ضحك ذيب يمسك يد راشد يبوسها واعتدل يسحب اسرتهم لغرفة العنود
طق الباب يفتحه ودخل والاسره قدامه وصرخو البنات يناظرونهم وتكلمت ود : يعمري كيوت
ترف رفعت يدينها تشيل دلع ولفت من سكتو الكل وتكلمت بتوتر من نظراتهم : اعرف اشيل لاتخافون
سلمى ضحكت : مادرو ان لمى من جت وهي فيدينك
هزت راسها ترف تمسح راس دلع وحاوطتها بذراعينها تلف تمشي للجده سلمى الي باست راس دلع تسمي عليها ومرت عند خالها حاكم الي تكلم : معرف امسك مواليد خليها معتس
هزت راسها ترف تشوفه يمسح راس دلع وتقدمت عند امها الي فردت يدينها تاخذ دلع لحضنها وابتسمت تشوف امها طلعت ظرف صغير تخبيه في لبس دلع وتقدمت تاخذ دلع ولفت من فرد يدينه سيف : عطينيها
ترف : تعرف ؟
هز راسه بالنفي : ابجرب
هزت راسها ترف بالنفي : لا فكنا منك
سيف وقف : ابروح لراشد اجل
فتحت عيونها ترف تناظره : انتبه
هز راسه سيف يشوفه مع ابوه ولفت ترف من تكلم جراح : هاتيها نشوفها
تقدمت ترف توقف عندهم وتلفها لهم وتكلم عزيز يضحك : هذي الي كانت في بطنها يصغرها
ترف فتحت عيونها : معها راشد مو وحدها
عزيز : كلهم مايباعدون بعض
سكتت ترف تشوفهم يعلقون على دلع وهزت راسها تلف ووقفت من وقف قدامها اصيل وبلعت ريقها تنزل نظرها ل دلع ورفع يده اصيل يمسح راس دلع الي ماسكته ترف وتكلم بهمس : للحين تخافين
عضت شفتها ترف وناظرت يده الي تمر من جنب يدها وكمل اصيل : لاتخافين من شخص طلعك من مصيبه
بلعت ريقها ترف ورفعت راسها تناظره ولفت تمر من جنبه ونزلت دلع ف سريرها وجلست تضم يدينها وتهدي رجفتها
دلال بحنيه مسكت يدين راشد تحركها يمين يسار وتكلمت تغني : الحب يتعب من يدله والله في حبه بلاني
ضحكت تشوف راشد يبتسم وصرخت وتناظرهم : صار حبيبي
عضت شفتها تشوفهم يناظرونها وتكلم اصيل بعصبيه: ماشاءالله
دلال شبكت يدينها بتوتر : قصدي صديقي
ضحكو من توترها ومدت بوزها دلال تجلس وتتكتف وتناظر الارض
ود تقدمت تحضنها : حبيبتي الي زعلت شفيكم عليها خلوها تتهنا
شادن وهي ماسكه : الله لايحط مسلم محلتس يويلي يخرشتها تضحك
اصيل : قفلو
جراح وهو يضحك : وهذا مسوي غيور
رجعو يضحكون على اصيل وتكلم ذيب الي جالس وراشد بحضنه : قال قفلو وزادوها
تأفف اصيل وتكلم باتل : اييه تقول صديقها عادي مافيها شي
صالح : عييب البنت تستحي على وجهها وتترك هالعلوم
دلال بغضب : انطم انت يامتخلف
صالح : احترمي نفستس تراني متحملتس
دلال اشرت على راسه : يبي لك تحديث عقلك معلق على الف وميه
عقد حواجبه صالح وشد على يدينه : امسكوها ي اخوانها لاحتال فيها
امجد مسك دلال يجلسها جنبه : لا خلها نبيها اذا خلصنا عطيناك اياها
لفت عليه دلال بذهول وتكلمت ود : عزتي لك يدلول ماتدري تحصلها من صالح ولا من امجد
سكتت من طق الباب ووقف ذيب يفتحه ودخلت فاطمه وتقدم ذيب يبوس راسها وتكلمت فاطمه : الله يرضى عليك
تقدمت فاطمه تسلم وابتسمت بهدواء تناظر العنود وناظرت الاسره وتكلمت بفرح : مبروك يروح امك وحمدالله على سلامتك
ابتسمت العنود بهدواء ترد عليها وتكلمت شيخه : حياتس ارتاحي
جلست فاطمه وهي تناظر دلع وراشد الي نايمين باسرتهم ولفت على ذيب : سميتو ؟
هز راسه ذيب وتكلمت العنود : راشد و دلع
ابتسمت بوسع فاطمه تسمي عليهم وناظرت راشد : اي والله سمي الغالي بياخذ من غلاه
هزت راسها العنود وكملت فاطمه : ودلع على من جديد ؟
ذيب جلس : انا اعلمتس يخاله انا الي جايب اسم دلع لان بنتس تحب الدلع والدلال وقلت بنتنا دلع
