هز راسه جراح بالنفي : لا بس في السياره
نزل كتوفه صالح براحه ولف يكمل يصب قهوه وجلس يسمعهم بدو بموضوعهم وتكلم حاكم : ابد الي اقدر عليه ابشر
ابو راضي : الموضوع ومافيه ولدي راضي و ولد ابو حميدان تناغشو قبل يومين ودخل الشيطان بينهم وذبحه راضي
فتحو عيونهم الكل يناظرونه بصدمه وتكلم ابو جلال يكمل : وسجنو راضي ومن يوم الحادثه وحنا نترجاهم ومعيين مايبون الا يقص
حاكم : ياربي رحمتك
قايد : ووش المطلوب منا
ابو راضي : ابو حميدان يغليكم ويمكن يهون ويطلب الديه بدال
نزل راسه ابو راضي يمسح دمعته وتكلم حاكم يمسح كتفه : ابشر مايصير الى الي تبيه
ذياب : اصيل قم علم الحريم لازم نروح كلنا يالرجال
اصيل هز راسه : جدي من يجلس عندهم طيب ؟
سكت ذياب يناظرهم : باتل ونياف وين ؟
جراح بهدواء : صدم نياف وجلس باتل معه وترا ضاحي معهم
قايد فز : صدم
جراح : مافيه شي يعمي بس في السياره وهو بصحه وعافيه
سكت قايد يناظره وتكلم حاكم يوقف : تعشو وامرحو والصباح رباح نروح ونشوف علم ابو حميدان
سكتو ابو راضي وابو جلال وابو ظافر يتقهوون وطلع حاكم وطلعو وراه العيال وتكلم يناظرهم : ذيب لايجيه خبر خلوه يروح ويتهنى وان كلمكم لاتبينون وينه انا وعمي وقايد ومحسن واسامه نبي نروح والي يبي يروح منكم يجي بس ذيب لايجيه خبر
صالح بهدواء : يبه الله يهداك كيف ماتبي نعلمه ؟
حاكم بتهديد : يويلك تعلمه فاهم
هز راسه صالح وتخصر يناظر العيال وتكلم اصيل : من يجلس عند الحريم
لفو من دخلت سيارة هادي
وتنحنح اصيل يعدل شماغه وكزه عزيز بغمزه
وتقدم اصيل من نزلو وشاف خلف معهم : يالله حيهم يالله حيهم
خلف وهادي وساره : الله يبقيك ويعافيك
نزلو ساره وترف وعاليه وسلمى يدخلون وتقدمو خلف وهادي عند اصيل : جو
هز راسه اصيل وتكلم خلف : وش سالفتهم ؟
اصيل قال لهم السالفه ورفع حواجبه خلف يناظر اصيل : لا اله الى الله
هادي مسك راسه وكمل اصيل : ويبونا نروح نتحايل ابو حميدان يغير رايه
خلف لف يناظر هادي الي متخصر وتنهد : يصير خير
مشو يدخلون المجلس ودخل وراهم اصيل يقهويهم
هبطت الطياره ونزلو ياخذون شنطهم بعد الكشف ويطلعون للفندق
ابتسم يناظر شوارع دبي ولف من تكلمت العنود : الله وفي الجو الي احبه
ابتسم يحاوط كتوفها وتكلم ذيب للسايق : شف لنا افخم فندق
ابتسمت العنود تناظره وتكلم السايق : والله الفنادق الفخمه كثير وين تبي بالضبط
ذيب : انت اخبر في الديره
السايق : فنادق البرج
ذيب : كشخه وفخمه ؟!
هز راسه السايق : بس الاسعار تختلف
ذيب : توكل وودنا لها
هز راسه السايق يناظر الطريق ولف ذيب يناظر العنود الي تناظر شوارع دبي بابتسامه ورفع يده يعدل كمامها وغمز لها وضحكت العنود بخفيف تحاوط ذراعه
وبعد دقايق وصلو ونزلو ونزل شنطهم السايق واخذوها يدخلون يحجزون لهم غرفه وتكلم ذيب : جناح كامل
لفت عليه العنود بذهول : ليه جناح واحنا بس اثنين
ذيب هز راسه ولف من ردت الموضفه وهز راسه : نبيه خمس ايام
هزت راسها الموضفه تناظر الجهاز وهزت راسها تناظر ذيب : شبكه ؟!
