امنه ناظرت نجود الي تناظرها باستغراب وابتسمت : سامحني دخلت فوجيهتسن المهم انا امنه مهجدة السرابيت واعرف كل كبيره وصغيره في الديره
ابتسمو بخفوت يناظرونها وكملت : اي احد يذيتسن ولا يطول لسانه بس نادني واجي اغسل شراعه
لفت نجود تناظر العنود الي ناظرتها وهزت راسها وهي تناظر امنه
مسكو روسهم يناظرون امنه جالسه معهم وتكلمت عاليه : تكفون لاتفشلنى معهم
سلمى بصدمه : امنه ماتخلي حركاتها
ترف وهي تناظرهم : الله يستر واضح من وجيهن منغثات منها
ريم : جيبن السماعه عشان تقوم من عندهن
ترف : هذا حنا نشبكها فالجوال
ولفت على ريم : روحي انتي لانها تحبتس اسحبيها من عندهن
هزت راسها ريم وتقدمت عندهم
لفو من تقدمت ريم بابتسامة : امنه قومي معي خليهن يتقهون
وقفت امنه تروح مع ريم وهمست العنود لنجود : مايحتاج اجيب البوديقارد الي عندي موجوده ذي اسمن منه
ضحكت نجود تناظرها وهمست : اشكالهم غريبه
لفو من تكلمت ساره : يبنات وين الردح ؟
هزت راسها سلمى : دقيقه بس ونبداء
لفو من تكلمت ام عساف : سلوم انا خليني اخر وحده مافيني حيل اقوم الحين
ضحكت سلمى الي واقفه عند السماعه وترف عندها وهمست : ابركها من ساعه
كزتها ترف تضحك وتكلمت : من يبداء ؟
رفعت يدها ام زاهيه وقامت وقامت وراها بنتها لفت على بنتها وقامت تمسحها وتحصنها وتكلمت زينب : مايحتاج تحصنين ماجايها شي
عطتها نظره ام زاهيه وصدت تروح عند سلمى وهمست : حطي لي الشيله الي ارقصت عليها حصاصه الاسبوع الي راح
سلمى : وانا وش يعرفني راحت مع الشيلات اختاري جديده
ام زاهيه وقفت تفكر وتكلمت : اكتبي اكتبي شيلة مدح
هزت راسها سلمى تكتب ومن بعده بحث وطلعت لها عدت شيلات وناظرت ام زاهيه الي تكلمت : اييه حطي هاذي ام خصر
حطتها سلمى وبدت الشيله وتقدمت ام زاهيه مع بنتها زاهيه ترقص وتجاكر الباقيات واغلب الموجودين يشجعون
لفت عليهم ريم وهمست : ضعيفه تحسب خصرها نفس خصر الي فالشيله
سلمى ضحكت : وتجاكر هي وبنتها
سكتو يناظرونهم وفتحو عيونهم بصدمه من امسكت ام زاهيه يد بنتها ورفعتها تدورها
لفو يناظرون العنود ونجود الي يناظرون ام زاهيه ويضحكون ومسكو روسهم بفشله وتقدمت عاليه تقدم فالشيله عشان تخلص وبعد ثواني خلصت وجلست ام زاهيه وزاهيه جنبها وهي ماتشوف من الدوخه
وفزت زينب وتكلمت : سلمى حطي لي شيله
هزت راسها سلمى ونزلت نظرها للجوال وتكلمت ترف : تكفون لاتقلد ام زاهيه
ريم : الضعيفات ذبحهن الضحك
لفو يناظرون العنود ونجود الي يمسحون دموعهم
وضحكت سلمى : ماينلامن والله
لفو من اشتغلت الشيله واشرت زينب على بنتها وفزت معها مشاعل وقامو الثنتين يرقصون ويجاكرون والباقين يشجعون وكله مجامله
وبعد دقايق طويله من الرقص والفرح تقدمت ساره عند العنود ونجود : قومن ارقصن
هزو روسهم وتكلمت نجود : لا مشكوره مانبي
ساره بأصرار : كل نن فالمجلس رقص الا انتن يالله بس قومن
لفت على سلمى الي تناظرها وتكلمت : حطي لهن شيله
