အပိုင်း_275_ကောင်းကင်ကိုဆန့်ကျင်မယ့်ဓါး
သိပ်သည်းလွန်းတဲ့ ဝိညာဉ်စွမ်းအင်တွေကြောင့် ချူးယွန်ရဲ့ တိုးတက်မှုနှုန်းက အလွန်ကိုမြန်ဆန်နေခဲ့ပြီလေ။
စက္ကန့်အနည်းငယ်အတွင်းမှာပဲ စစ်မှန်သောစွမ်းအားနယ်ပယ်အဆင့်ခုနှစ် မှ အဆင့်ရှစ်ကို ချိုးဖြတ်သွားခဲ့ပါပြီ။
သန့်စင်တဲ့ဝိညာဉ်စွမ်းအင်က အတော်ကိုအစွမ်းထင်ကာ မျက်စိတစ်မှိတ်အတွင်းမှာပဲ ချူးယွန်ရဲ့တစ်ကိုယ်လုံးကိုပျံ့နှံ့သွားခဲ့ပါတယ်။ချူးယွန် သူ့ရဲ့စိတ်နှလုံးကိုပြင်ဆင်ထားပြီးဖြစ်ပေမယ့်လည်း လက်တွေ့ကြုံတွေ့ရချိန်မှာတော့ စိတ်လှုပ်ရှားနေမိဆဲပါပဲ...
ပြောရရင် ဒီနည်းလမ်းကို သူလုံးဝမျှော်လင့်မထားခဲ့ပါဘူး။
ဝိညာဉ်စွမ်းအင်စမ်းချောင်းမှာ သိပ်သည်းတဲ့ဝိညာဉ်စွမ်းအင်တွေအပြင် များပြားတဲ့စည်းချက်ညီမှုတွေရှိနေလို့ပါ။တစ်ယောက်ယောက်က ဒါကို စနစ်တကျနားလည်သွားတဲ့အခါ သူ့ရဲ့အတွေးအမြင်တွေက အဆင့်သစ်တစ်ခုကို တက်လှမ်းသွားနိုင်မယ့်ပုံရပါတယ်။
ချူးယွန် အသက်ပြင်းပြင်းရှုပြီး သူ့ရဲ့နှလုံးသားကိုတည်ငြိမ်စေကာ ဝိညာဉ်စွမ်းအင်နဲ့ သူ့ရဲ့ခန္ဓာကိုယ်ကို ဂရုတစိုက်ပေါင်းစပ်စေတယ်။
သိပ်သည်းတဲ့စွမ်းအင်တွေက သူ့ခေါင်းပေါ်မှာ တိမ်တွေအပေါ်ထိထိုးဖောက်နေပုံရတဲ့ ရေတံခွန်ကြီးတစ်ခုပေါ်လာခဲ့ပါပြီ။
ပြင်းထန်တဲ့ရေလှိုင်းတွေက ချူးယွန်ခေါင်းပေါ်ကိုကျဆင်းလာပြီးနောက် သူ့ခန္ဓာကိုယ်ထဲ စီးဝင်သွားခဲ့ကြပြီလေ။
ဒီလိုကျဆင်းလာတဲ့အကျိုးသက်ရောက်မှုက အလွန်ပြင်းထန်ကာ သာမန်စစ်သည်တွေ ခံနိုင်ရည်ရှိနိုင်တဲ့အရာမဟုတ်ပါဘူး။ဒါပေမယ့် ချူးယွန်က မန်ဂူမျိုးနွယ်စုမှာရှိစဉ်က ဒီလိုနည်းလမ်းတွေနဲ့လေ့ကျင့်ဖူးတာမို့ ဘာမှမဖြစ်တော့ဘူးလေ။
အခုချိန်မှာ ချူးယွန်က သူ့ကိုယ်ထဲမှာ ဝိညာဉ်စွမ်းအင်တွေနဲ့ ပြည့်နှက်နေပြီး ရွှမ်းဝူနယ်ပယ်ကျင့်ကြံသူတစ်ယောက်ကိုတောင် အလွယ်တကူရိုက်နှက်နိုင်သလို ခံစားနေရလို့ပါ။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Actionအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
