« រួចហើយ » មុខតូចក្តៅភាយ ប្រាប់គេហើយនាងរហ័សឱនមុខដើរចេញ តែត្រូវ ប៊ឹប!!
« អាយយ!! » រាងស្តើងស្រែកភ្លាត់សម្លេងដោយសារគេស្រាប់តែស្ទុះមកឈរពាំងមុខនាងធ្វើឱ្យមុខតូចច្រមិលបុកទ្រូងគេមួយសមគួររហូតខ្លួននាងទ្រេតផ្ងាកក្រោយ តែបានដៃមាំរបស់រាងសង្ហាជួយទ្រទប់កាយនាងមិនឱ្យដួលរួចក្រសោបចង្កេះតូចរឹតខ្លួននាងមកផ្អឹបជាប់នឹងទ្រូងគេ នាងភ័យឡើងស្លេកមុខដល់ភ្លឹកស្មារតីអស់3វិនាទី ពេលភ្ញាក់ខ្លួនមកវិញក៏ប្រញាប់ច្រានទ្រូងគេដើម្បីរើចេញពីរង្វង់ដៃរបស់គេ
« អរ..អរគុណហើយ » មុខនាងកាន់តែស្លេក ក្នុងចិត្តនាងភ័យផង លាយរំជួលផងពិបាកបរិយាយ ក្លិនកាយគេដែលនាងធ្លាប់ហិតដិតជាប់ច្រមុះ នាងនៅចាំបានគេនៅតែរក្សាក្លិនដដែល ទ្រូងមាំមួយនោះ ដែលនាងធ្លាប់នៅក្រោមច្រើនលើកច្រើនសារ ទោះចង់បំភ្លេចក៏មិនអាចដែរ ព្រោះធ្លាប់មានសម្ព័ន្ធស្នេហ៍ដែលប្រលោមជ្រៅដល់រួមកាយស្អិតរមួត ស្របពេលដែលនាងបាននឹកឃើញរឿងទាំងនោះត្រឹម30% សុងហ៊ុនបាននឹកឃើញឡើងដល់អនន្ត% គ្រប់រូបភាពទាំងអស់បានផុសឡើងពេញក្នុងខួរក្បាលរបស់គេ នៅពេលដែលបានប៉ះកាយនាងជិតៗមុននេះ ក្លិនក្រអូបប្រហើរស្រាលស្រទន់ដែលគេធ្លាប់ស្រូប គេចាំគ្មានថ្ងៃភ្លេច រាងកាយតូចល្វត់ល្វន់របស់នាងដែលគេធ្លាប់ឱបក្រសោបរឹតរួបជាប់ពេញទ្រូង ធ្លាប់បបោសអង្អែលស្ទាបច្របាច់ ចង្កេះតូចមួយក្តាប់ដែលគេស្ទើរតែអាចចាប់ជុំដោយប្រើដៃម្ខាង នាងនៅតែស្អាតឥតទាស់ មិនថាពេលវេលាកន្លងទៅយ៉ាងណា នៅក្នុងភ្នែកគេ នាងនៅតែជាមនុស្សស្រីតែម្នាក់ដែលស្អាតជាងគេបំផុតគ្មានអ្នកណាប្រដូច គេឈរស្ងៀមក្នុងខ្លួនឡើងកម្តៅភាយៗ មុខក៏ក្តៅស្រឺតៗ បានលេបទឹកមាត់ក្អឹកដើម្បីសម្រួលអារម្មណ៍ រាងស្តើងរកធ្វើអីមិនត្រូវនាងចាប់ខ្ញាំរ៉ូបតិចៗស្រាលៗដោយអារម្មណ៍ឡិងឡាំង រួចរហ័សបែរខ្លួនចេញ គ្រាន់តែងាកបានបន្តិច ស្រាប់តែគេទាញដៃនាងកន្ត្រាក់ត្រឡប់ក្រោយវិញរួចច្រានកាយតូចផ្តួលគ្រេងទៅលើសាឡុង
« អា៎!! »
« លោកចង់ធ្វើស្អីហ្នឹង?!! » រាងស្តើងស្រឡាំងកាំងភ័យឡើងញ័រខ្លួនញ័រមាត់ទទ្រើកពេលគេផ្តួលនាងលើសាឡុងហើយនាំកាយមាំរបស់គេមកទ្រោបពីលើនាង ដែលវាជារូបភាពមិនសមទំនងសោះ
