تقدمت تناظرهم جالسين وتكلمت بخوف : شفيكم هنا ؟
رفعو روسهم وناظروها وتكلمت العنود : نجود تكفين ادخلي وطمنينا
نجود هزت راسها باستغراب وتكلمت عذبه : جدك اغمى عليه وهاذا هو داخل
نجود انصدمت : ايشش من متى؟
مشاري:من دقايق
هزت راسها نجود تتقدم وتطلع بطاقتها وتدخل
وجلسو ينتظرونها
وبعد دقايق طلع وناظرهم من فزو يوقفون وتقدمت العنود : وش فيه ؟
الدكتور : تعالو في المكتب
مشى يدخل مكتبه ودخلو معه وجلسو عذبه ومشاري
والعنود واقفه تناظره بتوتر وتكلم مشاري : ممكن تتكلم وتقول وش فيه ابوي
الدكتور : احنا سوينا اشاعه بس انتظرها بس ابي اسئل
هزو روسهم يناظرونه وكمل : كثير التفكير والتوتر ؟
استغربو يلفون يناظرون بعض وعقدت حواجبها العنود وتكلمت : من امس وهو يفكر كثير ومتوتر حتى مانام
الدكتور هز راسه : ارهق نفسه وجسده مارتاح بس فيه حاجه انا مو متأكد منها
سكت من دخلت النيرس معها الاشاعه وهز راسه ياخذها
ولف على النيرس وتكلم : والتحاليل ؟
النيرس : بكرا الصبح تطلع
ولف يناظرهم : بتكلم معاكم بكرا اذا طلعت نتائج التحاليل
العنود : وجدي
الدكتور : مارح نقدر نطلعه لازم يكون موجود
عذبه : نقدر نشوفه
هز راسه الدكتور
وتنهدت تطلع وطلعو مشاري وعذبه ولفت عليهم ومشت تدخل عنده
مشو معها ودخلو وكان متمدد عالسرير وناظرته تدمع عيونها وتقدمت تجلس وتناظره اول مره تشوفه متمدد على سرير المستشفى نايم مايحس بالي حوله مدت كفها تمسك كفه وهي تناظره بين دموعها و غمضت عيونها تسمح لدموعها تنزل و شدت على كفه من تذكرت جدتها قبل :
(( قبل سبع سنوات ))
تقدمت تدخل القصر وهي فرحانه واستقبلها راشد وتقدمت تحضنه وتكلم : ياهلا بخريجتنا
ابتسمت ترفع الشهادة: وخلصت الثنوي
راشد رفع يده ياخذ الشهادة وتكلم : بسوي لك حفل تخرج يتكلمون عنه كل الناس
ابتسمت تناظره وناظرها : بشرتي جدتك ؟
هزت راسها : بروح اقولها الحين
هز راسه وطلع جواله : اعزمي كل صحباتك فالحفله
هزت راسها تركض بفرح وتدخل الاصنصير وهي ترقص من الوناسه وطلعت لجناح جدها
وصلت وتقدمت تطلع منه وتدق باب الجناح محد رد
وفتحت الباب تطل وكانت جدتها على سجادتها وتصلي
وتقدمت تدخل وتجلس تنتظرها لفت من كبرت جدتها وسجدت ولفت تناظر شهادتها على ماتخلص جدها
انتظرت دقايق ولفت تناظر جدتها وكانت نفسها ماتحركت وعقدت حواجبها من كانت جامده مكانها حتى همسها الي دايم تسمعه ودعاها انقطع وقفت تتقدم عندها ورفعت يدها على كتف جدتها وتكلمت : جده
بعدت يدها بخوف من ماتحركت وجلست جنب جدتها ورفعت يدينها على كتوفها تقومها و طاحت على جنبها
خافت وحطت يدها على فمها وهي ترجف وتناظر جدتها طايحه قدامها ووجهها متغير لونه وقفت بخوف ونزلت دموعها تطلع تركض مع السلالم وتنادي جدها باعلى صوتها
نزل جواله ووقف يمشي لها بخوف ومسك كتوفها من وقفت قدامه تبكي وترجف وتكلم بخوف : وش فيك ؟
العنود اشرت على السلالم وتكلمت وهي تبكي : جدتي ماتتحرك وماترد علي
جمد مكانه يناظرها ويناظر دموعها ومشى يدخل الاصنصير ويطلع جناحه دخل وناظرها متمدده على سجادتها ومسك راسه يناظرها لف من اتصل جوالها وتقدم ياخذه وكان مشاري ورد يحطه على اذنه : يمه
راشد لف يناظرها مكانها وتكلم : جيب الاسعاف وتعالو
مشاري فز : يبه وش فيه ليه اسعاف
راشد : مافيه وقت بسرعه تعالو
وسكر جواله وطلع للعنود الي مكانها جالسه على الارض وتبكي
نزل يرفعها وحضنها يمشي بها وجلسو عالكنبه وعيونه دموع وتكلم وهو يمسح دموعه ويمسح على ظهرها : بس يابوي لاتتعبين نفسك
ماردت العنود وهي تبكي
ولف من تقدمت الخادمه تقوله ان الاسعاف برا ورد عليها : افتحي البوابه
طلعت تركض وطلع معها وتقدم عنده الممرض وتكلم راشد : تعالو معي
مشو مع راشد وطلع معهم الاصنصير ودخلهم الجناح وتقدمو يشيلونها قدام عيونه الي امتلت بالدموع
ونزلو ودخل مشاري يناظرهم بخوف وتكلم راشد : خذ العنود عند خالتها انا بروح مع امك
هز راسه مشاري وتقدم يهدي العنود واخذها يطلع
وراشد راح للمستشفى
