« ឈប់ភ្លាម!! ចេយុន!! ដាច់ខាត!ម៉ាក់មិនព្រមឱ្យឯងរៀបការជាមួយនាងក្មេងនោះទេ!! បើឯងនៅតែរឹងចង់យកស្រីនោះធ្វើប្រពន្ធ អញ្ចឹងពួកយើងមិនបាច់រាប់គ្នាជាម៉ាក់ជាកូនទៀតទេ!! » ខឹងកូនប្រុសដែលមិនព្រមស្តាប់សម្តីគាត់ទើបលោកស្រីសុីមច្រឡោតតោតតូង ស្រែកគំរាមចង់កាត់កាល់គេដោយជ្រុលមាត់ ស្តាប់គាត់និយាយហើយJakeនៅឈរទ្រឹងលែងមានអ្វីតបត គេបិទភ្នែកលើកដៃជ្រោងសក់ទាំងតប់ប្រមល់ជ្រក់ជ្រេញនឹងជីវិតគេនៅពេលនេះយ៉ាងខ្លាំង គេឈានជើងរកដើរទៅមុខទៀតតែលោកស្រីសុីមស្រែកបន្ថែម
« បើឯងចេញទៅនៅពេលនេះ អញ្ចឹងម៉ាក់នឹងរាប់ទុកថាឯងកាត់កាល់ម៉ាក់ចោលហើយ បើឯងចង់មានឈ្មោះជាកូនអកតញ្ញូបោះបង់ម្តាយខ្លួនឯងចោលព្រោះតែស្រី អញ្ចឹងឯងចេញទៅចុះ!! » លោកស្រីសុីមលេងមួយគ្ឌាំងឱ្យជើងគេគាំងដូចរូបចម្លាក់ ចង់ឈានទៅក៏ទៅមិនរួច ម្ខាងជាមនុស្សស្រីដែលខ្លួនស្រឡាញ់ពេញបេះដូង ម្ខាងជាម្តាយដែលមានគុណធំលើសលប់ តើឱ្យធ្វើយ៉ាងណាទៅ បើឱ្យគេរើសយកមួយនោះគឺគេពិតជាធ្វើមិនបានទេ ពេលនេះគេមិនព្រមចោលរាងស្តើងឡើយ ហើយក៏មិនព្រមចោលម៉ាក់គេដូចគ្នា Jake អស់វិធីតបតទៅលោកស្រីសុីម ទើបគេបានត្រឹមកាត់ចិត្តនិងព្រមចុះញ៉មសិនតែប៉ុណ្ណោះដើម្បីឱ្យម៉ាក់គេអស់ចិត្ត គេត្រឡប់ក្រោយដើរឡើងទៅបន្ទប់របស់គេដោយមិននិយាយអ្វីមួយម៉ាត់ តែវាក៏បានធ្វើឱ្យលោកស្រីសុីមញញឹមធូរទ្រូង មុននេះគាត់ភ័យណាស់ខ្លាចគេហ៊ានកាត់កាល់គាត់ចោលព្រោះតែស្រីពិតមែន តែពេលនេះគាត់បានដឹងហើយថាគេមិនហ៊ានដល់ថ្នាក់ហ្នឹងទេ ល្អណាស់ ឱ្យតែគេនៅខ្លាចនៅស្តាប់គាត់ គាត់នឹងព្យាយាមរកវិធីធ្វើយ៉ាងណាមិនឱ្យពិធីអាពាហ៍ពិពាហ៍នោះកើតឡើងជាដាច់ខាត ។
បន្តិចក្រោយមក លោកស្រីសុីមបានរៀបចំខ្លួនរៀបរយបញ្ជាកូនចៅឱ្យចេញឡានជូនគាត់ទៅក្រៅដោយមុននេះគាត់បានណាត់ជួបជាមួយនឹងមនុស្សម្នាក់ហើយមនុស្សម្នាក់នោះគឺ
___នៅហាងកាហ្វេមួយកន្លែង
លោកស្រីសុីមឈានជើងចុះពីលើឡានជាមួយឫកពាមានអំណាច ជាលោកជំទាវថ្នាក់ខ្ពស់ ទឹកមុខមាំមើលទៅមិនទំនងជាស្លូតទេលោកអ៉ើយ គាត់ពាក់វែនតាខ្មៅតម្លៃថ្លៃ និងកាន់កាបូបប្រេនតម្លៃរាប់ម៉ឺនដុល្លាដើរចូលក្នុងហាងកាហ្វេដោយមានអង្គរក្ស2នាក់អមដំណើរពីក្រោយ គាត់ឱ្យអង្គរក្សនៅឈរចាំខាងក្រៅហើយគាត់ក៏ចូលក្នុងហាងតែម្នាក់ឯង ក្នុងហាងស្ងាត់អត់មានភ្ញៀវទេព្រោះគាត់បានជួលផ្តាច់ហើយ គ្រាន់តែចូលដល់ក្នុងភ្លាមគាត់ក៏បានឃើញជាក់នៅវត្តមានក្មេងស្រីដែលគាត់បានណាត់មកជួប នាងធ្វើខ្លួនរម្យទមមិនសុិចសុីឡូយឆាយពេកទេ ធ្វើឱ្យគាត់មើលទៅដូចមិនសូវទើសភ្នែក លោកស្រីសុីមដើរចូលទៅរក រាងស្តើងក៏ប្រញាប់ក្រោកឡើងធ្វើការគំនាប់គាត់ភ្លាមៗដោយញញឹមដាក់គាត់ស្រាលៗតែការតបរបស់គាត់ទៅនាងហាក់សោះអង្គើយណាស់ គាត់គ្រាន់តែងក់ក្បាលបន្តិចស្ទើរមិនរង្គើ រួចប្រាប់នាងសម្តីស្ងួត
« អង្គុយចុះទៅ »
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