« ឆាប់ក្រោកចេញភ្លាមទៅ!! » នាងខំច្រានទះតប់ ខណៈគេដាក់ដៃឃុំសងខាងខ្លួននាងជាប់ នាងប្រឹងរុញចង់ងាប់តែគ្មានបានការ វាដូចជានាងកំពុងវ៉ៃជាមួយដុំថ្ម សាច់គេរឹងល្អដល់ធ្វើឱ្យនាងមានអារម្មណ៍ឈឺដៃពេលវ៉ៃគេ នាងរើបម្រះចង់ឆ្កួតចំណែកគេវិញបែរជានៅស្ងៀមទ្រឹង ក្រសែភ្នែកគេបានសម្លឹងមុខនាងឥតព្រិច គេខានមើលវង់ភក្ត្រដ៏សែនស្រស់ផូរផង់មួយនេះនៅចម្ងាយជិតៗបែបហ្នឹងយូរហើយ បើរាប់ទៅមិនដឹងជាប៉ុន្មានខែឆ្នាំហើយទេ តាំងពីនាងរៀបការរួចមក គេមិនដែលបានជួបបាននិយាយជាមួយនាងសូម្បីបន្តិចឡើយ វាដូចជានាងព្យាយាមគេចចេញកាត់ផ្តាច់ទំនាក់ទំនងឱ្យដាច់ភឹងពីគេ ធ្វើដូចលែងមានវត្តមានគេនៅក្នុងលោកនេះអញ្ចឹង មែនហើយបើគិតទៅចាប់តាំងពីថ្ងៃដែលនាងរៀបការរួចសរុបទៅគេបានជួបនាងម្តងដែរ កាលជំនាន់នាងពឹងគេឱ្យជួយរឿងម៉ានវ៉ុននិងយូរី ហើយបើកុំតែមានរឿងពីរនាក់ហ្នឹង នាងក៏ប្រហែលគ្មានផ្លូវជួបនិយាយជាមួយគេទេមើលទៅព្រោះសូម្បីតែពេលនាងទៅដល់ផ្ទះគេហើយនាងនៅតែគេច មិនព្រមជួបនិយាយជិតៗជាមួយគេបន្តិចឡើយ ឯគេក៏មិនហ៊ានឈ្លានពានព្រោះនាងជារបស់ដែលមានម្ចាស់ និងពេលខ្លះគេក៏បានត្រឹមតែគិតថានាងប្រហែលជាមិនចូលចិត្តគេខ្លាំងហើយ គេយល់ឃើញបែបនេះ តែគេមិនបានដឹងទេថាការពិតនៅពីក្រោយការគេចមុខរបស់នាងដែលមិនចង់ជួបប្រឈមនឹងគេនោះក៏ព្រោះតែនាងខ្លាចថាបេះដូងដែលមានសារជាតិសាវារបស់នាងបានធ្វើឱ្យចិត្តនាងក្លាយជាសាវាឡើងវិញ តាំងពីថ្ងៃដែលនាងរើសJakeនាងបានប្រាប់ខ្លួនឯងថាចាប់ពីពេលហ្នឹងទៅបេះដូងនាងត្រូវដាក់តែJakeម្នាក់គត់ ហើយនាងក៏គិតថានាងអាចធ្វើបាន ប៉ុន្តែគ្រប់យ៉ាងវាមិនបានជ្រះស្រឡះដូចកាលដែលនាងគិតឡើយ នាងអាចបិទចិត្តបិទបេះដូងមិនឱ្យខ្វល់ពីសុងហ៊ុនបាន តែនាងមិនអាចលុបរូបគេចេញពីបេះដូងបានទេ កុំថាឡើយដល់ឃើញមុខគេផ្ទាល់ សូម្បីតែស្តាប់ឮពីឈ្មោះរបស់គេក៏បេះដូងនាងមានការរង្គោះរង្គើដែរ ហើយបើសួរថាវាអាចធ្វើឱ្យនាងកើតចិត្តសាវាដល់រត់ទៅសាហាយស្មន់ជាមួយសុងហ៊ុនដែរទេ? ចម្លើយនោះគឺអត់ទេជាដាច់ខាត