هزت راسها العنود تنزل دلع : متعوده عليه مايكسر
نزل راشد في فراشه : ابسكر البيبان واتصرف مع كعبتس
طلع ذيب وميلت شفايفها العنود تدري انه عصب منه ونزلت عباتها تناظر كعبها وكان مره طويل وعضت شفتها لان طوله مو واضح وهي بالعباه والحين لو يشوفه زين بيعصب زياده
عضت شفتها تعدل شعرها وتحاول تحصل حل يخليه يهجد وينسا
ولفت من دخل ونزل شماغه على الطاوله يناظر كعبها وتخصر : الحين لو تفركشتي وتكسرتي وش تاتستفيدين من هالدبوس
ضحكت العنود من تشبيهه وتقدمت عنده : الدبوس ذا خلاني طويله وطولك
ذيب رفع حواجبه : وتضحك والله ان الشبشب احسن منه وبعدين انتي تشيلين راشد ودلع ماخفتي عليهم
العنود بهدواء : شفيك قلت لك متعوده عليه
ذيب هز راسه : انا عارف ماخفتي على نفستس منه كيف اتخافين على عيالتس
العنود : يعني انت الحين خايف على عيالك وماخفت علي
ذيب : مهب كذا انا وش قلت في البدايه خفت يطرحتس وتكسرين منه
العنود بدلع : معقوله اتكسر وتروح كل هالكشخه والجمال عنك
ذيب تنهد : وانا عارف عشان كذا مبيه يروح عني
عضت شفتها العنود تتقدم ورفعت يدينها على كتوفه : شفت كيف صرت طولك
عض شفته ذيب يحاوط خصرها : نفعني بس في هاذي
ضحكت العنود تضرب كتفه واخذ نفس ذيب يتأملها : يابوي والله اني خايف عليتس منه لاتلوميني
هزت راسها العنود بدلع : اذا ماخفت علي تخاف على من ؟
عض شفته ذيب يناظرها وابتسمت العنود تعرف انه نسا السالفه ونزلت يدينها تفتح يدينه وتبعد : عيالنا على قولتك نيام شرايك ننام بعد
ناظرها ذيب بطرف عين : وش المقصد من كل الي سويتيه ؟
رفعت اكتافها العنود بتمثيل عدم المعرفه ورفع حواجبه ذيب يتقدم يوقف وراها وناظرته العنود من المرايه وهمس ذيب : تحسبيني مدري
ميلت شفايفها العنود تناظره وتكلم ذيب يبوس كتفها : بنام عشان مانتأخر بكره
هزت راسها العنود ورفع يده ذيب يفتح سحاب فستانها من اشرت له ومشت العنود تغير فستانها ببجامه ونزل ثوبه ذيب يتمدد يتعب وماطولت العنود تمسح الميك اب وتنزل طقمها وتمددت تنام
عقد حواجبه يشوف ريم يادوب تمشي وتقدم يساعدها وركبت جنبها الجازي ومشى يشغل السياره وتكلمت الجازي : يابوي ودنا المستشفى من العصر وهي ماهي طيبه
رفع حواجبه صقر يدعس بنزين وهو متوتر وبعد دقايق وقف وتكلمت الجازي : مرينا من هنا ثلاث مرات وراء ماوقفت
صقر وهو يرجف : يخاله ازريت اعرف المحل من التوتر ضيعت
نزل صقر للطوارى ونادا الممرضين وطلعو ياخذون ريم الي ماسكه ظهرها وتتنهد ٠
وفثواني اختفت عن انظارهم وجلست الجازي ماسكه راسها وتدعي وطلع صقر يسئل عن ريم ووين اخذوها
وردت عليه الممرضه : دخلوها غرفة العمليات
رفع حواجبه صقر بصدمه : ليه ؟
الممرضه : ولاده
فتح عيونه صقر بصدمه وراحت الممرضه ولف راجع للجازي وجلس جنبها يسمعها تدعي وتكلم بهدواء : قالت انها بتولد من متى وهي تعبانه ؟
الجازي : من العصر وهي تتألم واسئلها وتقول يايمه نفس امس وقبله مغص
سكت صقر يناظر الفراغ وتكتف ينتظر
