အပိုင်း_233_နောက်ထပ်မိန်းကလေးတစ်ယောက်
ရွှမ်းဝူနယ်ပယ်ကို ယန်ရှောင်အဆင့်တက်သွားခြင်း!
ဒီသတင်းက မြန်ဆန်စွာပဲ အချိန်တိုအတွင်းမှာ အတွေးပုံရိပ်ဂိုဏ်းတစ်ခုလုံးကိုပျံ့နှံ့သွားခဲ့ပါပြီ။အဓိကတပည့်အားလုံးကလည်း ဒီသတင်းကိုသိရှိခဲ့ကြတယ်လေ။အလွန်ကိုမြန်ဆန်တဲ့ တိုးတက်နှုန်းကြောင့် လူတိုင်းအံ့အားသင့်ခဲ့ကြရပါတယ်!
လွန်ခဲ့တဲ့တစ်လလောက်က ယန်ရှောင်ဟာ စစ်မှန်သောစွမ်းအားနယ်ပယ်အဆင့်ကိုးမှာပဲရှိနေသေးတာပါ။တစ်လအတွင်းမှာပဲ စစ်မှန်သောစွမ်းအားနယ်ပယ်ကိုဖြတ်ကျော်သွားပြီး ရွှမ်းဝူနယ်ပယ်ကို ဘယ်လိုများချိုးဖြတ်ရောက်ရှိသွားခဲ့တာလဲ?
စစ်မှန်သောစွမ်းအားနယ်ပယ်ကနေ ရွှမ်းဝူနယ်ပယ်ကိုချိုးဖြတ်ဖို့ဆိုတာက ဘယ်လောက်တောင်ခက်ခဲမှန်း လူတိုင်းသိကြပါတယ်!
စုန့်ကျိုးကိုဥပမာထားရရင် သူဟာ စစ်မှန်သောစွမ်းအားနယ်ပယ်အဆင့်တစ်ဆယ်ကိုရောက်နေတာ တစ်နှစ်ကြာခဲ့ပါပြီ။စစ်မှန်သောစွမ်းအားနယ်ပယ်အဆင့်တစ်ဆယ်ရဲ့အထွပ်ထိပ်ကိုရောက်နေပေမယ့် ရွှမ်းဝူနယ်ပယ်ကိုမချိုးဖြတ်နိုင်သေးဘူးမဟုတ်လား!
ဂျူနီယာညီမလေးယန်က သူမရဲ့သန္ဓေပြောင်းသိုင်းဝိညာဉ်ကျောက်စိမ်းဇီသာကိုအသုံးပြုပြီး စစ်မှန်သောစွမ်းအားနယ်ပယ်ကိုကျော်ဖြတ်သွားခဲ့တာလား?!
ဒီနည်းနဲ့ပဲ သူမက ဂိုဏ်းထိပ်တန်းအဓိကတပည့်ငါးဦးထဲကိုဝင်ရောက်သွားခဲ့ပါပြီ။
အတိတ်အချိန်ကထဲက ထိပ်တန်းအဓိကတပည့်လေးယောက်က ရွှမ်းဝူနယ်ပယ်ကိုရောက်နေခဲ့ကြပြီး သူတို့ရဲ့အဆင့်တွေက အလွန်တည်ငြိမ်နေခဲ့ကြပါတယ်။ဒါပေမယ့် ငါးကနေတစ်ဆယ်အကြားလူတွေရဲ့ ခွန်အားကွာဟချက်ကတော့အလွန်သေးငယ်ကြတယ်။ရွှမ်းဝူနယ်ပယ်ကိုဘယ်သူပဲတက်ရောက်သွားပါစေ ထိုလူက ထိပ်တန်းအဓိကတပည့်အဆင့်ငါးနေရာကိုရယူနိုင်မှာပါ!
ဒီမတိုင်ခင်မှာတော့ စုန့်ကျိုးက အလားလာအကောင်းဆုံးပါပဲ။
ဒါပေမယ့် မထင်မရှားလူတစ်ယောက်က သူ့ကိုရိုက်နှက်သွားခဲ့ပြီး လဝက်လောက်အိပ်ယာထဲလဲခဲ့ရပါတယ်။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Actionအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
