« មនុស្សស្អីមិនដឹងទេគួរឱ្យស្រឡាញ់គួរឱ្យក្នាញ់ខ្លាំងណាស់ ចាំមើលចុះការរួចពេលណា បងនឹងចាប់គ្រញិចអូនភ្លាមមិនឱ្យរួចខ្លួនទេចាំមើលទៅ »
Jakeនៅអង្គុយចាំអនាគតកូនក្រមុំទាំងរំភើបរំជើបរំជួលបេះដូងលោតញាប់ស្ទើរទប់លែងជាប់ទៅហើយ គេចាំបានបន្តិចក្រោយមក វាំងននក៏បើកឡើង លេចចេញរូបរាងនារីគ្រងរ៉ូបសដែលជាឈុតកូនក្រមុំ ប្រដាប់ដោយត្បូងនិងអង្កាំដេរភ្ជាប់តុបតែងលម្អមើលទៅសែនស្រស់ស្អាតឥតទាស់ នាងស្អាតណាស់ ពេលនេះគេគាំងហើយ គេអត់មានពាក្យបរិយាយទេ មិនដឹងថាកូនក្រមុំរបស់គេជាមនុស្សឬជាទេពអប្សរដើរដី គេងើបឈរឡើងទាំងភ្លឹក នាងផ្តើមញញឹមដាក់គេ ស្នាមញញឹមរបស់នាង កែវភ្នែកតូចៗដែលជះពន្លឺព្រាកៗភ្លឺថ្លាដូចពន្លឺពេជ្រ ស្អាតណាស់ គេដូចជាកំពុងវង្វេងនៅក្នុងពិភពមួយដែលពោរពេញដោយភាពពង្វក់
« Jake » នាងហៅគេដោយញញឹមតិចៗ ព្រោះឃើញគេឈរភ្លឹកអត់និយាយអី នាងហៅមួយមាត់គេនៅស្ងៀម ទើបនាងហៅបន្ថែម
« Jake យ៉ាងម៉េចដែរ រ៉ូបនេះសមនឹងអូនទេ? »
ឮសំណួររបស់នាងគេស្រាប់តែភ្ញាក់ខ្លួនឡើង ឆ្លើយទាំងនៅភ្លឹកដុំៗ
« សម សម ខ្លាំងណាស់ អនាគតកូនក្រមុំរបស់បងហេតុអីអូនស្អាតយ៉ាងនេះ? »
ស្តាប់គេនិយាយហើយរាងស្តើងញញឹមកាន់តែខ្លាំងថ្ពាល់នាងឡើងក្រហមព្រោះអៀន គេដើរមកជិតរួចចាប់ដៃនាងថើបផ្តិតជាប់បបូរមាត់ រួចលោទៅថើបថ្ងាសនាងដោយភាពថ្នាក់ថ្នមនិងចិត្តស្នេហ៍ពេញបេះដូង ទាំង2នាក់ញញឹមអស់ពីចិត្តយ៉ាងមានក្តីសុខ យូរីដែលឈរមើលក៏ញញឹមទៅជាមួយដែរ ឱ្យតែបានឃើញមិត្តមានក្តីសុខនាងក៏មានក្តីសុខហើយ ឈរមើលសុខៗនាងរំភើបឡើងស្រក់ទឹកភ្នែកដោយមិនដឹងខ្លួន ប៉ុន្មានឆ្នាំមកនេះរាងស្តើងរងវិបត្តិផ្លូវចិត្តធ្ងន់ធ្ងរយ៉ាងណាមានតែយូរីតែប៉ុណ្ណោះទើបដឹង នៅពីក្រោយស្នាមញញឹមរបស់នាង ការពិតសុទ្ធតែជាទឹកភ្នែកដែលស្រក់ស្ទើរក្លាយជាឈាម នាងអាចធ្វើឱ្យអ្នកដទៃសប្បាយចិត្តតែនាងខ្លួនឯងបែរជាមិនអាចធ្វើឱ្យខ្លួនឯងសប្បាយចិត្តបាន ការឈឺចាប់អារម្មណ៍វេទនាទាំងប៉ុន្មាននាងព្យាយាមលាក់ទុកមិនដែលប្រាប់ឱ្យអ្នកណាដឹងទេ មានតែយូរីប៉ុណ្ណោះដែលអាចឱ្យនាងដាច់ចិត្តទម្លាយប្រាប់នៅពេលឈឺចាប់រាល់លើក ។ ថ្ងៃនេះទីបំផុតនាងអាចទទួលបានក្តីសុខមួយហើយ ក្នុងនាមជាមិត្តរបស់នាងយូរីពិតជាសប្បាយចិត្តខ្លាំងណាស់ ខណៈយូរីកំពុងយំរាងស្តើងក៏ងាកមកឃើញរួចប្រញាប់ដើរចូលទៅរកភ្លាមដោយក្តីបារម្ភ
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
