رجعت لغرفتها بعد ماراحو سلمى وهادي بعد الغداء وحست انهم تعبانين ويبون يقيلون
سكرت الباب بعدها واخذت نفس تناظر الغرفه وتقدمت تفتح الدريشه وجلست تناظر الديره والبيوت ( دريشتها تطل على الديره ومافي بعدها حاجز ) ناظرت الاولاد الي يلعبون كوره وابتسمت بخفيف استندت بكتفها على الجدار تناظرهم وتفكر في :
وقت كانت بعمر ١٤ سنه كانو مجتمعين ف مزرعة جدها
لفو من ركل مصعب الكوره جهتهم وفزو جمان والعنود ياخذونها لفو من قامو عادل وعايض في صف مصعب ولفت العنود : نجود تعالي معنا
ناظرتهم نجود وضحكت : ماعرف
جمان : تعالي بس حارس انتي
وقفت نجود وناظرت العيال وتكلمت : بشويش لاتركلون بقوه
هزو روسهم العيال ووقفت نجود حارس ولفت جمان تركل الكوره على العنود والعيال يحاولون ياخذون الكوره منهم ونفس الشي مع العيال لفو من وقف معم راشد وأشر للعنود تركل الكوره له وابتسمت تعطيه
ابتسمو يناظرونه يلعب معهم وكملو لعب وبعد ثواني
تعبت ووقفت تاخذ نفس وناظرت الكوره من جتها و ركلت الكوره جهت جمان وزلقت وطاحت
ناظروها من طاحت وتقدمت نجود بخوف تقومها : تعورتي
كشرت العنود بألم تفتح عن ساقها
تقدم راشد يجلس عندها وناظر ساقها المجروح ولفو من تجمعو خديجه وعذبه بخوف
سكتت العنود تناظر الجرح وجلست خديجه تفتح الاسعافات تعقمه وتكلمت : ماتصلح لكم الكوره متى تفهمون
العنود : كنا بنفوز عليهم بس طحت
راشد : وطيحتك شينه يابوي لو انكسرت رجلك مانتي مستفيده شي
مصعب : لالا الغلط مهو منا لاتحطونها علينا
راشد : اسكت بس
ناظره مصعب بصدمه وضحكو الباقين يناظرون ملامحه ووقف راشد والعنود متمسكه فيه ومشو معها يرجعون يجلسون
اخذت نفس تناظر الولد الي طاح وتجمعو عليه الاولاد يقومونه
دخل الغرفه وناظرها متكيه تناظرهم ودمعتها على خدها عقد حواجبه وتقدم يجلس وناظرها : وراتس
لفت عليه بلعت ريقها تمسح دمعتها وهزت راسها : ولا شي
لف يناظر الدريشه وناظر الاولاد الي مجتمعين ولف يناظرها ثواني وتكلم بهدواء : تقدرين تفضفضين
ناظرته وصدت تناظر الدريشه ثواني وبلعت ريقها تهمس : اشتقت لهم
ناظرها ورجعت تتكلم : اشتقت لجمعتنا ولعبنا ووناستنا
عض شفته يناظرها ولف يناظر الدريشه وتكلم : روحي لهم
لفت عليه وتكلم يناظر دموعها : منتي مجبوره تجلسين في مكان ماتبينه ارجعي لهم
العنود بهدواء هزت راسها : بس مجبوره انفذ وصية جدي
عقد حواجبه من تذكر ونزل نظره ليدينها الي ترجف وشاده عليها ورفع نظره عليها : طيب ليه خايفه ؟
ناظرته ونزلت نظرها ليدينها وسكتت
اخذ نفس ومد يده ليدينها وشد عليها وناظرها من ناظرته ثواني وصدت وهمس يناظرها : لاتخافين وينتصر عقاب علينا
ناظرته من جمع نفسه معها ب علينا وكمل : ارجعي لقوتس الي جيتي بها عقاب يبينا نخاف عشان يصير اقواء وحنى لازم نقواء عشان مايصير اقواء منا
اخذت نفس تناظره وهمست : مارح اقدر عليه لوحدي وانت بعد اسبوع بتروح وبجلس انا
سكت يناظرها من فهم انها تقصد وضيفته وتكلم : بعد اسبوع يمدي نشتغل عليه لين اروح
عقدت حواجبها تناظره بعدم فهم وهمست : نشتغل عليه !؟
ابتسم ذيب من ملامحها وتكلم ويده عند راسه : نجننه ابي يوم اروح مافيه عقل
ضحكت تناظره وتكلمت : وليه نجننه انا ابي انتقم وهو صاحي
هز راسه وكمل يناظر من الدريشه : لازم ينهبل عشان تخلصين انتقامتس منه
سكتت تناظره وميلت شفايفها وناظرها وكمل : في الوقت الي بروح فيه انتي روحي لبيتس لانه اذا شافتس اللحالتس يبى يجننتس هو
هزت راسها العنود : لا بجلس مارح اروح ويحطني خوافه عشانك مو موجود
ذيب : انا اقولتس الحين عشان يصير عندتس خبر
هزت راسها بالنفي بتكرار وسكتت
وقف يفتح دولابه وناظر فساتينها المعلقه بين ثيابه ومد يده ياخذ ثوب ناظر الي طاح في الدولاب وراء ثوبه وانحنى يرفعه وكان فستانها الاحمر سكت ثواني يناظر الفستان ونزل ياخذ المعلاق ويركب الفستان فيه ويرجع يعلقه
اخد ثوبه وسكر الدولاب ولف عليها وناظرها تناظره ومبتسمه وتكلمت من لف عليها : طلبت يجيبون دولاب ثاني ورفضو واضظريت اعلق فساتيني هنا
هز راسه يدخل الحمام
فتح المويه وتقدم تحتها وبدت المويه تغطي جسمه بالكامل
ابتسم يرفع راسه ويترك المويه على وجهة
بعد عن المويه ياخذ نفس وهو مستغرب من دقات قلبه السريعه كتم نفسه وناظر صدره من سمع دقات قلبه طالعه
اخذ نفس يرجع للمويه ويحاول يهدي قلبه وهو مبتسم ويحاول يبعد الابتسامه ومو قادر غصب عنه يبتسم وغصب عنه يتوتر من دقات قلبه الي متأكد ان كل من فالديره يسمعونها هز راسه يبعد شكلها بالفستان الاحمر عن عقله ورفع يدينه يفرك راسه من ماقدر ينسا شكلها
