လူသားသစ်စာ Translation Book 4 ( 401 - 500)

chapter 458 (z)

အခန်း  (၄၅၈)   :  ၁၀၈ ခုမြောက် ချီသွေးကြော

သုံးမျက်လုံး ချိုးဌက် ချန်ရစ်ခဲ့သည့် ကံကြမ္မာဆိုးထဲ ဆွဲသွင်းခံလိုက်ရသည့်အခါ မိုဝူကျီက ဂရုစိုက်ရန် ခံစားချက်အခြေအနေ မည်သို့ ရှိမည်နည်း။ သူက ဒေါသတကြီး လာနေသော မွှေးနက် ခြင်္သေ့ကိုပင် ဂရုမစိုက်မိချေ။

သူက ထိုသစ်သီးကို မျိုချပြီးသည်နှင့် ထိုအတွင်းမှ ဝိညာဉ်စွမ်းအားများက ဝရုန်းသုန်းကား ဖြစ်လာသည်။ သူက ဤဝိညာဉ်စွမ်းအား တချို့ထုတ်လွှင့်ရန် လိုအပ်နေသော်လည်း စွမ်းအားများက ခွေးရူးအလား သူ့ခန္ဓာကိုယ်ထဲမှ နေရာအနှံ့ ပြေးလွှားနေသည်။ မိုဝူကျီက ထိုစွမ်းအားများကို ဆွဲထုတ်ရန် အားစိုက်ထုတ်လိုက်ရပြီးနောက် ထိုစွမ်းအားများကို ကောင်းကင်အင်မော်တယ် အတားအဆီးဆီ ချိန်ရွယ်လိုက်သည်။

“ ဘုန်း ” တစ်ချက်တည်းဖြင့် မိုဝူကျီပေါ်မှ အချုပ်အနှောင်များမှာ ပြင်းပြင်းထန်ထန် တုန်ခါလာကြသည်။ တစ်ချိန်တည်းတွင် မိုးခြိမ်းသံက ကောင်းကင်အထက် ဖြစ်ပေါ်လာသည်။ ထို့နောက် ကလေး လက်သီးဆုပ်လောက် အရွယ်အစားရှိသည့် မိုးကြိုးဆယ်ချက်က သူ့အပေါ် ကျရောက်လာသည်။

မိုဝူကျီဆီ ခုန်ဝင်လာသော မွှေးနက် ခြင်္သေ့က ကြောက်မက်ဖွယ်  မိုးကြိုးလျှပ်စီးချက်များကြောင့် တုန်ယင်သွားကာ နောက်မြန်မြန် ဆုတ်လိုက်သည်။ မွေးနက် ခြင်္သေ့၏ ကျင့်ကြံဆင့်မှာ ကောင်းကင်အင်မော်တယ်အဆင့်နှင့် တူနေသော်လည်း ထိုသို့မျိုး မိုးကြိုးလျှပ်စီးချက်ကိုတော့ ရင်မဆိုင်ဝံ့ပေ။  သားရဲတစ်ကောင်အနေနှင့် ထိုကြောက်မက်ဖွယ် မိုးကြိုးလျှပ်စီးချက်ကို ထိဖို့ရာပင် ကြောက်ရွံ့လှပေသည်။

“ဘမ်း ဘမ်း ”

မိုးကြိုးလျှပ်စီးချက် ဆယ်ချက်ကျော်က မိုဝူကျီ ခန္ဓာအပေါ် ဆက်တိုက် ကျရောက်လာသည်။ မိုဝူကျီ၏ အရေပြားမှာ ချက်ချင်း ပေါက်ကွဲသွားပြီး သူ့အရိုးများပင် ကျိုးကြေကုန်သည်။

မိုဝူကျီ၏ စိတ်နှလုံးတွင်မူ အံ့ဩထူးဆန်းမှုများနှင့်သာ ပြည့်နေသည်။  သူက  မိုးကြိုးလျှပ်စီးချက်အတွင်းမှ အဆီအနှစ်များကို အမြဲ စုပ်ယူနိုင်စွမ်း ရှိသော်လည်း  ဤမိုးကြိုးစမ်းသပ်ချက်မှာ မြန်ဆန်ပြီး ကြောက်မက်ဖွယ် ကောင်းပေသည်။ သူက လျှပ်စီးအဆီအနှစ်များကို မစုပ်ယူနိုင်ခင် ပြင်းထန်စွာ ဒဏ်ရာရနေပြီးသား ဖြစ်၏။ ထို့အပြင် ဤသည်မှာ ပထမအကြိမ် မိုးကြိုးလျှပ်စီး  ကျရောက်ခြင်း ဖြစ်ရုံမျှ ဖြစ်သည်။