لفت من تكلمت العنود : انا بحط لاتحطين
هزت راسها ساره و لفت نجود تناظر العنود الي غمزت لها وابتسمت تسكت ووقفت العنود تروح عند سلمى والبنات
وقفت تناظرهم يناظرونها وابتسمت ترفع يدها ومدت سلمى الجوال لها واخذته العنود تبحث وبعد ثواني نزلت الجوال ولفت على نجود الي تناظرها وهزت راسها وقامت معها نجود
لفو من اشتغلت الاغنيه وعقدو حواجبهم البنات يناظرون الجوال ولفو يناظرون العنود ونجود الي بدو يرقصون
وناظرو الحريم الي يناظرونهم وبتدقيق
لفت تناظر العنود بابتسامه ورفعت صوتها تغني مع الاغنيه وتتمايل : لا لا وجنيه ابو سيفين للي يجيبه
ضحكت العنود تناظرها وتتمايل وتغني مع الاغنيه : لا لا يالخيزرانه بالهواء ميلوكي ، لا لا وان ميلوكي مالت الروح معاكي
ابتسمو يناظرون بعض ويرقصون ويغنون مع اميمه طالب
وبعد دقايق انتهت الاغنيه ورجعو يجلسون اماكنهم والكل يناظرهم بصدمه
طفت الجوال من همست عاليه : يجننون ورقصهن ياخذ العقل
ترف : احفظي الاغنيه ي سلمى
هزت راسها سلمى ولفت تناظر البنات الي يناظرون العنود ونجود وهمست : شفيكم تناظرونهم
ريم : اتركيهن وشوفي الحريم بياكلنهن بعيونهن
سلمى ناظرتهم ومسكت راسها : الخطاطيب يترتبون
ضحكت ريم : يعني هذلي بياخذن من سرابيت الديره على قولت امنه
سلمى بضحكه : يبطون ياخذن وحده منهن
ريم ضحكت : باقي عاليه وشادن مارقصن
شادن : هونت ماعاد ابي ارقص
عاليه بحزن : ليتنا رقصنى قبلهن
شادن هزت راسها تناظرهم ورفعت صوتها سلمى : احد يبايرقص
سكتو ومحد رد وفهمت سلمى تطفي الجوال والسماعه
ورجعو يجتمعون يتقهوون ويسولفون
لفت تناظرهم وكانو لوحدهم ومحد حولهم ولفت على البنات وهمست : روحن اجلسن عندهن
لفو يناظرونهم البنات ووقفو يتقدمون يجلسون مع العنود ونجود الي ناظروهم ولفو من تكلمت امنه : ابعدن ابجلس معتسن
شادن : الله يهديتس معاد فيه محل اللتس
سلمى : وسعو الها
جلست امنه ولفو من تقدمو مشاعل وزاهيه وحصاصه واريج وباقي بنات الديره
لفت تناظر وشافت نوره وسحاب جالسين وتكلمت : عطوني الدله وفناجيل
فزو سحاب ونوره يجيبون الدله والفناجيل وبعد ماخذتهم ريم تقدمت تبوسهم وراحو ولفت تصب لها وللبنات قهوه رفعو روسهم من تكلمت مهره وهي متخصره : بناتي مهن خدم عندتس
ناظروها واقفه فوقهم وتكلمت ريم بترد ومدت يدها سلمى تسكتها وتكلمت بعصبيه : فارقي
ناظرتها مهره وعصبت تمشي من عندهم وهمست امنه : مارجعتي ان شاء الله
لفت عليها اريج بصدمه وابتسمت امنه تناظرها وسكتت
لفو يناظرون البنات وكانو ساكتين يناظرون بعض وتكلمت عاليه بتفتح سالفه : وش انجازاتكم في الخمس ايام الي راحت ؟
امنه بكل برود : صفقت عقاب
لفو يناظرونها بصدمه وناظرتهم وضحكت : استهبل معتسن
ارتاحو البنات وقالت حصاصه : صدقتس لانها تجي عليتس
زاهيه بتنهيده : اهه ودي يامون تصفقين الي فبالي
لفو يناظرونها وتكلمت مشاعل بضحكه : صفقتس اصلن
العنود باستغراب : هذي هوايه ولا وراثه
