العنود : وين هم الحين ؟
ذيب : في بيت ابوي
تكت العنود تفكر وتكلم ذيب : جدي مهو مرتاح لروحتنا هاذي
ناظرته وهزت راسها : ليه ؟
ذيب : انا ومايدانيني واذا صارت مصيبه حطها علي انا و صقر لانه عارف اننا نعانده وانتي جيتي وكملتي علينا والي ماسويناه سويتيه وحقد عليتس والحين اجتمعنا ويبينا كلنا تحت عينه
سكت من رن جواله وانحنى يطلعه وناظر اسم ابوه و ناظر العنود الي تناظر الجوال ورد يحطه عند اذنه : هلا يبه
فتح عيونه بصدمه من تكلم عقاب : وش مصحيك الساعه ثنتين ؟
لف يناظر العنود الي اشرت له يحط سبيكر ونزل الجوال يحط سبيكر ورجع تكلم عقاب : اهرج
ذيب : ياجدي الله يهداك ماجاني النوم عشان ارقد
عقاب بعصبيه : ماجاك ولا اتفرفر فالشوارع اسمع زين تصلي الفجر وتجي انت والصايعه الي معك
رفعت حواجبها العنود تناظر الجوال وناظرت ذيب الي يناظرها وتكلم عقاب : تسمع ولا ماتسمع
رفع يده يسكتها من فتحت فمها تتكلم ورفعت يدها العنود تبعد يده وقفل المكالمه ذيب وتكلمت العنود : ليه تقفل برد عليه
ذيب : مهبوله انتي تبين يشب فينا سايريه لين نخلص انتقامتس
تخصرت العنود تناظر الفراغ وناظرته وتكلمت : مافيه روحه عناد فيه يوم مارح يشوفنا عشان يعرف وش تسوي الصايعه ذي
ذيب ناظرها بصدمه : وش يوم يجيه جلطه ويموت ونبتلي فيه
هزت راسها العنود : يموت ماعلي منه اهم شي مارح يشوفنا
نزل الجوال على الطاوله ياخذ كاسه يشرب منه وناظرته العنود : مارح تروح ولا اروح فاهم
ذيب : عشان امي طيب ابروح الها
العنود : امك كلمها بس عقاب اتركه ولايجيه خبر انك كلمتهم
سكت ذيب يفكر ووقفت العنود تدخل تاركته
ناظر جواله من رجع يتصل رقم ابوه ووقف يدخل تارك الجوال وعقاب الي ينتظر رده
وقف السياره ينزل ونزل قايد وطمر صقر من الحوض لانه من ركبو ريم والجازي ماكان له مكان بينهم وركبوه فالحوض لين وصلو
ناظر ريم الي نزلت من الجهة الي طمر منها وناظرته وصدت تاخذ اكياسها وتسكر الباب
ولفت تمشى وراء امها
وقفت من تكلم صقر : تكفين اسمعيني
تكتفت تناظره : مافيه شي ينسمع
صقر : والله اني اسف واني مارتحت وندمان اني اذيتس تكفين سامحيني يالريم ان كان لي خاطر عندتس
سكتت تناظره ثواني وتكلمت : انا ماضريتك ولا اذيتك بشعره وشوله تضرني
صقر : والله ماقصدي انتي ناويها فالزفت راكان وجتتس
بغير قصد
سكتت ثواني وناظرته من تكلم : انا طالبتس تسامحيني مبي تناظريني بهالنظره الي تشب النار في صدري اذا شفتها
ناظرته ثواني ولفت تناظر امها الي واقفه عند بيتهم وتناديها ولفت تناظره وتكلمت بهدواء : عشان العيش والملح ولا والله ماسامحك
تقدمت تدخل بيتهم تاركه صقر الي فاتح عيونه بصدمه ويناظر بيتهم وتكلم : يعني سامحتني ولا لا ؟
وقف ثواني يناظر الفراغ مايدري وش معنى كلامها
فز على صرخة جده وناظره واقف عند الباب وتكلم بتوتر : سسسمم
عقاب بعصبيه : جعلك بالسم امش صل الفجر
هز راسه صقر بخرشه ومشا رايح للمسجد