هز راسه ذيب يطلع بطاقته يحاسب واخذ بطاقت غرفتهم ومشو يدخلون الاصنصير طالعين لجناحهم وكان في الدور الثامن ودخلو جناحهم ودخل وراهم الخادم ينزل شنطهم وطلع وقفل الباب ذيب وراه ورفع يدينه يتمدد ويناظر الجناح ومشى يطرح نفسه على السرير : ابي ارقد
العنود نزلت عباتها تعلقها : تعب مره
هز راسه ذيب ووقف ينزل ثوبه ومشى يتمشى في الجناح ويشوف وش فيه ووش مافيه وتكلمت العنود : مره كبير علينا
ذيب : حالف اعيش العيشه الي احلم فيها واتغلب على اكتئاب عقاب الي زرعه فينا
رفعت حواجبها العنود تضحك : تغلبت عليه وبقوه
ضحك ذيب يفتح الغرفه وضحك يناظر المسبح الكبير : فيه بركه هنا
نزلت حاجب ورفعت حاجب العنود : اسكت لايسمعونك يطلعونا الحين
هز راسه ذيب بعدم اهتمام وجلس يدخل رجوله في المويه وجلست جنبه العنود : تعرف تسبح ؟
هز راسه ذيب : كنت اسبح في بركة النياق يومي صغير
كشرت العنود بقرف وضحك ذيب : ماتعرفينها
العنود هزت راسها : اعرفها بس اسبح فيها مستحيل
ذيب : اخليتس تسبحين فيها اذا رجعنا والله تشمع فيتس ريحة النياق شهر ماتطلع
العنود : شرايك تجيب ناقه هنا ؟
ذيب رفع حواجبه : العلياء صح ذكرتيني لازم امشيها
رفعت حواجبها العنود ورفعت يدينها تدفه وترميه في المسبح وضحك ذيب يمسح وجهه : لازم اعدل بينكم
العنود هزت راسها : هذا اذا رجعت وحصلتها عايشه
ابتسم ذيب يتقدم عند رجولها : تغارين منها
رفعت حواجبها العنود : وليه اغار منها بالنهايه ناقه
ذيب غمز يحاوط رجولها : والله ماتغارين ؟
العنود فتحت عيونها تمسك كتوفه : لا ذيب ترا ماعرف اسبح
ذيب رفع حواجبها يجلسها : في بيتس بركه احسبتس تعرفين تسبحين
هزت راسها العنود : قد سبحت بس غرقت ومن بعدها ماصرت اسبح
ذيب بصدمه : يويلي عنتس بغيتي تموتين
هزت راسها العنود وكمل ذيب يلعب بالمويه بيده : ماش اجل ابجيب العلياء تلعب معي
فتحت عيونها العنود ترش عليه مويه وضحك ذيب يسحب رجولها وطاحت في المسبح وتقدم يرفعها واخذت نفس العنود تتمسك في كتوفه : قلت لك اغراق
ذيب بعد شعرها عن وجهها : معي منتي غارقه
مسحت وجهها العنود تاخذ نفس وتكلمت تناظر ذيب : رجعني للطرف
هز راسه ذيب بالنفي : لا خليتس معي منتي واثقه فيني ؟
العنود ناظرته : بعد تو انعدمت الثقه
ضحك ذيب يفكها وتمسكت فيه تصرخ : ذيب
رفع يدينه يحاوط ظهرها : عيون ذيب وقلب ذيب امري
ابتسمت العنود تعض شفتها وضحك ذيب وضربت كتفه : لاتضحك
هز راسه يأشر على عيونه وهمست تمسح شعرها الي امتلا ماء : رجعني للطرف
هز راسه ذيب بالنفي وميلت شفايفها العنود تناظره بقل حيله وابتسم ذيب يتأمل شكلها وهي تمسح وجهها وشعرها وناظرته العنود من حست بيده ترفع التوب وهمس ذيب : بعلمتس السباحه
هزت راسها العنود بالنفي تناظره بتوتر وميل شفايفه ذيب يرفع يده خلف عنقها وتقدم يقبلها
رفعت يدينها على عنقه من انكتمت وبعد ذيب يمشي بها لطرف المسبح ورفعها يجلسها وضمت رجولها العنود تطلع
وطلع بعدها ذيب الي تكلم : ابطلب عشاء
هزت راسها بهدواء وفتحت شنطتها تاخذ روبها ومشت داخله دورة المياه
فتح السماعه يطلب يجيبون العشاء للجناح وسكرها من قالو له ربع ساعه ويوصل وفتح شنطته يطلع له لبس وناظر الشورت ثواني ويتذكر وقت جابته له العنود وكان رافض يلبسه لانه مو متعود عليه ومد يده ياخذ تيشيرت وسكر الشنطه يقوم يلبسه
وقف قدام المرايه يناظر شكله وهمس : زين
لف يشوفها طالعه ولف عليها بجسمه كله : كيف
ابتسمت العنود بهدواء : والله فرق
ذيب ناظر شكله : احس شكلي غريب
تقدمت العنود تعدل التيشيرت له : بالعكس حلو بس لانك مو متعود واول مره تلبسه
ميل شفايفه ذيب ولف من طق الجرس وناظر العنود يدق رقبه : وجاء العشاء
ابتسمت العنود تشوفه طلع وتقدمت تاخذ بجامه تلبسه
وبعد مالبست اخذت الفرشه تمشط شعرها وناظرت ذيب داخل : تروشت ؟
هز راسه ذيب بالنفي وتكلمت العنود بذهول : المسبح فيه كلور لازم تتروش عشان مايتحسس جسمك
ذيب حاوط كتوفها : بعد العشاء اتروش الحين تعالي انتعشاء
ميلت شفايفها العنود تمشي معه وتقدم ذيب يسحب كرسيها وابتسمت العنود تجلس وجلس ذيب قدامها ورفع يده يفتح الاكل ورفعت يدها العنود تصب عصير ومدت عليه كاسه واخذت كاسها تشرب شوي وبدو يتعشون وبعد العشاء نامو
