမြက်ပင်မှာ မီးပြင်ဖိုဆီသို့ ပျံသန်းသွားပြီး မီးတောက်ပင်လယ် အတွင်းသို့ ကျသွားသည်။
"ချလွမ်.."
လေထဲတွင် ပျံသန်းနေသော မီးပြင်းဖို၏ အဖုံးမှာပြင်းထန်စွာကျဆင်းလာပြီး ဖုံးအုပ်ကာ လျှံထွက်လာသောမီးတောက်များအား မီးပြင်းဖိုအတွင်းသို့ ပြန်လည်ဝင်ရောက်သွားစေသည်။
ထိုအချိန်တွင် မီးပြင်းဖို အတွင်းရှိ စွမ်းအင်မှာ ကစဉ့်ကလျားဖြစ်နေပုံရပြီး စတင်၍ ပြင်းထန်စွာ တုန်ခါလာသည်။
YOU ARE READING
ငရဲဘုံကိုးခု ဧကရာဇ်
Actionငရဲဘုံကိုးထပ် အရှင်သခင် အကျဥ်းချုပ် ခေတ်တစ်ခေတ်တည်းတွင်မွေးဖွာလာသောသူတို့အားလုံး၍ အင်အားအကြီးဆုံး အသန်မာဆုံးဖြစ်သော ငရဲဘုံကိုးခုဘုံဗိမာန်၏ ကောင်းကင်ဘုံ အရှင်သခင်သည် အရာအားခပ်သိမ်း၏ မြစ်ဖျားခံရာ ဇစ်မြစ်ဖြစ်သော အံ့ဖွယ် ရတနာကို လုယူထွက်ပြေးရင်း အသတ်ခံ...
