အခန်း(၁၁၁)
ယွီရှန်းက တော်ဝင်မင်းသားတွေကိုအရေးမယူနိုင်သော်လည်း ယွီမောက်ချီကို အရေးယူနိုင်သည်။ အချိန်အကြာကြီး တွေးတောပြီးနောက် ဒီကိစ္စကို ပြင်းပြင်းထန်ထန် အရေးယူပြီး ယွီမောက်ချီကို မြန်မြန်လက်ထပ်ပေးဖို့ တွေးခဲ့သည်။
သူမရဲ့ လက်ရှိ ယွီစံအိမ်ပေါ်ထားသည့် အမုန်းတရားအရ အချိန်ကြာလေ လူမဆန်သည့် လက်စားချေမှု ဖြစ်လာနိုင်သည်။ ယွီရှန်းက ဒီလိုဖြစ်ခွင့်ပေးမည် မဟုတ်ပေ။
နှစ်သစ်ကူးဖို့ ရက်အနည်းငယ်လိုသေးသော်လည်း အစေခံတွေက အနီရောင်ပိုးချည်ထည်တွေဖြင့် စံအိမ်တော်ကို အလှတွေဆင်ပြီး တံစက်မြိတ်အောက်က မီးပုံနီတွေကို အအသစ်လဲလှယ်ကာ အဝးကကြည့်ရင် ပွဲတော်ရှိတာနှင့်တူနေသည်။
မဒမ်အိုကြီးက မာမောမောဖြင့် အနီရောင်စာရွက်တွေ သွားဝယ်ခိုင်းခဲ့ပြီး မြေးတွေအကုန်လုံးကို သူမရဲ့အဆောင်ကို ဆင့်ခေါ်ကာ 福ဟူသော ချမ်းသာကြွယ်ဝခြင်း၊ ကံကောင်းခြင်းဟူသော လက်ရေးလှစာကို ရေးခိုင်းခဲ့သည်။
ယွီရှန်းရဲ့ လက်ဖဝါးတွေက အသားမာတက်နေတာကြောင့် သူမက ဘေးမှာထိုင်ကြည့်ဖို့ ဖိအားပေးခံခဲ့ရသည်။ သို့ပေမယ့် သူမက ငြိမ်ငြိမ်မနေပေ။ ထို့ကြောင့် လက်ညှိုးနှင့် လက်ခလယ်ကို သုံးကာ ယွီဖင်ယန်ရဲ့ ပုခုံးမှာ လမ်းလျှောက်သလိုသွားနေတာကြောင့် ယွီဖင်ယန်က ယားယံလာပြီးအနီရောင်စာရွက်ပေါ် မင်တွေ အများကြီးကျကာ လက်ရေးလှစာတွေ အများကြီး ပျက်စီးခဲ့လေသည်။
ယွီဖင်ယန်ရဲ့ သတိပေးသည့် အကြည့်စူးစူးကိုရလိုက်တော့ ယွီရှန်းက ပါးစပ်ကို လက်ဖြင့်အုပ်ကာ ခပ်ဖွဖွရယ်ခဲ့ပြီး တုတ်ထိုးချိုချဥ်ကိုယူကာ လျှာဖြင့် အထက်အောက် လျှက်ပြခဲ့လေသည်။ သူမရဲ့ စူးရှနေသည့်အကြည့်က ယွီဖင်ယန်ရဲ့နှုတ်ခမ်းကို ရန်စသလို ကြည့်နေခဲ့သည်။
ယွီဖင်ယန်ရဲ့ ဗိုက်အောက်ပိုင်းက ပူလောင်နေပြီး သူ့ရဲ့ မည်းနက်သည့်မျက်လုံးက ပိုမည်းနက်နေခဲ့သည်။ ဒီမြူဆွယ်နေသည့် ကလေးမကို ချိုချဥ်နှင့်အတူတူ မျိုချပစ်ချင်သည်။
