အပိုင်း_199_ငါဒီကိုမင်းအတွက်လာခဲ့တာ
ချူးယွန်လျှောက်လာတာမြင်တော့ မုရုံဆွန်းရဲ့နဖူးကြောတွေက တွန့်ကွေးသွားခဲ့တယ်။ဒီလိုအချိန်မျိုးမှာ သေခြင်းကိုမျှော်လင့်နေတဲ့ အခြားဂိုဏ်းတစ်ဂိုဏ်း ရှိနေလိမ့်မယ်လို့ ထင်မထားခဲ့ဘူး။
သူတို့ရဲ့ ကောင်းကင်ဂိုဏ်းကလွဲပြီး အခြားဘယ်ဂိုဏ်းကမှ ဝမ်ချန်းရင်ကို ရင်ဆိုင်နိုင်မှာမဟုတ်ပဲ လူဘယ်နှစ်ယောက်လွှတ်နေပါစေ ရှုံးနိမ့်မှုနဲ့ပဲရင်ဆိုင်ရလိမ့်မယ်။
"နောက်ထပ် ကံကောင်းမယ်လို့ မျှော်လင့်နေတဲ့လူတစ်ယောက်!"
မုရုံဆွန်းက ချူးယွန်ကိုသိပ်ပြီး အထင်မကြီးမိပါဘူး။
မုရုံဆွန်းဘက်ကကြည့်ရင်တော့ ချူးယွန်ဟာ ဝမ်ချန်းရင်အားနည်းနေတယ်ဆိုပြီး အခွင့်ကောင်းယူဖို့ကြိုးစားနေသူပါ။
ဒီလိုတွေးနေတာဆိုရင်တော့ အတော်ရယ်စရာကောင်းလိမ့်မယ်။
ဝမ်ချန်းရင်ရဲ့ အစစ်အမှန်ပုံစံက တကယ်ကြောက်စရာကောင်းနိုင်တယ်။
"ဂိုဏ်းချူပ် ဒီကောင်လေးကိုကြည့်ရတာ နဲနဲရင်းနှီးနေသလိုပဲ"
မုရုံဆွန်းအနောက်က နတ်ဆိုးဆန်တဲ့အော်ရာတွေထုတ်လွှတ်နေတဲ့ လူငယ်လေးက ပြောလိုက်တယ်။
"ကျွန်တော်တို့ ဒီကိုရောက်လာတော့ ရန်စခဲ့တဲ့လူတွေကို မှတ်မိသေးလား?"
"အေးကွ"
မုရုံဆွန်းရဲ့ နှုတ်ခမ်းထောင့်တွေက အနဲငယ်တွန့်ကွေးသွားကာ ပြောလိုက်တယ်။
"ဘယ်လောက်တောင်နှမြောစရာကောင်းလိုက်လဲ... မူလကတော့ ငါကိုယ်တိုင်သူ့ကိုသတ်ချင်နေတာ... အခုတော့ အဲလိုလုပ်ဖို့အခွင့်ရေးမရတော့ဘူးထင်ပါတယ်"
"ဒါက ဘာမှမဟုတ်ပါဘူး... ဒီလိုအမှိုက်မျိုးကို ကျွန်တော်တို့ကိုယ်တိုင်လုပ်စရာမလိုပါဘူး-
နတ်ဆိုးဆန်တဲ့ လူငယ်က ချူးယွန်ကို အလေးနက်မထားပဲ ပြောလိုက်တယ်။
"အင်း... သူ့ကိုသွားတိုက်ခိုက်တာက ကျွန်မတို့ကိုယ်ကိုယ် နိမ့်ကျစေတယ်"
လှပတဲ့ မိန်းမပျိုလေးက လူငယ်ရဲ့လက်မောင်းကိုဖက်တွယ်ပြီး ပြောလိုက်တယ်။
"စီနီယာအကိုကျို့... ရှင် ဝမ်ချန်းရင်ကိုရိုက်မှာ မဟုတ်လား"
KAMU SEDANG MEMBACA
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Aksiအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
