وتقلد صوت سميره : تنتظرهم يجون عشان تسلم ويروحون لبيتهم وقالت قولي للخدم يجيبون قهوه
ضحكت جيهان من تقليدها وتكلمت نوف : تكفين انتي ارحم منها
ضحكت ود وتكلمت جيهان : شصار اولا ؟
ود فزت تتعدل وناظرتهم : ماقلت لكم كلم باتل وجدي وجو واخذو الموافقه
نوف صرخت : من جدك ؟
هزت راسها ود وقامو جيهان ونوف يحضنونها وتكلمت : بنات مره متوتره منه وشايله هم بروده الي يغثني
جيهان : معليك يتعدل تدرين احسه حليو
ود ميلت شفايفها بابتسامه : تبين الصدق هو حليو
نوف وجيهان ابتسمو يناظرون ملامحها وعضت شفتها ود ترجع شعرها وراء اذنها بحيا ومدت يدها تضرب كتوفهم : خيييييرر بنات
ضحكو جيهان ونوف وقامت ود تاخذ طرحتها وطلعت
ناظرت بيتهم ومشت داخله وتلفتت ماحصلت احد وطلعت للدور الثاني تدور شادن وفتحت غرفتها وعضت شفتها تشوفها ضلام وتأكدت انها نايمه وطلعت ترقى لغرفة ريم وطلعت لها اريج وابتسمت ود بهدواء: اروج حبيبتي وين ريم ؟
اريج : عند امها
عضت شفتها ود من تذكرت ان ريم ماتقدر ترقى الدرج وانهى باخر شهرها وناظرت اريج : وانتي مشغوله ؟
اريج هزت راسها : اي والله اني مشغوله بس امري وش بغيتي ؟
ود : لا بس طفشانه وابي اقعد معكم ودامك مشغوله بروح مابي اعطلك
هزت راسها اريج ونزلت ود عضت اصبعها تناظر غرف العيال ولفت تناظر غرف البنات وناظرت مشاعل الي توها طالعه وابتسمت بهدواء تناظرها وتكلمت مشاعل وهي تحك راسها : وراتس هنيا ؟
ود : جيت ابي شادن وطلعتي لي
مشاعل هزت راسها : في غرفتها شادن
مشت مشاعل نازله ورجعت ود تعض اصبعها وهي يدها تاكلها وتبي شي بس ماتدري وشو
بعدت اصبعها تفركه وعضت شفتها تناظر الغرف قدامها وهمست بهدواء : ايت غرفته ؟
لفت من سمعت صوت مشاعل تقول لها : يبنت انتي انهبلتي وش تسوين هنا وتهرجين نفستس ؟
ود بلعت ريقها بتوتر : وراك انتي مافيني شي بس عمتي سلمى قالت لي جيبي كيس من غرفة نياف وانا مدري ايات غرفته
مشاعل لفت تناظر الغرف وأشرت : غرفة نياف هاذي
هزت راسها ود تناظر الغرفه ولفت على مشاعل من تثاوبت تحك راسها وكشرت ود من حركاتها وناظرتها لين دخلت غرفتها وسكرت الباب
ومشت بهدواء لغرفة نياف فتحت الباب تدخل وشافت النور طافي ورفعت يدها تفتح النور وارتاحت من شافت ماحد فيه وسكرت الباب بهدواء تدخل ناظرت الفراشين الموجوده واستغربت ولفت تشوف الغتر الي مرتبه على الطاوله والعطور الي عندها وناظرت دهن العود الي مفكوك وتقدمت تسكره ومررت يدها بهدواء للغتر السوداء والبيضاء وهي
تعرف انها له وناظرت الطاوله مافيه غتره حمراء وتذكرت وقت قالو لها البنات انه مايلبس شماغ احمر وكل شمغه ملونه
صرخت تسكر عيونها من انفتح الباب ولفت بسرعه
عقد حواجبه يناظر الي واقفه ومن لفت عليه ابتسم وتقدم يسكر الباب
عضت شفتها ترف تحط طرحتها على راسها وتناظره ولفت تناظر الغرفه ورفعت حواجبها من استوعبت انها فغرفته
وبلعت ريقها من سكر الباب وتكلمت بتوتر : بطلع
عض شفته يناظر عضتها لشفايفها وتقدم يدخل يدينه في جيوبه ويتقدم لها وناظر طاولته وغتره وعطوره الي وراها وتكلم : وش تسوين عند اغراضي ؟
لفت ود تشوف اغراضه ولفت عليه : ولا شي بس خالتي سلمى ارسلتني اجيب غرض
رفع حواجبه نياف يوقف قدامها وتكلم : ارسلتس !
هزت راسها ود بتوتر وتقدم اكثر : والله ارسلتس ؟
عقدت حواجبها تشوفه يقرب وهزت راسها : منت مصدقني ؟
هز راسه نياف ببرود : ماتخش مزاجي هالقصه
ود بقهر رفعت يدها تدفه : ياخي حتى في ذي بارد عط ردة فعل طيب سو شي
نياف رفع حواجبه ورفع يده يمسك يدها : طيب بسوي شي
فتحت عيونها تناظره بصدمه وتكلمت تهز راسها : لا لا ماقصدي كذا بس يقهرني برودك للمواضيع
نياف ميل شفايفه : المفروض اليوم اشوفتس بس ابوي رفض ولحسن حظي شفتس
فتحت عيونها ود تستوعب انها كاشفه ورفعت طرحتها على وجهها وضحك نياف يرفع يده يشيل غطاها وتكلم : خليتس كذا احلا
عضت شفتها ود وتكلم نياف يأشر على شفايفها : ماجاب موتي الا ذي
رفعت يدها تغطي شفايفها وتتكلم : بعد بطلع
هز راسه نياف بالنفي يأشر على مكان ضربتها : ماتطلعين الا معدله غلطتس
ود : والله ماكان قصدي يالله بعد بطلع
هز راسه بالنفي وتكلمت بقل صبر : سرعه بيفقدوني تحت
نياف : ليه مافكرتي قبل تجين هنا ؟
ود بسرعه : ماكنتو موجودين
نياف ابتسم : يعني جدتس مارسلتس
عضت شفتها ود تستوعب توترها وكلامها الي ملخبط وعض شفته نياف يناظر شفايفها : مو بصالحك اذا عدتيها
فتحت عيونها تغطي فمها وتكلمت تشوفه محاصرها : نياف تكفى بعد والله بتصير مشكله
نياف ببرود : حقي وباخذه
ود بذهول : مو وقت برودك بعد تكفى
تنهد نياف يهز راسه وبعد وتقدمت تفتح الباب ووقف على الباب يشوفها تلثمت ونزلت ركض وهي خايف يوقفونها ويسئلونها وين كانت
