صقر ضرب كتفه : جبت سالفه ترا
ذيب رفع يدينه : يعني ليش انا يدوب متحمل الاثنبن هذول اخوان تبيني اسكت جنبهم
ابتسم صقر يناظره وناظر العمال من بدو يجيبون الابلك ويصفونه وتكلم : احسني ندمان
ذيب ضحك : اكيد تاتندم فالقها وانت تحبها
صقر عض شفته : اخخ لو احطها في راس راكان
ذيب : يكفي فقعت وجهة المهم اني ابي غرفتي قريب الباب عشان اذا طلعنى نفرفر انا وانت ارجع بسرعه ومحد يدري
صقر : تاتعرس تراك منت عزابي
ذيب : واجل انا متقبل الموضوع
وناظره وكمل : الي مريحني فتره وننفصل لانها مهب يمي يم هذاك ولد خالها ولو يدري هذاك جا وطلعها من هنا بس مايدري
صقر هز راسه وابتسم: طيب خلها يمك وتسحب على هذاك
طلع لسانه ذيب : ولو اجرب ماصارت انت من عقلك اختك الحضريه تاتناظر وجهي نمرها الي معها احلى مني
صقر رفع حواجبه : لا عاد انت تفرق انت مطيح بنات الديره عندك المفروض تشوف نفسك عليهم بس متواضع بسم الله عليك
هز راسه ذيب بتسليك : بسم الله علي
صقر ضرب كتفه بجد : ترا صادق وراك تسلك انت
ذيب : والله ودي اصدق بس مدري كيف
صقر اخذ نفس وناظر العامل من مر جنبهم ورفع يده يمسك معصمه ولف عليه العامل باستغراب وابتسم صقر يأشر على ذيب : كيف وجه نفر هاذا حلو ولا مافيه حلو ؟
ضحك العامل وتوتر يناظرهم وهز راسه : حلو
ضحك صقر يناظر ذيب : هـهـه حتى العامل خاق عليك
رفع يده ذيب : رح رح شف شغلك
راح العامل وتخصر صقر يناظر الغرفه من خلصو اول جدار فيها
جلس ذيب وجلس جنبه صقر ولفو من تكلمت مشاعل وهي تبكي : ذيب تكفى لا
عقد حواجبه يناظرها وناظر صقر الي يناظره باستغراب وصد بعدم اهتمام وتكلمت مشاعل : لاتصد وكنك ماتدري ذيب انت جالس تبني غرفتك مع هذيك وانا ابكي
ذيب رفع كتوفه : ارجعي بيتس ومالي شغل فيتس
مشاعل تقدمت عنده : تكفى لا لاتخليني
رفع يده صقر من تقدمت : ابعدي وراتس
مشاعل : انت الي ابعد اختك ذي من جت وهي مخربه حياتنا ودخلت بيني وبين ذيب
ذيب بعصبيه : محد خرب بيني وبينتس واصلن مافيه شي بيني وبينتس عشان يخرب اعقلي وارجعي بيت امتس
سكتت تناظره وتبكي ولفت من ناظرت العنود واقفه تناظرهم وتقدمت عندها بعصبيه: انتي السبب انتي روحي وخلينا تكفين روحي
ناظرتها العنود من تقدمت عندها ورفعت يدها عشان ماتقرب اكثر : لاتقربين جدك هو السبب مو انا
مشاعل تقدمت تهزها بعصبيه : انتي لنتس جيتي لو ماجيتي ماصار كذا
بعدت عنها العنود بعصبيه وتكلمت بكره : بزر انتي قلت مالي دخل روحي هاوشي جدك لاتهاوشيني انا
سكتت تناظرها مشاعل بين دموعها
وبعدت عنها العنود وراحت تركض لبيت امها
ناظرتها العنود باشمئزاز وهي رايحه ورفعت كم عباتها تناظر الدموع الي فيه ونفضته
رفعت راسها تناظرهم يناظرونها وتقدمت عندهم وهي عاقده حواجبها وتكلم صقر : تعودي تاتشوفين نفس الاشكال هاذي كثير
العنود بقرف : اخلص من جدكم جتني ذي الله يقرفها
مسح خشمه صقر يناظر ذيب وناظرها : وش جابتس ؟
العنود : ابوي يقول شوفي غرفتك كيف تبينها وجيت لان مابي تكون جحر نمله
ذيب : جحر نمله !
