အပိုင်း_209_ကျို့ရန်ရဲ့ဒေါသ
"ဒီလိုပြိုင်ပွဲမျိုးပေါ့... ငါက ဝင်ပြိုင်ဖို့ကံမပါဘူး"
လဲ့မင်ရှန်သက်ပြင်းချလိုက်တယ်... နောက်ဆုံးပြိုင်ပွဲမှာ သူလည်းဝင်ပါချင်ပေမယ့် သူ့ရဲ့သိုင်းဝိညာဉ်က လူအများနဲ့တိုက်ခိုက်ဖို့မသင့်တော်တာမို့ မပါဝင်ရပါဘူး။
မျိုးစေ့ပါဝင်သူချူးယွန်နဲ့အတူလက်တွဲဖို့က နတ်ဆိုးည ဒါမှမဟုတ် ဒူယုကွင်ပဲဖြစ်လိမ့်မယ်...
ကမ္ဘာမြေဝက်ဝံသိုင်းဝိညာဉ်က အင်အားအလွန်ကြီးမားတဲ့အတွက် တစ်ချိန်ထဲမှာပဲ ရန်သူပေါင်းများစွာရင်ဆိုင်ရရင်တောင် ပြဿနာရှိမှာမဟုတ်ဘူး။
ဒူယုကွင်ရဲ့ဓါးကအလွန်အစွမ်းထက်ပြီး အမြဲလိုလိုအပြောင်းလဲတွေနဲ့တိုက်ခိုက်တတ်လို့ လူအနည်းငယ်ကပဲ သူ့ကိုတိုက်ခိုက်နိုင်လိမ့်မယ်။
"နောက်ဆုံးတိုက်ပွဲကို ချူးယွန်နဲ့ဒူယုကွင်သွားရမယ်!"
ရဲရွှမ် စိတ်မဝင်စားဟန်နဲ့ပြောလိုက်တယ်။
"နောက်ပြီး စင်ပေါ်မှာနောက်ဆုံးရပ်နေနိုင်တဲ့လူက နင်တို့နှစ်ယောက်ပဲဖြစ်ရမယ်"
ရဲရွှမ်ရဲ့ လှပတဲ့မျက်လုံးလေးတွေက ကြည်လင်နေပြီး အခြားလူတွေရဲ့ တိုက်ခိုက်ချင်စိတ်အပြည့်နဲ့ဆူပွက်လာတဲ့သွေးတွေကို ထိန်းချုပ်မရနိုင်အောင် ဖြစ်စေတယ်။
တိတ်ဆိတ်စွာနေတဲ့ဒူယုကွင်က ရဲရွှမ်စကားကိုကြားတော့ တည်ကြည်စွာထရပ်ပြီးပြောလိုက်တယ်။
"ကျေးဇူးတင်ပါတယ်ဂိုဏ်းချုပ်... ကျွန်တော်အကောင်းဆုံးတိုက်ခိုက်မှာပါ! ဂိုဏ်းကိုမျက်နှာမပျက်စေရပါဘူး!"
ကုလားထိုင်ပေါ်မှာ ထိုင်နေတဲ့ချူးယွန်ရဲ့မျက်လုံးတွေက ဖြည်းညှင်းစွာဖွင့်လာခဲ့ပြီး ရယ်မောလိုက်ပြီလေ။
"အကုန်လုံးဝင်တိုက်ရမှာပေါ့... နောက်ဆုံးတော့ ကောင်းကင်ဂိုဏ်းနဲ့ရင်ဆိုင်ရဖို့ အချိန်ကျလာပြီ"
သူအချိန်အကြာကြီးထပ်မစောင့်နေနိုင်တော့ဘူး!
ကျို့ရန်က အရမ်းသန်မာနေတယ်ပေါ့?
ငါ့ကိုသူနဲ့တိုက်ခိုက်ခွင့်ပေးကြစမ်းပါ!
"ကျို့ရန်.... စင်ပေါ်ရောက်ရင် တီအန်တာအိုဂိုဏ်းနဲ့ ပဍိပက္ခမဖြစ်အောင် အတတ်နိုင်ဆုံးကြိုးစားပါ... ဒုတိယအဆင့်ကိုပဲ သေချာနေပါစေ"
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Actionအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