ناظروها وضحكت ريم : زرت عليتسن البنت احسن تستاهلن
ضحكت سلمى ترد على العنود : تقدرين تقولين وراثه ف الكل
شادن : بس ماورثتيها انتي
هزت راسها العنود بابتسامه: الحمدالله
سكتو ثواني ولفو من تكلمن نجود وهي تناظر زاهيه : ايش الي ف جبينك ؟
ناظرتهم زاهيه من ناظروها وهزت راسها تناظر مشاعل المبتسمه : طحت وانفقش راسي
نجود حطت يدها على فمها بخوف : انفقش !!؟
زاهيه : متعودين يبنت الحلال ننفقش ونحط عويدي ويخف
سكتت نجود تناظر جرحها وتكلمت اريج : انتي وش اسمتس ؟
ناظرتها نجود وابتسمت: نجود
سلمى : نجود والعنود فيه شبه
هزو روسهم وتكلمت نجود : نودي توأمي فرق بينا يوم
ريم : حتى الاطباع نفس بعض
ابتسمت العنود تناظر نجود وتكلمت : من كثر ماحبها كانها نصفي الثاني
ابتسمت نجود تناظر العنود ورفعت يدينها تحضنها وضحكت من مدت يدها العنود تدغدغها ولفو من تكلمت عاليه وهي تناظرهم : صدق توأم مو كانه
مشاعل ناظرت العنود وتكلمت : انتي عند جدتس عايشه احسن من هالعيشه ليه جيتي
ناظرتها العنود ولفو يناظرون مشاعل وناظرو العنود الي ساكته وتناظرها وتكلمت نجود بعصبيه : ايش هالكلام انتي لسانك متبري منك ؟
مشاعل رفعت اكتافها : ماقصدي شي بس كان جلستو عند جدكم احسن الكم والنا
لفت نجود تناظر العنود الي تناظر مشاعل ومدت يدها تمسك يد العنود وتشد عليها لانها بتنهار وهاذا مو الوقت المناسب وقفت وناظرت العنود الي جالسه وتكلمت :
وقفت وناظرت العنود الي جالسه وتكلمت : نودي قومي معي
رمشت العنود توقف مع نجود وتطلع
ولفو البنات على مشاعل وتكلمت ريم بعصبيه : انتي مهبوله قومتيهن
مشاعل رفعت اكتافها بعدم اهتمام : ماقلت شي غلط
سلمى : انتي وش دخلتس فيهن يجون ولا يجلسون
امنه بعصبيه : انتي ماتستحين يام السان البنت زعلت
مشاعل وهي تتقهواء: وانا وش علي منها اروح اراضيها يعني
لفو من تقدمت ساره وتكلمت : نبى نجيب العشى وين العنود ونجود ؟
ترف : قامو يدخلون وشكلهم طلعو
ساره بصدمه : وليه ؟
عاليه : يمه مشاعل قالت لهم ليه جيتو كان جلستو مع جدتسن وزعلو وقامو
ساره مسكت راسها بصدمه تناظر مشاعل : جدهن ميت يخبله يجلسن عند من ؟
سكتو البنات بصدمه وهم تو يعرفون بوفات راشد ولفت ساره تدخل تدور العنود ونجود
الي لبسو عبياتهم وتقدمو يفتحون الباب يطلعون لبيت قايد ووقفو من سمعو صوت ساره تناديهم لفو عليها ووقفت تناظرهم : تعالن تعشن لاتروحن
هزت راسها العنود بالنفي وتكلمت نجود : مانبغى
سكتت تناظرهم ساره وطلعو يمشون لبيت قايد
تقدمت تفتح الباب وانفتح ورفعت راسها تشوف صقر وذيب طالعين ناظروهم باستغراب وعقد حواجبه صقر من ناظر العنود وشاف عيونها تدمع وناظر نجود الي وراها وتناظرهم وتكلم صقر : وشفيتس ؟
سكتت العنود تدخل ودخلت وراها نجود ولف يناظر ذيب الي يناظره باستغراب وتكلم : شكلهم اذوها
رفع اكتافه صقر وطلع يسكر الباب ومشى وذيب معه جهة الدكه وكانو كل شباب الديره مجتمعين فيها وشابين النار يشوون تقدمو يناظرونهم ورفع يدينه. ذيب يتلطم بشماغه عشان الدخان وتكلم نياف وهو يأشر : تعال هنا مايجيك