هزت راسها تناظر الغرفه وهي تنبني : ابيها كبيره م
كمل صقر عنها : ماتحب الضيقه وتحب الوسيعه
ناظره ذيب وهزت راسها بابتسامه : صح عليك
صقر : وغرفتس الي عندنا ؟
ميلت شفايفها تناظرهم : بحط شوُتوُ فيها
ناظروها بصدمه وتكلم صقر : من هذا بعد ؟
العنود : نمري
فتحو عيونهم بذهول يناظرون بعض وتكلم ذيب : مسميته
صقر هز راسه : مثلك انت مسمي ناقتك وقفت على نمر
ذيب ابتسم: راحت هيبت النمر
ضحك صقر يناظره ولف على العنود : عرفنا ليه ماتخافين منه ماعنده هيبه
تكتفت العنود تناظره : تبون افكه عليكم عشان تشوفون هيبته
هزو روسهم بانفي وتكلمو بصوت واحد : لا لا
لفت تناظر البنا وناظرتهم ولفت ترجع
سكتو يناظرون بعض وناظروها من راحت وتكلم ذيب : اجل تاتصير يمي هاذي عادي عندها تفك علي نمرها مدري وش اسمه
صقر : اسمه شوُتوُ
ذيب فك يده : ترا ابصفقك كف لاتلوي لسانك نفسها
صقر وقف يصفق ويضحك : حلللللووو صرت نفسها تعطي كفوف
ناظره ذيب بصدمه وهمس يشوفه طالع يركض : الحمدالله والشكر
فز من شطفته الزبيريه وعقد حواجبه يوقف وناظر ابوه وعمه وجده والباقين جايين ورفع يدينه : وش فيكم ؟
عقاب بغضب : يالخسيس انت ماتستحي
سكت يناظرهم معصبين وناظر صقر الي تقدم عنده وهز راسه : وشفيهم ؟
رفع اكتافه صقر : مدري جيتهم قابين
صد من تقدم عنده جده يضربه بعصاته وناظره بألم : وش سويت ؟
عقاب وهو يضرب ذيب بغضب : عرسك بعد يومين ورايح تعتدي على بنت عمتك انت متى تعقل متى اتربى
ناظروه ذيب وصقر بصدمه وتقدم صقر ياخذ العصا من جده : دقيقه نبي نفهم وش السالفه
عقاب بغضب : وش نفهم وش تقول سودتو وجهي عند الناس
لف يناظر مشاعل الي حاضنتها زينب وتكلم بغضب : تعديت على بنت عمتك وعرسك بعد يومين
ناظره ذيب وتكلم بذهول وصدمه وكره : من ؟!! ...
زينب بعصبيه : لاتسوي نفسك بري كلنا ندري انك تحب مشاعل وميت عليها ومعصب عشان جدك زوجك من بنت قايد
ذيب بعصبيه وكره : تخسى وتعقب ماحبها ولا ادانيها ولا قربت صوبها وانا من الصبح وانا هنا وصقر معي
صقر : معه من طلعنا من عندكم ماراح لاي محل
عقاب بغضب : جتنا ماعليها مايسترها تبكبك وتقول انك اعتديت عليها
ذيب بعصبيه: قسم بالله ماجيتها
لف عقاب يناظر مشاعل الي توترت من ناظروها وتكلمت الجده سلمى بعصبيه : UV مشاعل
ناظرتها مشاعل بخرشه وكملت الجده سلمى : صح الي قلتيه
سكتت تناظرهم وهي ترجف وفزت من صرخت شيخه : اهرجي
ذيب بعصبيه: واضحه لانها كذابة وتبي تبتليني بشي مهو فيني
زينب بعصبيه : بنتي مهب كذابه
ومسحت ظهر مشاعل : اهرجي لاتخافين
سكتت ثواني تناظرهم بفجعه وعيون تدمع وصرخ ذيب : اهرجي وقولي انتس كذابه
سكتت مشاعل وتقدم عقاب يصفقها كف وطاحت تبكي وتكلمت بصراخ : ايه انا كذابه مابيكم تزوجونه لاني احبه
انصدمو يناظرونها منهاره وتكلم ذيب بعصبيه : شفتو شفتو وجايين بشركم علي ارتحتو الحين المفروض تعرفون انها تكذب وماتجوني مصدقينها انا مدري ليه ربي حطني بينكم وبين مشاكلكم
طلع من عندهم وهو معصب وتقدم عقاب يضرب مشاعل بعصاته والكل يناظرها بكره وحقد وراحت شيخه وراء ذيب : ذيب يمه وقف وين رايح
مارد ذيب الي ركب الوانيت وطلع برا الديره
ورجعت شيخه ل مشاعل وقالت بحقد وعصبيه : ماتسلمين من دعاوي حسبي الله عليتس ولدي راح وجنونه معه والله لن صار له شي ماخليتس
مسكت راسها تبكي وتناظر حاكم : حاكم تكفى رح وراه لايحتال في نفسه ولدك معاد ييقدر يتحمل اكثر
مسح ظرها حاكم يهديها : ارتاحي يبنت الحلال ماصاير له شي
صقر ناظر شيخه وتكلم : هدي يعمه ابروح اشوفه انا
هزت راسها شيخه تناظره رايح ومسكت راسها تسكر اذانها وتدخل عن صوت مشاعل الي تصايح من ضرب عقاب وامها والباقين مصدومين يناظرونها كيف قدرو يصدقونها ويزعلون ذيب الي كلهم عارفين ان الحركات ذي ماتجي عليه كيف صدقوها ؟!!
