လူသားသစ္စာ ၃၅
အခန်း (၄၈၅) : မိုဝူကျီ၏ အလျော့မပေးမှု
အင်မော်တယ်လောက၏ ယင်ပြန့်မြို့မှာ အင်မော်တယ်တပိုင်းနယ်ပယ်မှ ရောက်လာသော ကောင်းကင်အင်မော်တယ်အဆင့် ကျင့်ကြံသူ တစ်အုပ်စုကြောင့် ပျက်စီးသွားလေပြီ။ သူတို့က ယုံရင်အစွန်းအဖျားနေရာမှ အင်မော်တယ်လောကဆီသို့ သွားသည့် ကူးသန်းရေး အစီအရင်ကို ဖျက်စီထားရုံသာမက သူတို့က ယုံရင်အစွန်းအဖျားနှင့် အင်မော်တယ်တပိုင်းနယ်ပယ် ချိတ်ဆက်ထားသော ကူးသန်းရေး အစီအရင်ကိုလည်း ဖွင့်ပေးခဲ့လိုက်သည်။
အင်မော်တယ်တပိုင်းနယ်ပယ်အတွင်း ပိတ်မိနေသော ကျင့်ကြံသူများစွာက ထိုအရာကြောင့် ယုံရင်အင်မော်တယ်အစွန်းအဖျားနေရာသို့ လာရန် အခွင့်အရေး ရသွားကြ၏။
လဝက်အတွင်း အင်မော်တယ်တပိုင်းနယ်ပယ်မှ ဤနေရာသို့ ရောက်လာသော မြေကမ္ဘာအင်မော်တယ်အဆင့် ကျင့်ကြံသူ အနည်းဆုံး တစ်သောင်းခန့် ရှိပေသည်။ ထိုကျင့်ကြ့သူများက အစီအရင်မှ ထွက်လာသည်နှင့် ယုံရင်အစွန်းအဖျားနေရာတိုင်း၌ ပျောက်ကွယ်သွားတော့သည်။
မိုဝူကျီ၏ စွမ်းအားကြောင့် အင်မော်တယ်တပိုင်းနယ်ပယ်မှ နောက်ထပ် မြေကမ္ဘာအင်မော်တယ်အဆင့် ကျင့်ကြံသူများ ရောက်လာလျှင်ပင် မည်သူကမျှ သူတို့ကို တားဆီးရဲမည် မဟုတ်ပေ။
အင်မော်တယ်လောကက ယုံရင်အစွန်းအဖျားနေရာသို့ ကူးသန်းရေး အစီအရင် အသစ် ဆောက်လုပ်ပြီးသည့်နောက် တစ်လကြာ သွားလေပြီ။ သို့သော်လည်း ထိုအချိန်တွင် အင်မော်တယ်တပိုင်းနယ်ပယ်မှ မြေကမ္ဘာအင်မော်တယ်အများစုမှာ ယုံရင်အစွန်းအဖျားသို့ ရောက်ရှိနေပြီ ဖြစ်သည်။
ယင်ပြန့်မြို့ကို ပြန်လည်ထူထောင်ပြီးနောက် အင်မော်တယ်လောကမှ ပေးအပ်လိုက်သည့် ပထမဆုံးတာဝန်မှာ မိုဝူကျီကို ဖမ်းဆီးရန် ဖြစ်၏။
ပြောရမည်ဆိုလျှင် အလိုရှိဖမ်းဝရမ်းမှာ ပြုလုပ်ခဲ့သည့် ကိစ္စထက် ပိုကြီးကျယ်နေလေသည်။ မိုဝူကျီ၏ ပုံတူများကို နေရာအနှံ့ ကပ်ထားသော်လည်း ကြိုးကြိုးစားစားဖြင့် မိုဝူကျီကို ဖမ်းဆီးကြမည့် ကျင့်ကြံသူ အရေအတွက်မှာ သုည ဖြစ်ပေသည်။ မိုဝူကျီသာ ယင်ပြန့်မြိုသို့ ပြန်မသွားပါက မည်သူကမှ မိုဝူကျီကို အရင်ဦးဆုံး သွားရှာဖို့ရာ ဦးနှောက်ချောင်မနေကြပေ။
ESTÁS LEYENDO
လူသားသစ္စာ Translation Book 4 ( 401 - 500)
Fantasíasequence of Book 3 ~~~ All credits given to original author