هزت راسها شادن تناظر الشوارع الواسعه بابتسامه
وتكلمت العنود تناظر ذيب : توديني القصر واحشني
هز راسه ذيب : نوصلهم ونوديتس
هزت راسها تسمع جواله يتصل واخذه يرد ويحطه سبيكر من تكلمت العنود : ساهر نزل الجوال
نزل الجوال على فخذه يرد وهو يناظر الطريق : هلا
قايد : ترا خبرتهم يقولون بنريح اول والعصر نروح ل عمي
عقد حواجبه يناظر سياراتهم الي هدت تنتظره يتعداهم : وين ؟
قايد : العنود سامحه يريحون عندها ؟
عضت شفتها العنود تسمعه وناظرتهم ثواني وهزت راسها : مافيه مشكله
هز راسه قايد وتقدم ذيب يمشي قدامهم والعنود تدله لانه قال انه ناسي الخط
دقايق قليله ووصلو ووقف ذيب قدام البوابه يدق بوري
ثواني وطلع الحارس وفتحت الدريشه العنود تأشر له
وفهم وراح يركض وفتح البوابه
ودخل ذيب ودخلو وراه
وقف في المواقف ونزل يتمغط ونزلت العنود بعده وهي مبتسمه ومشتاقه لقصرها كثير
لفت تشوفهم وقفو في المواقف ولفت من رفع صوتها صمود بفرحه : اخيراً جيتي
ضحكت العنود تسلم عليها وتسلم على الباقيات وتكلمت صمود بزعل : معؤل كدا تنسينا وتروحي
هزت راسها العنود : حبيبتي مانسيتك انا اتصل كل يوم ورواتبكم توصلكم وعليها زياده
ميلت شفايفها صمود بزعل وابتسمت العنود تحضنها : تعرفين مشتاقه لك ولأكلك اللذيذ والدليل وانا هناك اطلب تسوين لي
هزت راسها صمود برضاء : ولاني اعرف اسوي لك
ابتسمت العنود وعقدت حواجبها صمود : معؤل طلع لك كرش من اكلي منتي بتاكلي عندي مايطلع لك كرش
هزت راسها العنود تمسح بطنها : بيبي
فتحت عيونها صمود بصدمه : وربك
هزت راسها العنود وصرخت صمود تمسك وجهها وضحكت العنود تشوف ردة فعلها وتكلمت صمود : ياحبيبة اللبي انتي
ابتسمت العنود من حضنتها وكملت صمود تناظر ذيب : يكفي ماشفتها من اخر مره وهي معاك ومن اليوم حتبقي عندي ومش طالعه لحد ماتولد
ابتسم ذيب يهز راسه : اذا تنتبهين لها ابشري
ابتسمت تناظره و لفت تشوفهم واقفين يناظرونها ولفت على صمود : من جاك امس
صمود : اجت خالتك وبنتها مي قالت تبي مكتب ابوها وطلعت
هزت راسها العنود باستغراب : تمام مافيه مشكله الحين ابي غرفة الضيوف تجهز عشان يرتاحون والمجلس كمان
هزت راسها صمود تأشر على عيونها وناظرت ذيب : خليك معها
هز راسها ذيب يشوف العنود الي تناظرهم : شفيكم علي اليوم ؟
ضحكت صمود تدخل وابتسمت العنود تلف عليهم وتأشر لهم : ارتاحو هنا لين تجهز الغرف
تقدمو حاكم والجده سلمى ورزان وشيخه وشادن وزينب وعيالها وساره وبناتها وريم والجازي وضاحي وحاكم الصغير وخواته يجلسون وهم يناظرون القصر والحديقه بذهول وصدمه وتكلمت الجده سلمى : يامي هذا بيتس ؟
هزت راسها العنود : اي بيتي
هزت راسها الجده سلمى وهي مصدومه من الجمال والفخامه نفسهم وتجمعت اسئله كثير في بالها بس تحس بفشله اذا كثرت واكتفت بتأكيد العنود انه بيتها
لفت تشوف العيال واقفين اماكنهم وضحكت : مهي اول مره تجون شفيكم ارتاحو
هز راسه فارس : قولي ان نمرتس مهب فيه عشان ارتاح