នាងគ្មានផ្លូវធ្វើរឿងដ៏អសីលធម៌មួយនោះទេ គ្មានផ្លូវតែម្តង ហើយរឿងដែលនាងខ្លាចក៏មិនមែនការក្បត់សាវាតាមរយៈផ្លូវកាយនេះដែរព្រោះនាងប្រាកដចិត្តច្បាស់ថានាងអាចឃាត់វាបាននាងគ្មានផ្លូវបណ្តោយឱ្យវាកើតឡើងឡើយ តែអ្វីដែលធ្វើឱ្យនាងខ្លាចនោះគឺនាងខ្លាចថានាងអាចក្បត់សាវាតាមរយៈចិត្តនិងបេះដូង នាងមិនចង់ឱ្យបេះដូងនាងលួចនឹកគិតដល់សុងហ៊ុនទាំងដែលកំពុងនៅជាប្រពន្ធរបស់Jakeទេ នាងចង់ឱ្យបេះដូងខ្លួនផ្ទុកតែរូបJakeតែម្នាក់យ៉ាងពិតប្រាកដ ហេតុនេះហើយទើបនាងព្យាយាមគេចពីគេ ឱ្យតែមិនជួបមិនឃើញ មិនមានអ្នករំឭកឈ្មោះ ក្នុងចិត្តនិងបេះដូងរបស់នាងពិតជាមិនរើបពីសុងហ៊ុនឡើយ ទោះជារូបសុងហ៊ុនបានកប់ជ្រៅនៅក្នុងនោះក៏ដោយ និយាយឱ្យច្បាស់ទៅគឺនាងអាចបិទបេះដូងមិនឱ្យនឹកនាដល់គេបាន តែមិនអាចលុបរូបគេចេញពីបេះដូងបានទេ នាងពិតជាស្អប់ ស្អប់បេះដូងដែលមានសារជាតិសាវានេះខ្លាំងណាស់ ព្រោះវាបានធ្វើឱ្យនាងមិនអាចកាត់ផ្តាច់អ្នកណាម្នាក់ក្នុងចំណោមពួកគេទាំងពីបានឡើយ តាំងពីដំបូងមក នាងធ្លាប់សាវាយ៉ាងណា មកដល់ថ្ងៃនេះនាងក៏នៅតែសាវាបែបនោះមិនប្រែ ទោះជាអាចលាក់អារម្មណ៍ដែលបង្ហាញចេញនៅខាងក្រៅ តែមិនអាចលាក់អារម្មណ៍ផ្លូវបេះដូងបានទេ ទោះជានាងបានរើសយកអ្នកណាម្នាក់ តែបេះដូងនាងក៏មិនអាចលុបម្នាក់ទៀតចេញបានឡើយ សូម្បីតែគ្រាមុនពេលនាងរើសយកសុងហ៊ុន បេះដូងនាងក៏នៅតែមានរូបJake ហើយក្រោយមកទៀតពេលដែលរើសJakeនេះ បេះដូងនាងក៏នៅតែមានសុងហ៊ុន វាបែបហ្នឹង វាតែងតែសាវាមករហូតមិនអាចកែប្រែបានទេ នាងសែនស្អប់ៗៗៗ ស្អប់បេះដូងខ្លួនឯងខ្លាំងណាស់ ស្អប់ដែលវាមិនអាចរើសយកអ្នកណាម្នាក់ឱ្យដាច់ស្រេច ទាំងដែលចិត្តនាងមិនចង់ឱ្យក្លាយជាបែបហ្នឹងបន្តិចសោះ ។ រាងស្តើងស្វាយមាត់បុកពោះញ័រទ្រូង ស្របពេលសុងហ៊ុននៅបន្តសម្លឹងមុខនាងដោយទឹកមុខមិនអាចស្មានចិត្តហើយស្រាប់តែទម្លាក់មុខដ៏សែនសង្ហារបស់គេទៅជិតមុខតូចរបស់នាងធ្វើឱ្យរាងស្តើងភ័យរញីរញ័រកាន់តែខ្លាំង
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
