စာအုပ်ထဲက ဇာတ်ပို့ဇာတ်ကောင်ထဲသို့ကူးပြောင်းလာသော မှုခင်းဆရာဝန်အမျိုးသမီးတစ်ဦး။

Ch-100 : စစ်ဆေးမေးမြန်းခြင်း။

Ch-100 : စစ်ဆေးမေးမြန်းခြင်း။

"ကျွန်တော့်မိန်းမက သိပ်လှတာ၊ သူက ဘယ်လိုဖြစ်ပြီး မကောင်းဆိုးမ ဖြစ်နိုင်မှာလဲ?!" ရှောင်မင် သည် မနေ့က တွေ့ခဲ့သော ရုပ်ဆိုးပြီးကြောက်စရာကောင်းသော အလောင်းကို တွေးကာ တုန်လှုပ်သွားသည်။

"ခင်ဗျား စိတ်အေးအေးထားပြီး ခင်ဗျားမိန်းမရဲ့လူသတ်သမားကို တတ်နိုင်သမျှအမြန်ဆုံးရှာသင့်တယ်" ဖန်ကျင်း သည် စစ်ဆေးမေးမြန်းမှုမပြုလုပ်မီ ရှောင်မင် ငြိမ်သက်သွားစေရန် စောင့်ဆိုင်းခဲ့သော်လည်း၊ ဤအမှုသည် အမှန်တကယ်ပင် ရှုပ်ထွေးလှသည်။ နောက်သားကောင်ကို ကယ်တင်ရန်အတွက် ဖန်ကျင်း သည် ရှောင်မင် ထံမှ သဲလွန်စများကို တတ်နိုင်သမျှအမြန်ဆုံးရရန် လိုအပ်သည်။

"ဒါပေမယ့် ဒီလိုမျိုး ဘယ်သူက ဘယ်လိုလုပ်နိုင်မှာလဲ"ရှောင်မင် မှာ အဖြစ်မှန်ကို လက်ခံရန် ခက်ခဲနေဆဲဖြစ်သည်။ ဇနီးသည်၏ ရောင်ရမ်းပြီး ရုပ်ဆိုးသော မျက်နှာကို တွေးလိုက်တိုင်း သူ့ကိုယ်သူ မထိန်းနိုင်လောက်အောင် နာကျင်ခံစားရသည်။

"ဒါဆို ပတ်ဝန်းကျင်မှာ ဒီလိုမျိုး လုပ်နိုင်တဲ့ အရူးအမူးရှိနေတယ်လို့ ခင်ဗျားထင်လား" ဖန်ကျင်း သည် ရှောင်မင်ရဲ့မျက်နှာကို စိုက်ကြည့်နေလေသည်။ အမှန်တော့ ရှောင်မင်းနဲ့ပတ်သက်လို့ သူ့နှလုံးသားထဲမှာ သံသယတွေရှိနေတုန်းပဲ၊ ဒါပေမယ့် ဒီလူရဲ့ ဝမ်းနည်းပူဆွေးမှုက အစစ်အမှန်ဖြစ်လွန်းတယ်။ သူက လူသတ်သမားနဲ့ပူးပေါင်းဖို့ ဘယ်လိုမှမဖြစ်နိုင်ပါ။

ဖန်ကျင်းရဲ့လေသံက တည်ငြိမ်‌သောကြောင့် ရှောင်မင် လည်း နည်းနည်း ငြိမ်သွားသည်။ ဖန်ကျင်းက သူ့စိတ်ကို ဂရုတစိုက်စူးစမ်းလို့နေသည်။ တခဏရပ်တန့်ပြီးနောက် ရှောင်မင်က ခေါင်းကို ညင်သာစွာခါယမ်းသည်။ ကျွန်တော် တောင်းပန်ပါတယ်၊ အရာရှိ ဘယ်သူ့ကိုမှ မတွေးမိဘူး"

ရှောင်မင် သည် ရေတစ်ငုံသောက်၍ သက်ပြင်းချလျက် ဖန်ကျင်းကို ပြောလာသည်။ "ကျွန်တော့်မိန်းမက သိပ်နူးညံ့သူပါ၊ သူမ ဘယ်သူနဲ့မှ ရန်သူဖြစ်အောင်ထိ လုပ်မှာမဟုတ်ဘူး"