تقدم ذيب يجلس وتكى على المركا يناظرهم ولف من جلس جنبه عساف وصد يتكى على الجهة الثانيه جنب نياف لفو من تكلم راضي : عسيف عد عندك جب العود
وقف عساف يجيب العود وهمس صقر : عاقل اليوم
ابتسمو يناظرونه من عدا وتكلم ذيب وهو يناظر صقر : طلبتك تجي مكانه
فز صقر يجلس مكان عساف وثواني ولفو من تكلم عساف : مكاني قم
صقر : السعه وسيعه اجلس هناك انا ابي هنا
ناصر : تعال وش تبي فيهم اقعد جنبي
سكت عساف يناظر صقر بعصبيه وتقدم يجلس جنب ناصر وتكلم وضحك صقر ولف من بدا راضي يعزف وناظرهم : من تبون ؟
عساف بضحكه : ترا ماتعرفون غير ابو نوره وسفر
راضي ناظره بكره : اسكت ماسئلتك
لف يناظر الباقين وتكلم ذيب ومد يده : عطني فيه اغنيه فراسي بقولها
هز راسه راضي يعطيه العود وتربع ذيب يضبط العود ونزل اللثمه عن وجهة وبداء يعزف :
عيونك آخر آمالي وليلي اطول من اليم
كيف القى كلام عذب يوصف دافي احساسي
ابتسمو العيال يجلسون يصفقون ورجع ذيب يعيد الابيات الاولى وفز راضي يجلس جنبه ويردد وراه :
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ما سالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيك كثر رمل اليم
وابيك تكوني فوق الناس وابي ماينحني راسي
ضحك يناظرهم يصفرون وتكلم ظافر وهو يضحك : انا من كثر ماحبك ابيك كثر رمل اليم وابيك تكون فوق الناس وابي ماينحنى راسي
صحك ذيب يناظره وتكلم سيف : هذي اول مره نسمعها من وين جبتها ؟
ذيب : ابد طلعت لي فالجوال واعجبتني وسمعتها لين حفظتها
ضاحي : تعجبني كفو عليك احفظ وتعال سمعنا
هز راسه ذيب وتكلم عساف : طيب غن قصت ظفايرها
ناظروه باستغراب وتكلم جلال : وشهي هاذي ؟
عساف ناظرهم : اغنيه
راضي هز راسه وناظر ذيب : مانعرفها
عساف سكت يناظرهم وتكلم صقر : غن الي تعرفه طيب
تكلى ذيب يفكر وسكتو العيال يناظرونه ووقف ظافر يشوف الجمر وتكلم : عيال زينتو اللحم ؟
صالح وراكان وسيف هزو روسهم وقامو يحطون اللحم على الجبر وبعد ماحطوه وخلصو لفو من بداء ذيب يعزف ورجعو يجلسون وابتسمو من بداء: ايام كنا غشم ياما تكلفنا
ندور رضاك مهما تخلف العاده
واليوم ابشرك ياسيدي تعلمنا
بدلت ثوب الحزن بفراش و وساده
ابتسم يناظرهم ويعزف ورفع صوته : خلاص من حبكم يازين عزلنا ، ماعاد لي في هواكم شف او راده
واللي شبكنا معاك يازين يخلصنا
يكفيني الي حصل ماستحمل زيادة
دور على غيرنا وبلاش تتعبنا
من يطلب البعد حنا ندور ابعاده
سكت من رفع صوته راضي يكمل :
أول رغبناك يوم كنت راغبنا
في شرع الاجواد كل يطلب مراده
أيام كنا غشم ياما تكلمنا
ندور رضاك مهما كلف أبعاده
واليوم أبشرك يا سيدي تعلمنا
بدلنا نوم الحزن بفراش ووسادة
وَوَلْتْ ليالي السهد كم كانت تسهرنا
وعاد الكرى للعين يا حلو بزيادة
الله يوفقك واحنا الله يوفقنا
الناس واجد وكم في الحب حساده.
