شيخه : يامي اهم صحتس والزواج يمدي تروحون وتجون
مسكت بطنها العنود وتقدم ذيب ياخذ عباتها : لاتعاندين
تقدم يعطيها واخذتها شيخه تلبسها واخذت حجابها العنود تتحجب وتكلمت شيخه بابتسامه : روحو وبشروني
هز راسه ذيب ووقفت جنبه العنود تمسك ذراعه وطلعو
غطت وجهها شيخه تناظرهم رايحين ورفعت راسها : يارب
وطلعت تجهز مع الباقين
وقف يناظرهم عند السياره ورفع صوته : وين منحاشين ومخليني ؟
لفو يناظرونه وناظر وجه العنود التعبان وتكلم : وراتس ؟
مسكت بطنها العنود وتكلم ذيب : مانا منحاشين اختك تعبانه وابوديها المستشفى
صقر : وعرسي ؟
ذيب : نبي نجي مانا مطولين
صقر ناظر العنود : يمكنه مغص خفيف معليتس جدتي الحين تسوي شاهي كمون تشربينه ويروح
هزت راسها بالنفي العنود وهي ماسكه بطنها وتكلم صقر : خلاص روحو وطمنونا ولاتطولون
هزو روسهم وركبت العنود وركب ذيب يشغل ماشي
وتخصر صقر يناظرهم رايحين : الله يستر عليكم
سكت يكمل طريقه للحلاق وناظر العيال الي مجتمعين يغنون ويطبلون وتكلم صالح : انتم نلقا واحد ويختفي الثاني
جلس صقر وتكلم ظافر : وين ذيب ؟
صقر : حرمته تعبت ووداها المستشفى
ناظروه نياف وسيف وتكلم نياف باستغراب : وراها ؟ اولا طالع من عندها مابها لون
صقر رفع كتوفه : والله علمي علمك بس شفتها وجهها تعبان مهب الي اولا
سكتو سيف ونياف وكملو راضي وريان يغنون وصقر يتلفت ماكملت فرحته لان ذيب مو معه وفنفس الوقت خايف على العنود لف يناظر نياف وسيف الي واقفين بعيد والجوال بينهم يتصلون على ذيب الي معقد حواجبه بخوف على العنود الي جنبه وتصيح
اخذ نفس يناظرها وتكلم : وش تصيحين منه ؟
العنود بحزن : محب الاستفراغ اكرهه
اخذ نفس يوقف السياره وتكلم : هانت هانت
فتح الباب ينزل وتقدم يفتح بابها ونزلت ودخلو الطوارى
اخذت نفس عميق ومسحت دموعها تجلس في الانتظار وذيب وقف يكمل بيناتها ويفتح لها ملف لان رفضو يدخلونه للدكتوره بدون ملف للمريض وبعد دقايق تقدم يسندها وقامت وتقدمو يدخلون جلست وبدت الدكتوره تسئلها عن الاعراض وذيب متكتف وواقف جنب العنود يناظرهم عقد حواجبه من سئلتها سؤال خاص وتكلم : بطنها يعورها وتستفرغ وشوله هالاسئله
الدكتوره : مشان نعرف شو سبب الالم
عض شفته من رجعت تسئلها والعنود تجاوب بهدواء
ثواني وتكلمت الدكتوره : لازم تحليل مشان نتأكد
هزت راسها العنود وتكلم ذيب : مطولين ؟
الدكتوره : يعمي انت ليه مستعقل كده ؟
وناظرت العنود : شو بيأربك ؟
العنود ناظرت ذيب : زوجي
هزت راسها الدكتورة وناظرت ذيب : ماشي خدها عغرفة التحليل وبعد ساعتين تطلع النتيقه واقولكم
وقفت تطلع وطلع وراها وتكلمت العنود : شفيك مشتط ؟
ذيب : دخلت سالفه في بطن سالفه وشوله هالاسئله كلها ؟
العنود : هي دكتوره ولازم تسئل ونجاوب
هز راسه ذيب وتقدمت الممرضه وناظرت العنود : عندك تحليل
هزت راسها العنود واشرت لها الممرضه تدخل ودخل وراها ذيب
جلست وتقدمت الممرضه تجهز الابره وعقدت حواجبها تصد وتغمض عيونها بقوه
لاحض انها تتصدد عن الابره وناظر ملامحها وتقدم يوقف جنبها ويمسح وجهها
فتحت عيونها العنود تناظره وعدلت راسها
ومسح خدها يلف وجهها من تقدمت الممرضه تدخل الابره وعقدت حواجبها العنود وهمس ذيب : تصبري والله لو مهب لازم ماخليتهم
لفو من تكلمت الممرضه : خلاص
لفت تناظر يدها واخذت الممرضه التحليل وناظرتها : ارتاحي لين تطلع النتيجه
هزت راسها العنود وطلعت الممرضه بالتحليل
وجلس ذيب طلع جواله وناظر المكالمات واخذ نفس يرجع يتصل على نياف ثواني ورد : عسى ماشر وراها العنود ؟
ذيب : الشر مايجيك بس تعب بسيط
هز راسه نياف وتكلم : هي عندك ؟
هز راسه يحط سبيكر : تسمعك
نياف بضحكه : صقر زعلان يقول ماهم بحاضرين عرسي
ابتسم ذيب يمسح وجهة وتكلمت العنود بابتسامه : احلف ؟
ضحك نياف : لا والله امزح بس يحتريكم
ذيب : قله يجهز وينبسط وحنا ساعين وجايين ان شاء الله
نياف : ساعتين !؟
ذيب : اخذو تحليل وساعتين وتطلع النتيجه
نياف : ه دق علي وطمني اذا طلعت
ذيب بضحكه : زين انتبه لصقر لايلبس محزمه من الحماس
نياف ضحك : لا جدتي مهجدته ماخلى الحلاق يحلق زين غثه مغير الساعه كم مابقي وقت اخلص علي
ضحكو العنود وذيب وتكلمت : قله يركد ترا ريم مهب طايره
نياف : ليت احد يفهم عشان انتكلم
ذيب : يالله توصي شي ؟
نياف : انتبه للعنود وطمني لاتنسى
هز راسه ذيب يناظر العنود الي تناظره : لاتوصي حريص
سكر نياف يناظر الساعه ويحسب
الحين الساعه ٦ المغرب والتحليل يطلع الساعه ٨
هز راسه ياخذ نفس
ودخل الحوش ناظرهم واقفين ورزان تبخرهم وتقدم يوقف معهم وتكلمت شيخه : ماكلمتو ذيب ؟
نياف : تو سكرت منه يقول في المستشفى
صقر : متى يبى يجون ؟
نياف وهو يلبس محزمه : مهم بمطولين
هز راسه صقر يسكت وتكلمت رزان : عشتو ماتعبت الا في عرس اخوها ولا ماتبي تحضر ؟
سمعتها نجود الي طلعت مع شادن وترف وعاليه وتكلمت : حرام عليك من الصبح تدور تجهز وترتب فرحانه في اخوها وتقولين عنها كذا ؟
رزان بنص عين : كان كملت فرحتها
صدت عنها نجود تدخل وضحكت رزان وتكلمت ساره :
حرام عليتس يرزان البنت ماقصرت
سكتت رزان تدخل بيتها وتكلم صقر : نروح الرجال يحترون
قايد : الحين انت مقروص اهجد يأدمي
الجده سلمى : بعد المغرب يبداء العرس ومابقي شي عنه
ابتسم صقر يشد بشته عليه ويناظرهم ومشو طالعين
وصقر في النص ويمينه قايد ببشته ويساره عقاب
والباقين وراهم
