خرجات فيه عينيها بصدمة وقلبها تسارعو دقاتو وحسات براسها اتسخف، بغات تحرك ومال عليها كثر مانع حركتها ويدو مازال على فمها، قرب ليها وخشا وجههو فشعرها تايشم ريحتو لي توحشها وعينيه مغمضين تايستنشق بعمق كأنه كان مخنوق ولقا الهواء لي يتنفس، بقا شحال هاكاك تاحسها زيرات على راسها وتاتبعد منو وشي حاجة قطرات على يدو عرفها دموع، وهمس فوذنها ..
بدر : شش غانحيد يدي وماتغوتيش، غاتخلعي البنت والناس لي برا، ماتخافيش مني ماغانآذيكش، واخا حياتي؟
حركات ليه راسها بالايجاب وزول يدو ودفلات عليه ورمقاتو بنظرة كلها كره وحقد صابتو بمقتل ..
راندا : كي درتي لقيتينا هااا؟
بدر (غمض عينيه مزير عليهم ومسح وجهو) : رانداا
راندا : سكت ماتنطقش سميتي على فمك، سير فحالك لاش تابعنا تا لهنا هااا؟ ياك خويت ليك دارك وهزيت بنتي وراسي ومشيت فحااالي لاش مااازااال تابعناااا؟ واااش مازااال عندك الوجه توقف قدامي وتشوف ليا فعييينيا القتااااال
بدر : خفضي صوتك
راندا : هي لامشيتي فحااالك وفرقتيني عليييك، تانكرهك سمعتييييي مابقيتش حملتك ولا حملت الشوفة فييييك، دييير فيااا خييير وغبر من قداااااامي
بدر (بعصبية) : راندا ماتزيديش على مابيا وتكفريني بالمعقول .. وماتنسايش راك مرتي وحاملة بولدي وبلاصتك هي بلاصتي طيري ولا تنزلي، دخليها لراسك وفهميها حسن ليك
على صوت غواتهم تململات شيماء وفتحات عويناتها تاتحك فيهم وتفوه وتخسر سيفتها باغا تبكي، بدر شافها وخنزر فراندا وتايقوليها بعينيه شوفي شنو درتي وهي نخلاتو ودارت لعند بنتها بدات تحك ليها كريشتها وراسها وتوشوش ليها فوذنيها تارجعات نعسات، وبعدات منها بشويا حطات رجليها فالارض ويد على كرشها ولاخرى على أسفل ظهرها، وقفات قدامو وهو تايطلعها ويهبطها بشوق وحنين وماكرهش يضمها لصدرو باش يتأكد أنها فعلا واقفة قبالتو وقريبة منو إما هي ماحملاتوش باقي ومحاولة تخلي مسافة بينها وبينو كارها قربو .. وهوما فمواجهة بعض تشعل ضو البيت وشافو بجوجهم جهة الباب لقاو أم صفاء واقفة عليهم تاتشوف فبدر باستغراب ماعرفاتوش شكون وراندا عاد حققات فيه الشوفة وتعجبات من لباسو لي كان عبارة عن جلابة ثقيلة شمالية وطاگية فوق راسو أول مرة تشوفو بهاد الزي وواضح انه مخبي فيه ..
أم صفاء : بنتي راندا مالك؟ وشكون هادا هاا؟ علاش خرجتي من البيت وجيتي لهنا ماخفتيش
راندا : ا احم خالتي هادا هادا
بقات تمتم وماقدراتش تخرج كلمة راجلي وبدر عاق بيها وجاوب بلاصتها ضاغط على كل حرف من جملتو ..
