စာအုပ်ထဲက ဇာတ်ပို့ဇာတ်ကောင်ထဲသို့ကူးပြောင်းလာသော မှုခင်းဆရာဝန်အမျိုးသမီးတစ်ဦး။

Ch-22 : မိသားစု

Ch-22 : မိသားစု

ယင်ထောင် ခေါင်းညိတ်လိုက်သည်။ သူမ၏ဆရာသည် အရည်အချင်းရှိရုံသာမက ဖြောင့်မှန်သူလည်းဖြစ်သည်။

ဈာပနအခန်းသို့ သူမရောက်ရှိချိန်တွင် ဝေကော်ပိုရေးရှင်းသည် ငွေရေးကြေးရေးအရ မည်မျှကြောက်စရာကောင်းသည်ကို ယင်ထောင် သိရှိခဲ့သည်။ ဈာပနပွဲရုံတွင် အရွယ်အစားမျိုးစုံ ဇိမ်ခံကား အစီး ၂၀ ကျော်ရှိပြီး အချို့တွင် ထူးခြားသော လိုင်စင်နံပါတ်ပြားများပင် ရှိသည်။

ကားပေါ်မှ ဆင်းလိုက်စဉ်တွင်ပင် အသုဘခန်းအ၀င်ဝတွင် ပိုင်လော် ရပ်နေသည်ကို ယင်ထောင် မြင်လိုက်တယ်။

"ဆရာ၊ကျွန်မ အရာရှိပိုင်ကို သွားနှုတ်ဆက်လိုက်ဦးမယ်" ပိုင်လော်ကိုမြင်သောအခါ ယင်ထောင် အလွန်အံ့အားသင့်သွားသည်။

"ကောင်းပြီ၊ငါ အရင်သွားလိုက်မယ်" စုမင်ကို ရဲအရာရှိများက ဈာပနအခမ်းအနားသို့ ပို့ဆောင်ခဲ့တယ်။

"ပိုင်လော်၊နင်ဘာလို့ ဒီကိုရောက်နေတာလဲ?ရှကျင်းနဲ့ ဗဟိုဆေးရုံကိုမသွားဘူးလား?" ယင်ထောင် နည်းနည်းအံ့ဩသွား၏။ ဒီအမှုကို ဌာနခွဲ ၂ ကို လွှဲပြောင်းပေးလိုက်တာလား?

"ငါ ခေါင်းဆောင်ချန်းနဲ့အတူ လာခဲ့တာ၊အသားကင်ဆိုင်အဝမှာ ငါတို့က ကျန်းကျင်းနဲ့တွေ့ခဲ့တယ်လေ" ပိုင်လော်က အနားကို လျှောက်လာပြီး ယင်ထောင်ကိုပြောပြတယ်။ "ခေါင်းဆောင်ချန်းက အဲဒီလူ သိပ်သံသယဖြစ်ဖို့ကောင်းမှန်းသိတယ်၊သူ ငါနဲ့ရှကျင်းကိုမှတ်မိနေမှာစိုးလို့ အခြားအရာရှိတွေကို လွှတ်ခဲ့တယ်"

"ရှောင်ထောင်၊ဒီတခေါက် နင် ကြီးမားတဲ့အောင်မြင်မှုကိုလုပ်နိုင်လောက်တယ်" ပိုင်လော်က ယင်ထောင်ကို လျှို့ဝှက်​ဆန်းကြယ်​တဲ့ အမူအရာနဲ့ ​ပြောတယ်​။ "ငါတို့ထပ် စုံစမ်းကြည့်သလောက် ကျန်းကျင်းက ယခင်က စိတ်ရောဂါကုဆရာဝန်နှင့် တိုင်ပင်ခဲ့တာတွေ့ရှိခဲ့တယ်၊အရင်က သူစိုးရိမ်ပူပန်မှုဝေဒနာကိုတောင် ခံစားခဲ့ရတယ်"

"နောက်ထပ် တရားခံမပေါ်လာခင်မှာအမှုကို အောင်မြင်စွာပိတ်နိုင်မယ်လို့ မျှော်လင့်တယ်။" ယင်ထောင်၏ နှလုံးသားသည် ယခုထိ မငြိမ်မသက် ဖြစ်နေ၏။ "ဒီအမှုကိုကော? နင်တို့ ဌာနခွဲ၂ က တာဝန်ယူမှာလား?"