ငါ့ရဲ့စာမလိုက်နိုင်တဲ့ထိုင်ခုံဖော်က ဘယ်လိုနှစ်သိမ့်မှုမှမလိုအပ်ဘူး [ဘာသာပြန်]

အခန်း(၇)

Unicode

" မဟုတ်ဘူး...ဆရာ... "
ချောင်ရှောင်က သူပြောချင်တာကို ပြီးအောင်မပြောလိုက်ရဘူး၊ ဟော့ရှန်က ရှေ့တိုးလာပြီး သူ့လက်မောင်းကိုလှမ်းဆွဲနေပြီ၊
" သွားကြစို့ အတန်းဖော် "

ကောင်းတဲ့ကံကြမ္မာရောက်လာရင် စိတ်ကကောင်းကောင်းအလုပ်လုပ်တယ်၊ သူ့မျက်လုံးထဲက စနောက်မှုတွေကိုတွေ့ပြီး‌နောက် နောက်ဆုံးတော့ ချောင်ရှောင်က အမှန်တရားကို သိရှိသွားပြီ၊ ဘာနိုင်ငံတကာအတန်းလဲ! ဘာလော့ရှောင်းလဲ! ဘာအခန်းဖော်လဲ! တစ်ချိန်လုံး သူ့ထိုင်ခုံဖော် ဟော့ရှန်ဖြစ်နေခဲ့တာပဲ!

လူအိုကြီးထောင်းက သူတို့အဆင်ပြေတာကိုတွေ့တော့ ပြုံးပြီးပြောတယ်၊
" ဒါဆိုလည်း မင်းတို့ထိုင်ခုံကိုသွားကြတော့၊ အတန်းစတော့မယ် "

တိုက်ပွဲထဲက ဘဲ‌တစ်ကောင်ကဲ့သို့ ချောင်ရှောင်ဟာ သူ့ထိုင်ခုံဆီကို ချီတုံချတုံနဲ့ တရွေ့ရွေ့လျှောက်တယ်၊ ‌ဟော့ရှန်က နေရောင်ကိုကျောပေးပြီး သူ့ဘေးမှာထိုင်လျက် ပြုံးလိုက်ပြီး၊
" ချောင်ရှောင်? "

သူက 'ရှောင်' ကို ဒုတိယအသံနဲ့ အသံထွက်တယ်၊ ဘာကြောင့်လဲဆိုတော့ 'ချောင်' နဲ့ 'ရှောင်' နှစ်ခုလံုးရဲ့နောက်ဆုံးအသံက '‌အောင်' ဖြစ်ပြီး အဲ့ဒါကို အမြန်ပြောလိုက်တော့ ' ရှောင်ရှောင်' သို့မဟုတ် 'ချောင်ချောင်' ဆိုပြီး ကြားနေရသလိုပဲ။

ချောင်ရှောင်က သူ့ကိုမြန်မြန် အမှန်ပြင်ပေးလိုက်တယ်၊
" အဲ့ဒါက 'ရှောင်' ! "

ချောင်ရှောင်က ဒီကျောင်းဆန်ကုန်မြေလေးက တချို့အကြောင်းအရာတွေကို အမှန်တကယ်သိနေလိမ့်မယ်လို့ မျှော်လင့်မထားဘူး၊ ဟော့ရှန်က ပြောတယ်၊
" 'မင်းရဲ့အိမ်မက်တွေကို ကြိုးစားရုန်းကန်ပြီး ခမ်းနားကြီးကျယ်တဲ့လူငယ်ဘဝမှာ ကိုက်ညီအောင်နေပါ' အဲဒီ့က 'ရှောင်' မလား "

ဟုတ်တယ်၊ 'ရှောင်' ဆိုတဲ့စကားလုံးက တကယ်ပဲဒုတိယအသံနဲ့ အသံထွက်တာ၊ ဒါပေမယ့်...

ချောင်ရှောင် : " ငါတို့ဘက်မှာတော့ အကုန်လုံးက အဲ့ဒါကို စတုတ္ထအသံနဲ့ ဖတ်ကြတယ် "

ဒုတိယအသံက အလွန်လိုတာထက်ပိုပြီးတော့ ရှုပ်ထွေးတယ်၊ အဲ့နည်းနဲ့ဖတ်တာက သူ့နာမည်ကို မိမိကိုယ်ကိုယံုကြည်လွန်းကြောင်းပြနေတယ်။