سيف وهو يمس ظهره : خلك من النمر انا رجوالي تكسرت ابجلس بس فيه واحداً هناك يخزنا اعوذ بالله من عيونه واخاف اتحرك ويهبدني من عنده
لفت تشوف وين يأشر وعقدت حواجبها من تقدم عندها مصطفى ومعاه ٣ من البوديقارد وهزت راسها من وقفو : شفيه ؟
مصطفى : طال عمرك لك سنه مارحتي للمزرعه وخالك مشاري عارضها في مزاد يقول ماتبينها صحيح؟
عقدت حواجبها العنود تناظره : لا مو صحيح متى هالكلام ؟
مصطفى : من يومين
هزت راسها العنود : بكلمه روح للمزرعه ولاتخلي ابن امه يدخلها وش صار عن الحلال الي فيها ؟
البوديقارد الثاني : نفس ماتبين كله تمام بس القصه في المزاد الي امس بادين فيه
هزت راسها العنود تطلع جوالها : اتفاهم معه روحو شوفو الي قلته
هزو روسهم يلفون ووقف بوديقارد يناظر سيف الي توتر منه وتكلم : ياخي انت علامك والله ماخذت شي من قصرها
ابتسم البوديقارد يهز راسه وهو يناظر خرشته وتكلم : الموضوع في حجمك مهو طبيعي
عقد حواجبه سيف يشوفه راح
وضحكو العيال يشوفون ملامحه وناظرهم سيف : وش يقصد ؟
العنود وهي تنتظر رد من خالها : يقصد انك نتفه يعني قصير ونحيف
سيف هز راسه يجلس براحه : اشوا منه هو لو يمسك كتفي علقني في الماصوره هاذي بيد وحده وبدون مساعده من اي احد
ضحكو الباقين يشوفونه عرق من الخرشه ولفو من تكلمت العنود الي تمشي في الممرات الي بين الزرع : مالك حق تنفذ شي وهي بأسمي
اخذت نفس تسمعه يتكلم عن غيابها : طيب انا ماقلت ببيعها ولعلمك انا رجعت للرياض ولشغلي وحلالي ومعاد بروح
سكتت تسمعه يبرر وتكلمت : حلالك براحتك فيه انا مارح ابيع لا المزرعه ولا القصر واتمنى معاد تتدخل
لفت تشوف نجود داخله من البوابه بسيارتها وهزت راسها من قال بيسحب الي سواه : ممكن ماتسوي شي بدون علمي ، تمام مع السلامه
نزلت جوالها من ارتاحت ولفت على نجود الي تركض لها من المواقف وابتسمت تفتح ذراعها وحضنتها تسلم عليها وتسمع هواش نجود الي ماخبرتها من اول وارسلت لها وقت دخلو القصر
ثواني وبعدت تسلم على البنات والباقين وهي تقول : نورتو
والباقين يردون
لفو من تكلمت صمود : المجلس جهز تقدرون تدخلون
وغرفة الحريم كمان جهزت
هزت راسها نجود بحزن تناظر العنود : شفتي مايمدي اجلس بيروحون يرتاحون
العنود هزت راسها : لاحقه الحين بقولك سالفه وخليهم يرتاحون لانك بتجلسين معهم شوي بعد
هزت راسها نجود وتكلمت العنود : ذيب دلهم على المجلس
هز راسه ذيب : هذا الي مستحيل انسا خطه
ضحكت العنود تهز راسها وتقدم يهمس : بس ماني بجالس عندهم
هزت راسها العنود وتقدم يروح معهم ودخلت العنود تشوف صمود تدلهم على المجلس وهم يناظرون داخل القصر بصدمه ماتوقعو بيكون احلى من برا
سكتو يشوفون الاصنصير ولفو من تكلمت صمود الي توترت من نظراتهم : تفضلو ارتاحو
هزو روسهم يشوفون المجلس الكبير الي محاوط بالكنب والطاولات الي تتوزع والصور الي تزين الحائط وفرشهم الي مصففه وهمست الجده سلمى : جدها يوم راح خلا لها قصور وعز يسكر حلوق الناس مايلقون عليها كلمه شينه
شيخه : ماشاءالله
سكتو ينزلون عبياتهم ويرتاحون من الخط وطوله
وتعب السياره