ضحكت فاطمه تناظر العنود : اي والله دلوعة جدها اول صارت دلوعتك الحين
عضت شفتها العنود بأحراج وهز راسه ذيب يناظر دلع
وتكلمت فاطمه: متى قالو تطلعين ؟
العنود رفعت اكتافها وتكلمت شيخه : اذا تعافت ان شاءالله
هزت راسها فاطمه : ان شاءالله
لفو من فتح الباب ودرعمو نجود وجمان ووقفو يناظرون العنود بذهول وصدمه وغطو فميهم يناظرونها ويناظرون البنت الي بحضنها والولد الي بسريره وتكلمت نجود بطفوليه : عمري الي صارت ام عمري
ضحكت العنود وفردت يدينها نجود تجلس جنبها وتحظنها ورففت يدينها العنود تبادلها
بعدت نجود وجلست مكانها جمان الي باست خدها وحضنتها
بعدت وهي تبارك وتكلمت نجود وهي تناظر راشد : بسم الله على قلبه
جمان ناظرت العنود : خرشتينا نتصل محد يرد
نجود : لو ماتصلت على خاله فاطمه يمدي انهبلت وانا ادورك
العنود : انتي بنفس المستشفى مادريتي من اول ؟
هزت راسها نجود : ماداومت اليوم عشان كذا مادريت
هزت راسها العنود بهدواء وتكلمت نجود تناظر راشد : وش اسمه حبيب خالته ؟
دلال وقفت عندها : دقيقه دقيقه سبقتك انا
نجود ضحكت : ليتني جيت من اول اجل
دلال : لازم نخلي راشد الماجد يغني له سميه
ود : الناس ماتدري ترا اسكتي لاتفضحينا
جيهان : تكفي اغنيتك الي اولا لاتجيبين غيرها
نجود شهقت تمسك قلبها : غنيتي له قبلي !؟؟
هزت راسها دلال وتكلمت فاطمه : هو نايم ماداء عنكم
صالح هز راسه : دليل انه مايحب هالسوالف رقد وخلاتسن
نجود اشرت بيدها تناظر دلع : مو جوي راشد ويع عطيني البنوته الحلوه
جمان ضحكت : البنت ذي مصلحجيه
نجود هزت راسها تناظر العنود : تتذكرين الشبس الي كنت ابيه وقلتي انك نفسك فيه وعطيتك
هزت راسها العنود وكملت نجود تشيل دلع : خلاص انا الحين ابي بنتك وانتي مجبوره تعطيني اياها
فتحت عيونها العنود بذهول تناظرهم مصدومين ورفعت اكتافها نجود تناظرهم : وحده بوحده ماخذت شي مو لي
ضربو رجولهم يضحكون وتكلمت شادن : ضناها وش تاتاخذينه
نجود ناظرت ذيب : اسمح لي برفع شكوا اذا اخذتوها مني
ذيب طلع بوكه : يبنت الناس اصبري بكم شبسها الي تقوله ابعطيها فلوس تروح تاخذ ثاني وتخلي ورعي
ضحكو وضحكت نجود تجلس وتناظر دلع بحضنها وتكلمت : ماقبل فلوس انا
جمان بضحكه : عطها خمسه ريال صدقني بتطير من الفرحه
نجود رفعت اكتافها وناظرت دلع وتكلمت : الولد راشد والبنت نجود
وناظرتهم :خلاص اسمها نجود وماقبل تغيير
العنود : كل شي ماتقبلينه انتي
هزت راسها وتكلمت فاطمه : رجعيها بس امها وابوها سموها مايبون اسمك
فتحت عيونها نجود وتكلمت ود : دلع
نجود كشرت وجهها : حلو بس نجود احلا
نوف : يليل لاتصحينها
نجود : بشوف عيونها نفس امها ولا ابوها
ترف : ركزتي على العيون بس
هزت راسها نجود : يقولون اذا عيونها وساع نفس امها حضها زين واذا مبطنه نفس ابوها حضه شين
فتحو عيونهم يناظرونها وتكلمت شيخه : من قاله ؟
رفعت كتوفها نجود وتكلمت شادن : وش احلى من عيون ذيب لاهي مبطنه ولاهي ناقزه
فاطمه : اصلن محد قال كذا غير نجود
لفت نجود تناظر فاطمه وابتسمت : فاهمتني
العنود رفعت يدينها : هاتي بنتي لاتاخذ من سماجتك
نجود ناظرتها : يازيني انا وسماجتي اخذي بنتك المغروره مو جوي بعد
دلال : من جوك اجل
نجود وهي تناظر مغذي العنود : باقي ادور عليه
حاكم : نستأذن حنا بنرجع للبيت
هزو روسهم وطلعو حاكم والجده سلمى وقايد بعد ماسلمو عليهم
