စာအုပ်ထဲက ဇာတ်ပို့ဇာတ်ကောင်ထဲသို့ကူးပြောင်းလာသော မှုခင်းဆရာဝန်အမျိုးသမီးတစ်ဦး။

Ch-64 : ကံကောင်းမှု။

Ch-64 : ကံကောင်းမှု။

ယင်ထောင် က ကာစီနိုဝိုင်းရှိ လူများကို ဂရုတစိုက်ကြည့်နေရင်း ဖန်ကျင်းအနားကနေ အနီးကပ်လိုက်လာတယ်။ အများစုမှာ ချမ်းသာသူများဖြစ်ပြီး သူမထက်ပင် ပြောင်ပြောင်တင်းတင်း ၀တ်စားထားသော ချောမောလှပသည့် အမျိုးသမီး အချို့လည်း ရှိသည်။ တစ်ချို့က ထိုသူဌေးကြီးများကို ညစ်ညမ်းသောအပြုအမူများဖြင့် မှီထားကြသည်။

ယင်ထောင် ညစ်ညမ်းသောမြင်ကွင်းကို ကြည့်ရင်း ဖန်ကျင်းရဲ့လက်မောင်းကို ကျွမ်းကျင်စွာ ချိတ်ထားဆဲဖြစ်သည်။ သူမ အခြားသောမြေခွေးမလေးများကို အတုယူ၍ ဖန်ကျင်းနှင့်နီးကပ်စွာ ကပ်နေခဲ့တယ်။

ကျဲယုက ယင်ထောင်ရဲ့လုပ်ရပ်ကိုမြင်သောအခါ ကျယ်လောင်စွာရယ်တယ်။ ဤနေရာမှ မြူးကြွယ်မိန်းမများနှင့် နှိုင်းယှဥ်လျှင် ယင်ထောင်က ဖန်ကျင်းရဲ့ ပြန်ပေးဆွဲခြင်းခံရသော အရွယ်မရောက်သေးသူနှင့်တူသည်။ သူမသည် Sexy ကျကျ ၀တ်ဆင်ထားပြီး ရုပ်ရည်ကောင်းမွန်သော်လည်း၊ သူမရဲ့ဝတ်စုံက နည်းနည်းတော့ မသင့်တော်ပေ။

ကျုံးဟူ ၏ ဦးဆောင်မှုအောက်တွင်၊ ဖန်ကျင်းနဲ့အခြားသူများ လောင်းကစားစားပွဲသို့ ရောက်လာကြသည်။ ဖန်ကျင်း အပြင်၊ လောင်းကစားဝိုင်းတွင် အခြားလူ ၃ဦးရှိပြီး တစ်ဦးစီတွင် မတူညီသော အသွင်အပြင်ရှိကြသည်။

သူတို့ထဲက တစ်ယောက်က ဖန်ကျင်း နဲ့ အသက်ရွယ်တူလောက်ရှိပုံရတယ်။ သူသည် နီညိုရောင်ဆေးဆိုးထားသော်လည်း မျက်နှာအသွင်အပြင်မှာ ထူးခြားပြီး နည်းနည်းပေါ့ပါးပုံပေါ်တယ်။ ထွားကျိုင်းတဲ့ ဆံပင်ရွှေရောင်ဆိုးထားသောမိန်းကလေးက သူ့ဘေးမှာ ထိုင်နေတယ်။ သူမက ဖန်ကျင်းအနားက ယင်ထောင်ကို ခိုးကြည့်နေ၏။

ကျန်တဲ့နှစ်ယောက်က နည်းနည်းအသက်ကြီးတယ်။ တစ်ယောက်က မျက်မှန်တပ်ထားပြီး နောက်တစ်ယောက်က နည်းနည်းပိန်တယ်။ သူတို့နှစ်ယောက်လုံးက အသက်၄၀ ကျော်ပေမယ့် သပ်သပ်ရပ်ရပ် ဝတ်စားထားတယ်။

ကျုံးဟူက ပြုံးပြီး ဖန်ကျင်းကို စားပွဲရှိလူများနှင့် မိတ်ဆက်ပေးသည်။ "သူက သခင်လေးဖန်ပါ၊ ဒါက သူ့ရဲ့ပထမဆုံးအကြိမ်ဖြစ်လို့ ဥက္ကဌဟဲနဲ့ ဥက္ကဌလိန်တို့ သူ့ကို ကြည့်ရူပေးပါဦး"