( នែ៎ ទម្លាក់ឱ្យមួយភាគនេះគឺវែងខ្លាំងៗមិនធ្លាប់មានពីមុនមក😭សង្ឃឹមថាអ្នកអានបានអានដោយស្កប់ចិត្ត ហើយកុំភ្លេចស្រឡាញ់admin ឱ្យច្រើនៗផងណា🙈🧡 បញ្ជាក់ សូមអានភាគនេះដោយស្មារតីខន្តី ឧបេក្ខាផងញាតិញោម🧘🏻♀️)
« តែកុំភ័យអី ព្រោះនាងនឹងបានជួបរបស់ពិតឆាប់ៗនេះហើយ ហាសៗៗៗ » សម្លេងសើចយ៉ាងពិសពុលបានបន្លឺឡើងយ៉ាងកក្អឹក ពីមនុស្សស្រីម្នាក់ដែលដូចជាមានបញ្ហាសតិអារម្មណ៍ធ្ងន់ធ្ងរ ប្រហែលជាមានជំងឺសរសៃប្រសាទដំណាក់កាលចុងក្រោយផងក៏មិនដឹង
____ ផ្ទះត្រកូលយូ
ចេញពីក្រុមហ៊ុនមកសុងហ៊ុនប្រញាប់ប្តូរអាវថ្មីរួចមកផ្ទះរាងស្តើង មកដល់ពួកគេនៅលេងជាមួយគ្នាដូចធម្មតា តែពេលកំពុងអង្គុយជាមួយគ្នា រាងស្តើងលួចសម្លឹងមុខគេយ៉ាងស្ងៀមស្ងាត់ រួចគេក៏បែរមកចំល្មមដែរ
« ហេតុអីអូនសម្លឹងមុខបងបែបនេះ? »
« អត់មានអីទេ អូនគ្រាន់តែចង់មើលឱ្យបានច្បាស់ ថាមុខបងដូចជាប្រុសស្មោះឬប្រុសសាវា » នាងនិយាយដូចលេងសើច តែវាក៏បង្កប់មែនទែន30%
ឮនាងនិយាយហើយសុងហ៊ុនញញឹមឡើងដោយក្តីហួសចិត្តរួចយកដៃអង្អែលក្បាលតូចហើយឱនទៅនិយាយជិតមុខនាង
« អញ្ចឹងពេលនេះអូនមើលបានច្បាស់ហើយឬនៅ ហើយអាចប្រាប់បងបានទេ ថាបងដូចជាប្រុសបែបណា »
« អត់ទេ ប្រហែលភ្នែកអូនអាលែកហ្ស៉ីនឹងភាពសង្ហារបស់បងហើយ អូនមើលឃើញមិនច្បាស់សោះ មើលយ៉ាងណាក៏មើលមិនធ្លុះ មិនដឹងថាបងស្មោះឬសាវាឱ្យប្រាកដ »
សុងហ៊ុនសើចស្ញាញរួចតបវិញ
« ពុទ្ធោ បងមិននឹកស្មានថាភាពសង្ហារបស់បងមានឥទ្ធិពលដល់ថ្នាក់នេះទេ ពិតជាគួរឱ្យអាណិតដល់ភ្នែកអូនពិតមែន »
« មិនអីទេចឹង ដើម្បីជួយកុំឱ្យអូនត្រូវមើលយូរនាំឱ្យភ្នែកអូនអាលែកហ្ស៉ីខ្លាំងជាងនេះ បងផាក សុងហ៊ុន ប្រុសស្មោះ សុំយកកិត្តិយសជាកូនប្រុសមកធានា ថាបងពិតជាស្មោះពិតៗ គ្មានចិត្តសាវាសូម្បីមួយភាគរយ ហាណាអូនអាចជឿជាក់បងបានណាបងនៅតែអះអាងសម្តីដដែលថាជាតិនេះបងគ្មានថ្ងៃក្បត់អូនទេ »
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
