ငရဲဘုံကိုးခု ဧကရာဇ်

အပိုင်း (၉၈)

ရေခဲတောအုပ်အတွင်းတွင်ဖြစ်သည်။

ရွှေရောင်ချပ်ဝတ်တန်ဆာဝတ် ဗိုလ်ချုပ်နှင့် ကောင်းကင်ဘုံလေဂိုဏ်းမှ ဘုရယ်နယ်ပယ်မှာ လီလျိုရှင်းအားရှာဖွေရန် ခွဲထွက်သွားကြသည်။

ထိုစဉ် ရှစ်ဖုန့်မှာ လီလျိုရှင်းအား ဦးဆောင်ပြီး ထိုသူများကိုရှာဖွေ၍ သူ၏ ပြန်ပေးဆွဲခြင်း လုပ်ငန်းကြီးအား လုပ်ဆောင်ရန် လုပ်နေသည်။

"အဲ့မှာ ရပ်နေလိုက်စမ်း ...မင်းကဘယ်သူလဲ.."

ကောင်းကင်ဘုံလေဂိုဏ်းမှ ကြယ်ငါးပွင့်ဘုရင်နယ်ပယ်အဆင့် သိုင်းပညာရှင်တစ်ယောက်မှာ ရုတ်တရက် သူ၏ ရှေ့၌ ငယ်ရွယ်သော ပုံရိပ်တစ်ခုအား တွေ့လိုက်ရသည်။

၎င်းမှာ ကြယ်တစ်ပွင့် စိတ်ဝိညာဉ်နယ်ပယ်လေးဖြစ်၏။

ရှစ်ဖုန့်က လှည့်လိုက်သောအခါတွင် ဘုရင်နယ်ပယ် သိုင်းသမားမှာ ရှစ်ဖုန့်၏ မျက်နှာကို မြင်တွေ့လိုက်ရပြီး အရင်ဆုံး အံ့အားသင့်သွားသည်။ထို့နောက်သူကချက်ခြင်းအလွန့်အလွန်ဝမ်းသာလာ၏။

"ဟားဟား မင်း...တကယ်ကိုမင်းပဲကိုး...သူတောင်းစားလေး..ဂိုဏ်းဒုခေါင်းဆောင်က မင်းကိုရှာဖို့ပါပြောထားတာ ..မင်းကိုဒီမှာတွေ့ရလိမ့်မယ်လို့ မမျှော်လင့်ထားမိဘူး.."

"ဒီရေခဲနဲ့နှင်းကမ္ဘာမှာ ငါမင်းကိုဘယ်လိုနှိပ်စက်ရမလဲဆိုတာကို..စဉ်းစားပါရစေအုံး...ငါသဘောကျအောင်လုပ်စမ်း..ဒူးထောက်လိုက် ..မင်းခံစားရတဲ့ဒုက္ခတွေနည်းသွားလိမ့်မယ်..."

သိုင်းသမားက သူ့မျက်နှာထက်၌ လှောင်ပြုံးကို ဆင်မြန်းပြီး ရှစ်ဖုန့်ထံ ဖြည်းညှင်းစွာ လျှောက်လှမ်းလာသည်။

အရာအားလုံးမှာ သူ၏ ထိန်းချုပ်မှုအောက်တွင် ရှိနေသကဲ့သို့ ဖြစ်သည်။

၎င်းမှာ ကြယ်တစ်ပွင့်စိတ်ဝိညာဉ်နယ်ပယ်လေးသာဖြစ်၏။

အမှိုက်အိုကြီးနှစ်ယောက်အား ဤငတိလေး ဘယ််လိုသတ်ခဲ့မှန်းကိုမသိသော်လည်း ဘုရင်နယ်ပယ်နှင့် စိတ်ဝိညာဉ်နယ်ပယ်နှစ်ခုတို့ကကြားရှိကွာခြားချက်မှာ ကောင်းကင်နှင့် မြေကြီးကြား ကွားခြားချက်လောက်ကိုရှိသည်။