بدر : هادا راجلها الحاجة
أم صفاء (بصدمة) : راجلهااا هأأ ه هي صافي ابنتي لقاونا ياااك هئهئ صااافي مشييينا فيييها (بدات تغوت) وااااا صفااااء واااا سعااااد واااانووووضو لاتنعسو ماتبقاو تنووووضو، نوووضووو نتسااامحو بعدااا قبل مانموووتووو نووووضو
بقات تنوح تا فيقات شيماء وجابت صفاء وسعاد مفزوعات وعينيهم مبوقين بالنعاس وشعرهم شاد الرادار دخلو لعندها مافاهمين والو تاشافو بدر عاد استوعبات صفاء قصدها وبلعات ريقها بخوف ولونها تخطف ورجعات ورا ظهر مها وعينيها عليه وهو حاضيها مصغر عينيه ..
صفاء : س سي ب بدر
بدر (ببرود) : باقا عاقلة عليا واخا تقابلنا غير مرة وحدة ماعندي مانتسالك
سعاد (بهمس) : ص صفاء و واش هادا هو راجل راندا ياااك هادا هو بنجلون هي صافي مشينا فيها لقانا وغايدير فينا مابغا
صفاء : م مانظنش اسعاد ت تسناي غانعرفو كلشي
تجاهلهم وقرب لعند شيماء لي مخشية فراندا خايفة وغير شافتو وهي تبدا تضحك وطارت لعندو هزها تايعنق ليها ويبوس وتاهي كذلك وراندا مخنزرة فيهم ..
شيماء : بابا
بدر : حبيبة باباها، ماتوحشتينيش هااا؟
شيماء (تاتحرك راسها) : اه اه
بدر : تانا ابنتي الغزالة ماغاتبقايش تغيبي عليا
راندا (بنفاذ صبر) : دابا طلقنا وقولينا كيفاش وصلتي لينا؟ باش عرفتي بلاصتنا وكي درتي دخلتي
بدر (باستهزاء) : راه داري هادي الالة
راندا (بدهشة) : كيفاش دارك؟ و ودوك رجال
بدر : رجالي
سعاد : ولكن هوما قالو لينا سفيان وسبع لي سيفطوهم
بدر : قالو هاكاك باش تمشيو معاهم بخاطركم بلا مشاكل
سعاد : وكيفاش عرفتي سفيان مشا للسبيطار؟
بدر : أنا لي قلتها ليه وجبتكم هنا حيت جمال وصل ليكم
سعاد : سفيان لي قاليك على بلاصتنا
بدر : لا، رجالي لي تبعوه وعرفوكم فين كاينين، كنت ناوي نراقب غير من بعيد حيت ظنيت بلاصة مؤمنة ولكن فاش عرفت جمال تاهو حاضيكم اضطريت نبدل ليكم القنت
راندا : هه تادوي بحال يلا نتا ماشاء الله عليك بريء وماداير والو وخاصنا نثيقو فيك، راك تاتحلم
بدر (بغضب) : لهلا يجعلك ثيقي
راندا (بالغوات) : اييوا سيير فحااالك ولا عرفتي شنووو حنااا لي غااانمشييييو وغانخلييو ليييك تا هاااااد دااااار
بدر : ايوا جربي نشوف، ماشي سكت مرة غانسكت تاهادي، ديري عقلك راه نموت ومانخليك باقي تغيبي على عيني لانتي لا ولااادي
راندا : ااااااااشمن ولاااااد هااا اااشمن ولاااد؟ واااحد هااهو فكرشي ولاخرين فييين؟ هااادي بنت عااااادل، عااادل لي كنتي سباااااب فمووووتووو كيفاااش غاتشوووف فوجهها نهااار تعرف الحقيييقة دوييي يااالاه باشمن وجه غاتقابلها فاش تقوليك حرمتيني من بابا ويتمتيني؟
أنت تقرأ
عشق البدر
Romanceقصة درامية بامتياز .. تحكي عن فتاة يتيمة عاشت المعاناة حتى دخل حياتها من أرجع النور لها أحبها دللها وعطف عليها قبل أن يفقد حياته في حادثة غريبة غامضة وترجع أرملة تعيش في ظلمة وتفقد الأمل من كل شيء فهل الأمل سيعود لحياتها من جديد؟؟ تابعو القصة لتجدو...