خلص وفك العود ورجع ظهره لوراء يناظرهم بابتسامه
يصفقون وضحك من ضرب رجله نياف بضحكه : ياقدمها وش ذكركيها
ذيب رفع كتوفه : طرت على البال
راضي وهو يناظره : ماشاءالله عليك
وناظرهم : تدرون متى اخر مره سمعتها ؟
هزو روسهم وكمل : ماذكر والله بس زمان ايام المتوسط يوم ابو ظافر حاطها نغمه فجواله هاذي اخر مره سمعتها
وبعدها انقطعت
ضحكو وناظره ظافر وضحك : اما ابوي لا يابن الحلال ماتجي عليه
راضي ضرب الارض بيده : والله انه حاطها نغمه ورح اسئله وشف وش يقول
ظافر : ابوي دوب يذكر عشاه البارح وش يبا يذكر قبل سبع سنين
صقر بابتسامه : يمكن يذكر
رفع اكتافه ظافر ولفو من سمعو صوت ذيب وعقدو حواجبهم يناظرون عساف الي ارتبك وتوتر وهو يناظرهم والجوال بيده وتكلم ذيب بعصبيه : هات الجوال
هز راسه عساف وتكلم : وش تبي ؟
ذيب وقف يتقدم عنده : مصورني جب الجوال اقول ماتفهم انت
ناصر فز اخذ الجوال وانحاش وتكلم ذيب بعصبيه : ناصر يارخمه هات الجوال
مارد ناصر وهو يركض وفزو ريان وراضي يركضون وراء ناصر وتقدم عساف بينحاش ومسكه صقر من ياقته : لعانه يعني لعانه
عساف عرق وقلب وجهة احمر وتكلم بخوف وهو يناظر ذيب وصقر ونياف وصالح الي واقفين قدامه معصبين وتكلم : والله مالي دخل هو الي قال صور بجوالك لان جواله طافي
صقر رفع يده يصفقه وتكلم : وانت ورع تسمع كلامه
تقدم نياف يبعد صقر عنه وتكلم : تقلع ولاتشوفك عيني تفهم
هز راسه عساف وطلع ولفو على ذيب الي ماسك راسه يناظر السماء وهمس : حسبي الله عليكم يالرخوم.
نياف وهو يمشي : انا ابروح وراء العيال واشوف مسكوه ولا
مشو معه ذيب وصقر ولف صالح يناظر ظافر وجلال وضاحي وفارس وتكلم : ابروح معهم انتبهو ل الاغراض
هزو روسهم يناظرونه وطلع يركض وراهم
يركض فالظلام ويتلفت وره وصقعت رجله في حصاه وطاح على وجهه واشتغل الجوال
مشو وهم ياخذون نفس ووقفو يناظرونه نزل راضي واخذ الجوال يفتح الفلاش عليه وكان ظام رجوله بألم وعاقد حواجبه فتح عيونه من حس بالنور عليه وتكلم راضي : مسوي تاتنحاش يالرخمه
جلس ناصر يتفقد رجله وتقدم ريان يوقف وراه ونزل راضي بالفلاش على رجله وعقد حواجبه بألم يناظر اظفر ابهام رجله منخلع وينزف ولف على ناصر وتكلم : وش استفدت الحين هذا انت تحصلتها
لف من سمع اصوات العيال ورفع الفلاش عليهم وتخصرو يناظرون ناصر ورجله وتكلم ذيب : هات الجوال
عطاه الجوال راضي واخذه ذيب يكسره وتكلم ناصر برفعة صوت : جوال عساف
ذيب وهو يكسره بعصبيه : والعنه فيك انت وعساف
سكت ناصر يناظره وتقدم ذيب يركل ناصر برجله وتكلم : عاقبتوني لاذيتكم ولا قربت حولكم ولزقتو فيني. اذبحكم وارتاح ؟
تقدمو العيال يمسكون ذيب ووقف ناصر وتكلم نياف بعصبيه : قم انقلع
لف ناصر يروح وهو يعرج واخذ نفس ذيب بصعوبه يجلس يناظره رايح : الله ياخذكم
رفع يده من انكتم يطلع بخاخه حق الربو يبخ في فمه ووقفو العيال يناظرونه وبعد ثواني ناظرهم ووقف ينفض ثوبه عن الغبار ومشى ومشو معه راجعين للدكه
