အပိုင်း_392_ဗျူဟာပြောင်းမယ်
"တောင်တန်းမှောက်လှန်ခြင်းတံဆိပ်တော်!"
လက်ဝါးကြီးနှစ်ခု ထိပ်တိုက်တွေ့သွားပါတယ်။
"ဝုန်း!"
ကျယ်လောင်တဲ့အသံကြီးနဲ့အတူချူးယွန်ခန္ဓာကိုယ်က အနောက်ကို ပြင်းထန်စွာခုန်ထွက်သွားခဲ့ပါပြီ။
တန်းဇီရှန်း သူမလက်ကိုပြန်ရုတ်ရင်း အပြောင်းလဲမရှိတဲ့မျက်နှာနဲ့ ပြောလိုက်တယ်။
"လျို့ဝှတ်လက်ဝါးတံဆိပ်တော်က ငါနင့်ကိုပေးထားတဲ့သိုင်းပညာရပ်တစ်ခုပါ... ပြောရရင် ငါနင့်ထက်ပိုနားလည်တယ်!"
ချူးယွန် သူ့နှုတ်ခမ်းထောင့်ကသွေးကိုသုတ်ရင်း ရယ်မောကာ
"နောက်တစ်ခေါက်ပေါ့!"
"သမုဒ္ဒရာပြောင်းပြန်လှန်ခြင်းတံဆိပ်တော်!"
ချူးယွန် လက်ဝါးတစ်ချက်ရိုက်ထုတ်လိုက်ပြန်ပါပြီ။
တန်းဇီရှန်း သက်ပြင်းအသာချကာ သမုဒ္ဒရာပြောင်းပြန်လှန်ခြင်းတံဆိပ်တော်ကိုပဲ အသုံးပြုကာ ချူးယွန်ကို ပြန်လည်တိုက်ခိုက်လိုက်ပြီလေ။
ဒီလျို့ဝှတ်လက်ဝါးတံဆိပ်တော်က သူမအချိန်အတော်ကြာကထဲက လေ့ကျင့်ခဲ့တာပါ။ဒါကြောင့် ကျွမ်းကျင်ပိုင်နိုင်မှုမှာ ချူးယွန်က သူမနဲ့ မယှဉ်နိုင်ပါဘူး။
ကျင့်ကြံခြင်းမှာလည်း တန်းဇီရှန်းက သူ့ထက်ပိုမြင့်တာမို့ ချူးယွန်အနေနဲ့ ထိပ်တိုက်ရင်ဆိုင်မှုမှာ သူမကိုရှုံးနိမ့်မှုကြောင့် ရှက်ရွံ့မှုကို မခံစားမိပါဘူး။
"ဝုန်း!"
ပြင်းထန်စွာရိုက်ခတ်မှုကြောင့် ချူးယွန်ခန္ဓာကိုယ်က မြေကြီးထဲ နက်ရှိုင်းစွာ ကျွံ့ဝင်သွားခဲ့ပြီလေ။
တန်းဇီရှန်း သူမလက်ကိုလှုပ်ရှားကာ မှော်ပုလဲကို ချိုင့်ကျင်းထဲ ပျံသန်းသွားစေခဲ့ပါပြီ။
ခန်းမအတွင်းရှိ လူတိုင်းဒါကိုမြင်တော့ ထိတ်လန့်စွာအော်ဟစ်လိုက်ကြပါတယ်။
တန်းဇီရှန်းက တိုက်ခိုက်တဲ့အခါနောက်မဆုတ်ပဲ လှုပ်ရှားမှုတိုင်းက အလွန်ပြင်းထန်နေတယ်လေ။သူမက ရင်းနှီးတဲ့ဆက်ဆံရေးကို ဂရုမစိုက်ဘူးလား။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Actionအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