ودخلت الممرضه بتاخذ راشد ودلع وتكلمت دلال تناظر الممرضه : اهتمو فيه زين
هزت راسها الممرضه وتكلمت ود : لاتعلمينهم في شغلهم يعرفون
اصيل وقف : بنطلع حنا والحمدالله على سلامتك مره ثانيه
هزت راسها العنود وطلع اصيل وطلعو وراه الباقين وبقي ذيب داخل
وطلعو البنات وطلعو معهم ترف وعاليه ونزلو كلهم مع بعض
تقدمو يركبون مع غيث الي ينتظرهم وطق الدريشه اصيل
وفتحها غيث وتكلم اصيل : عندك شغل ومستعجل ؟
هز راسه غيث : لا امر
اصيل : بنطلع حنا والبنات نتقهوى الحين وبغيتكم تجون معنى
غيث ناظرهم : ماودي نثقل عليكم
اصيل رفع يده : لاترفض مجبور تجي ترا
هز راسه غيث وابتسم اصيل يركب سيارته وحرك يشوفهم بسياراتهم وراه
ويسمع دلال الي تقترح عليه مقاهي ومطاعم
ابتسم يشوف فاطمه تسلم عليهم وطلعت رايحه
وتنهد يناظر عمته ساره الي جالسه جنب امه ويتقهوون ويسولفون وناظر العنود الي نايمه وابتسم يناظر الهدايا والورد الي جابهم وتكى براسه يتأمل العنود بهدواء
صحى على صوت الباب وناظر امه تاخذ خمارها وتكلم : وبن تاتروحين ؟
شيخه : اذن وابروح اصلي في المصلى مع ساره وجايين انتبه للعنود لين اجي
هز راسه ذيب وطلعت شيخه وناظر العنود الي تتعدل بتقوم
ووقف يساعدها : تبين شي ؟
هزت راسها العنود تأشر على دورة المياه وتقدم يسندها
دخلت وسكر الباب ورجع يرتب الهدايا وينتظر تخلص
ثواني وخلصت وطلعت ولف عليها ذيب ومشت تجلس على السرير وتقدم ذيب يلف رجولها بالبطانيه وجلس على طرف السرير وتكلمت العنود تناظره : فيه شي ؟
هز راسه ياخذ البوكيه ومده عليها وابتسمت بهدواء العنود وتكلم ذيب : ماقدرت اعطيتس وهم موجودين مابغيت احرجتس ثلاث مرات فيوم
رفعت جواجبها العنود : مجهز اثرك
ضحك بخفيف ذيب ورفعت يدها العنود تاخذ العلبه الي بين الورد واخذ الورد ذيب ينزله وناظرها : وش تتوقعين ؟
رفعت اكتافها العنود تقراء الكرت : حلفت ماحب غيرك من البشر مخلوق ، يامالك قلبي ترى القلب يغليك ، عطيتك عهد مني مصدق وموثوق ، محد غيرك في حياتي يساويك .
ابسمت بحيا تناظره ورجعت تناظر الكرت وهمست : اروق وارد عليك
ضحك ذيب يشوف حياها وهز راسه : احتريتس
عضت شفتها العنود تفتح العلبه وابتسمت بأعجاب تشوف ساعة الالماس الي تتوسط العلبه ورفعت نظرها على ذيب الي يراقب ملامحها ورجعت تناظر الساعه ورفعت يدها تتحسس حبات الالماس الي تحاوط عقارب الساعه وحاوطتها بهدواء تطلعها وناظرت ذيب : ماكنت اعرف ان ذوقك حلو لهدرجه
ذيب فرد يدينه : توتس ماشفتي شي
عضت شفتها العنود وتكلم ذيب : اعجبتس
هزت راسها العنود : مره تجنن
ابتسم ذيب ياخذها من يدها ويفكها ومسك يدها يلبسها وابتسمت العنود تراقب لمعتها وهي مصدومه من جمال ذوقه
سكرها يعدل يدها ويناظر الساعه بمعصمها وتكلم : زينتها يدتس
ابتسمت العنود ولف ذيب ياخذ العلبه الثانيه وتكلم : افتحيها شوفي ؟
ميلت شفايفها العنود تتحسس قماش المخمل الي يحاوط العلبه ورفعت يدها تفتح مفتاحه وترفع الجزا العلوي من العلبه وابتسمت من استقبلتها لمعة الالماس وابتسمت تشوف الطقم الي مرصع الماس صافي ورفعت يدها تتحسسه باطراف اصابعها وناظرت ذيب تهمس : كذا كثير
هز راسه ذيب يناظرها : ماهو كثير عليتس
ابتسمت بأمتنان تناظره ولفت تناظر العقد وسكرت العلبه تفتح العلب الباقيه وكانت مذهوله ومعجبه بكل هديه وكل علبة تفتحها تضم هديه احلى من الاولى
التشبيهات في الانستاء(rxoa.19)
