အပိုင်း_216_အာတီရှိုန်ရဲ့ဆွဲဆောင်မှု
"ရွှီ ရွှီ ရွှီ!"
ချူးယွန် ခေါင်းကိုအသာငဲ့ကြည့်လိုက်တော့ သူ့ညာဘက်လက်မောင်းပေါ်မှာ နဂါးပုံစံတက်တူးတစ်ခုရှိနေပြီး သေးငယ်တဲ့လျှပ်စီးလေးတွေကလည်း တလက်လက်တောက်ပနေလို့ပါ။ဒါကိုပဲ မိုးကြိုးနဂါးလျို့ဝှတ်ပုံစံလို့ခေါ်ပြီး သူ့ခန္ဓာကိုယ်နဲ့ အပြည့်အဝပေါင်းစည်းသွားပုံရကာ မိုးကြိုးစွမ်းအင်တွေကလည်း အချိန်မရွေးပေါက်ကွဲထွက်ပေါ်လာတော့မယ့်အလား....
"ငါ့ကိုကြိုးစားခွင့်ပြုပါ!"
ချူးယွန်မျက်လုံးတွေ တလတ်လတ်တောက်ပလာခဲ့ပါတယ်။သူ့လက်ငါးချောင်းကိုတင်းတင်းဆုပ်လို့ မိုးကြိုးနဂါးလျို့ဝှတ်ပုံစံကို အသက်သွင်းလိုက်ပြီလေ။ပြီးတာနဲ့ လက်သီးတစ်ချက်ထုတ်ဖော်လိုက်ပါပြီ။
"ဝြူး"
မိုးကြိုးနဂါးရဲ့လျို့ဝှတ်ဆန်းကျယ်တဲ့အက္ခရာလေးတွေက အပြာရောင်အလင်းတွေတောက်ပလာခဲ့ပြီး သူ့လက်မောင်းပေါ်ရှ်ိနဂါးတက်တူးကြီးက အသက်ဝင်နေကာ ရွှေ့လျားနေပုံထင်ရစေတယ်။
"ကလစ်!"
ထိုလက်သီးချက်ထဲမှာ သိပ်သည်းတဲ့လျှပ်စီးစွမ်းအင်တွေရောနှောပါဝင်နေလို့... လျှပ်စီးတန်းက ကောင်းကင်ကိုဖြတ်သန်းလို့ လေဟာနယ်ကိုဖြိုခွဲကာ ကြောက်မက်ဖွယ်အော်ရာကြီးတွေလည်း ပေါ်လာခဲ့ပါပြီ။
"အစွမ်းထက်လိုက်တာ!"
မိုးကြိုးနဂါးလျိူ့ဝှတ်ပုံစံရဲ့ ပံ့ပိုးမှုအောက်မှာ ချူးယွန်ရဲ့ တိုက်ခိုက်နိုင်စွမ်းက အလွန်အစွမ်းထက်လာပြီး သူ့မူလတိုက်ခိုက်နိုင်စွမ်းထက် နှစ်ဆယ်ရာခိုင်နှုန်းခန့် ပိုတိုးတက်လာသလို ခံစားလိုက်ရတယ်။
ဒီစွမ်းအားနှစ်ဆယ်ရာခိုင်နှုန်းကိုလည်း အထင်သေးလို့မရပါဘူး။ သာမန်ကျင့်ကြံသူတွေတောင် စွမ်းအားနှစ်ဆယ်ရာခိုင်နှုန်းခန့်တိုးပွားလာရင် အဆင့်တူကျင့်ကြံသူတွေကိုလွယ်ကူစွာအနိုင်ယူနိုင်လိမ့်မယ်.... ချူးယွန်လို အလွန်အမင်းအစွမ်းထက်သူအဖို့တော့ ဘယ်လောက်တောင်အစွမ်းထက်လာမယ်ဆိုတာ တွေးကြည့်လို့တောင်ရတယ်။
"အတွေးပုံရိပ်ဂိုဏ်းက အဆင့်မြင့်ဂိုဏ်းတစ်ခုပဲ... အတွင်းပိုင်းပြိုင်ဆိုင်မှုတွေက အလွန်ပြင်းထန်မှာသေချာတယ်။ငါ့ခွန်အားဒီထက်ပိုမြန်မြန်တိုးတက်နိုင်ဖို့လိုနေပြီ... သုံးလ၊ ငါ့မှာ အချိန်သုံးလပဲရှိတယ်!"
KAMU SEDANG MEMBACA
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Aksiအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
